Berdelaedjes

[Scribus electronicus]

Bondjoû mes djins,

Dj' a-st on cuzén k' a bråmint d' l' agrè po les djeus d' role.

Si d' atoumance vos sepoz nén çou k' ç' est po ene sacwè, c' est des djeus foirt ricwerous des djonneas la k' i gn a des istweres divins on monde fantastike avou plin d' tolus et d' guerîs. Les djonneas si maskèt et shuvèt des rûles po fé come s' il estaxhénxhe divins ç' monde.

Vola deus samwinnes, i m' a dmandé si dji n' kinoxheu nén des tolus d' avå l' Walonreye po nén sayî do mete so pî on sfwait djeu.

Li såme, veyoz vs, c' est do trover des creyateures, des ledjindes "egzotikes" a leu môde ki n' soeyexhe nén trop gnognots ou folclorikes et ki polexhe ahåyî a des djonneas di 15 30 ans vîs.

Dj' a dedja sacwantès idêyes :

Po des tolus :

- li påcolet

- li tchesturlinne del bele rotche (djinre di blanke nozêye dame plinne di misteres vicant dvins ene bôme et k' assaetche tos djonneas k' morèt tot naiviant eviè s' djîsse.

- li savtî renant (nén l' "djwif renant" sogne do s' fé taper l' houwêye po antisemitisse) : onk k' a stou mådit divinltins, ki bate carasse avå les voyes et poleur fé do bén kécfeye ås cis k' i croejhlêye)

- li gade d'ôr (feme ki fourit candjeye a gade cwand si galant fourit touwé pa on signeur k' el voleut awè come kipagneye ; ele poite todi les ôrreyes ki l' tchesturlin lyi aveut dné).

- boublin : sôre di nûton, di mwais esprit ki kihushtene les houyeus

Po des plaeces emacralêyes :
- li tchantoere

Po des cayets emacralés :
- on måléndjin : agayon leyî pa ene macrale sins k' on sepe po kî.
- live Ågrafå
_________________
Araedjî waloneu prete a rvindjî si mancî lingaedje

[lucyin]

Foirt bounès idêyes. Motoit ndè djåzer ås scoles di walon d' Såcere (powezeye-retos => 17-18 ans). Dji les voe djudi ki vént et motoit les djudis d' après. Dj' endè djåzrè avou Lorence Simon, li prof di walon.
_________________
Li ci ki n' a k' on toû n' vike k' on djoû.

[Scribus electronicus]

Li vicåreye da Pierre Colon.

https://fr.wikipedia.org/wiki/Pierre_Colon

L' istwere do doudou (on l' raconte divins Walon'rèye, tére di lédjindes)

https://fr.wikipedia.org/wiki/Gilles_de_Chin

L' istwere da Berthe de La Roche

https://fr.wikipedia.org/wiki/Berthe_de_La_Roche

Li bierdjî di Mousnî

https://fr.wikipedia.org/wiki/Berger_de_Mousny

Vola co la ene banslêye di tolus.

https://unmondedechimere.wordpress.com/2023/11/27/creatures-du-folklore-belge/

---

Dji direu k' å pus sovint, les scrijheus walons ni djåzèt nén bråmint di ledjindes et tolus k' on n' ritrouvreut nén ossu e foclôre uropyeyin.

Si fåt i fé sacwants rcweraedjes po trover ene djivêye di tolus ki nos polexhe ahåyî.
_________________
Araedjî waloneu prete a rvindjî si mancî lingaedje