Berdelaedjes

[Scribus electronicus]

Bondjoû mes djins

Vola sacwants djoûs, i m’ a stitchî ene idêye k’ on pôreut bén shure afîsse do mete les piceures do codjowaedje walon so on pî d’ soke tot dinant on côp di spale âs scolîs do walon.

Mi idêye, veyoz vs, c’ est do ratni l’ codjowaedje des viebes nén sorlon l’ ôre di tos les lingaedjes indo-uropeyins avou 1. prono + codjowa ...

Dji voe
Ti voes
I voet
Nos veyans
Vos veyoz
I veyèt

… mins do ratni li cogne ritournêye pareye ki dvins ene kesse, loukîz cial :

Voe dju? (veûdjdju / vwèdjdju)
Voess ? (veûss / vwèss)
Voet i ? (veût-i / vwèti)
Veyans ns ? (vèyangne)
Veyoz vs ? (vèyez-ve vèyof)
Veyèt i ? (vèyèti)

Pâr ki çoula permetreut, edon, mes djins, do mostrer âs noûcâzeus l’ eployaedje du prono padrî [enclitique] et des -ss del deujhinme djin.

Magne dju ? Pou dju (“poudjdju”)?
Magne tu ? Pouss (“pousse”) ?
Magne t i ? Pout i ?
Magnans ns ? Polans ns ?
Magnîz vs ? Poloz vs ?
Magnèt i ? Polèt i ?

Po les viebes â kimandeu, on les pôreut ossu studyî avou l’ prono mu / m’, nos et vs

Bouxhe mu / tu / lu / nos / les (mây lzès, elzès)

Bouxhans l’ / les (mây lzès, elzès)

Bouxhîz m’ / l’ / nos (mây “ns”)

Dj’ a priyî Lorint li croejhetî do rfondou et Rnâd k’ a-st idêye d’ endè fé ene sol walon di Lidje po k’ dijhexhe cwè.
_________________
Araedjî waloneu prete a rvindjî si mancî lingaedje