Berdelaedjes

[lucyin]

https://wa.wikipedia.org/wiki/Chants_Folkloriques_Malm%C3%A9diens_(sitroete_plake)

Pâkes

Paroles : Fr. Schumacher; Muzike : Sylvain Michel

Rèfrin

Sonoz clokîs du nosse cité
Lès clokes du Rome vont raspiter
Lu lapin d’ Pâkes èst tot foû d’ lu
Pwarter dès-oûs, ènnè pout pus.
Cwèroz, l’s-èfants, i sont catchîs
Cwand v’ lès-âroz, fât lès kètchî.

https://wa.wikipedia.org/wiki/Im%C3%A5dje:Wa_Schumaker_P%C3%A5ke.ogg

Couplèt 1
Après lu mèrcrèdi dès Cènes
On-z-a bin duv’lou fé Cwarème
One cwaranténe du djoûrs pus vîs
L’ pèneûse saméne nos-èst ruv’ni
Lès clokes vont s’ arèter d’ soner
Nosse vî calvêre èst hâbité
Cèrtins, à c’fèsse, d’hèt leûs pètchîs
Lès p’tits-èfants p’lèt s’ rafiyî.

Couplèt 2
Tote lu saméne, on-z-a cori
Po poleûr rumoussî lès p’tits
Ca l’ djoûr du Pâkes, i fât strimer
Po n’ nin èsse dès-oûhês d’hité.
Fârè ossu dès noûs solés
Èt dré l’ cwafeûr, èco aler
Surtout n’ nin rouvyî lès tchènas
Avou on bê flo du taf’tas.

Couplèt 3
Ça i èst, l’ grand djoûr è-st-arivé
Avou papa, i vont ‘nn’ aler
Kékes places ol famile, dré l’s-amis
Fârè zâbrer p’ aveûr fini
L’ tchèna rimpli d’ oûs è coleûrs
Èt d’ on hopê d’ bonès doûceûrs
duvint pèzant po lès p’tits djônes !
Fât ç’ k’ i fât, mès ça vât lès pônes.


Couplèt 4
Ça i èst, lu toûr èst fini
Lès p’tits sont tortos mwart nâhis
I font l’ bilan d’ çou k’ i-z-ont r’çû
On-oû por mi, on-ôte por lu
Papa, lu, èst tot èzoûlé
C’ èst k’ tot-avâ on l’ a s’pâmé
One gote par-ci, on cognac´ là
Cwand ç’ n’ èst c’ one fî par an, ma fwa.
_________________
Li ci ki n' a k' on toû n' vike k' on djoû.