|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
Maisse Arsouye
Date d' arivêye: 2005-07-04 Messaedjes: 194 Eplaeçmint: Djiblou
|
Date: sem 01 djl, 2006 20:55:11 Sudjet: Viebes di Gngnape |
|
|
Kesse da Pablo :
Citåcion: |
Dj' a scrît l' årtike so l' atuze des troes bodjes, eyet metou des comparåjhons avou les sôres di viebes dins les tåvleas d' codjowaedje dins l' Gilliard, et dins l' pitit live des Chnapas (dji doe co radjouter on sfwait live po Lidje): Copene:Prumire troke di viebes e walon, Copene:Deujhinme troke di viebes e walon, et copurade (todi l' pus målåjheye) Copene:Cénkinme troke di viebes e walon. Dins cisse dierinne, pôrîz vs acertiner ki l' imperatif po "croere", crèyans est ene flotche di l' eplaideu po crwèyans (come c' est bén l' cas a l' infinitif); eto, si vos cnoxhoz bén l' pårler da Christine Tombeur (c' est bén a Djnape, dji n' mi brouye nén?), sårîz vs dire po les viebes metous come nén rpris, come kéne sôre dins les 20 des Chnapans k' i si codjowèt, ou s' i n' si codjowèt come nouk di ces la, el fåreut dire à Christine k' i manke on modele (i m' shonne ki ça sereut bén l' cas po "ôre"/"clôre" (oyu/cloyu), mins motoit k' on les eploye måt et k' on dit "etinde"/"serer"...
|
C'est pus aujî, mi chone-t i, di vos responde véci.
Dji n'conè nén bén li walon di Gngnape. Et m'feume qu'est d'vélà ni cause nén walon... Eyet dji n'conè nén Mme Tombeur. Mins dji m'va sayi d'vos dner on cop di spâle.
Eûchiz bén el tiesse qui dji so di Balausse, c'est co do walon central, mins avou dedja sacants mots vinu di Châlèrwè.
Crèyans sone drôle à mes orâyes. Dji n'aveû mauye vèyu qui Gilliard dijeû çoulà ! Po mi, ça srè purâde crweyans Mins dji n'sé nén comint qui dijenut pus à coutchant.
A Nameûr, on ètind co ôre, dji l'a co ètindu d'on bouquinisse di Nameûr gn'a deûs samwinnes. Mins passé Djimepe-so-Sambe, c'est todi ètinde. Po çou qu'est di clôre, on l'dit ossi véci, mins c'est purâde serer. Po l'pau qui dji sé, ces viebes là sont-st à paurt. _________________ Rissaetchî-vos di m' solia ! |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1158 Eplaeçmint: Oûpêye
|
Date: sem 01 djl, 2006 23:57:40 Sudjet: Re: Viebes di Gngnape |
|
|
Maisse Arsouye scrijha: |
Crèyans sone drôle à mes orâyes. Dji n'aveû mauye vèyu qui Gilliard dijeû çoulà ! Po mi, ça srè purâde crweyans Mins dji n'sé nén comint qui dijenut pus à coutchant. |
Oyi, dji so a pô près seur ki c' est ene flotche di tapaedje, et ki l' "w" a stî pierdou tins d' l' eplaidaedje.
ôtrumint ça sereut l' seu viebe, dins tos le s 4.000, ki l' imperatif sereut diferin di l'indicatif prezintrece pol 3inme djin.
Citåcion: |
A Nameûr, on ètind co ôre, dji l'a co ètindu d'on bouquinisse di Nameûr gn'a deûs samwinnes. Mins passé Djimepe-so-Sambe, c'est todi ètinde. Po çou qu'est di clôre, on l'dit ossi véci, mins c'est purâde serer. Po l'pau qui dji sé, ces viebes là sont-st à paurt. |
Adon, d'après vos, i n' vont nén avou les ôtes modeles do ptit live des Chnapans; c' est djusse ki, come i n' sont eployîs, on ls a nén metou? |
|
Rivni al copete |
|
|
Maisse Arsouye
Date d' arivêye: 2005-07-04 Messaedjes: 194 Eplaeçmint: Djiblou
|
Date: dim 02 djl, 2006 8:04:12 Sudjet: Re: Viebes di Gngnape |
|
|
Pablo Saratxaga scrijha: |
don, d'après vos, i n' vont nén avou les ôtes modeles do ptit live des Chnapans; c' est djusse ki, come i n' sont eployîs, on ls a nén metou? |
Oyi. Et ôre n'est nén dins l'Gilliard nè rén. _________________ Rissaetchî-vos di m' solia ! |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1158 Eplaeçmint: Oûpêye
|
Date: dim 02 djl, 2006 21:45:34 Sudjet: Re: Viebes di Gngnape |
|
|
Maisse Arsouye scrijha: |
Et ôre n'est nén dins l'Gilliard nè rén. |
Siya. Mins i vs fåt loukî a "oyu" (c' est assez corant ça des pårticipes erireces ki prindèt l' plaece di l' infinitif; i gn a ossu "avu", et bén ds ôtes. po çou k' est des viebes des 1ire, 2inme, 3inme et 4inme trokes, on n' ôt nole diferince inte l' infinitif eyet l' pårticipe erirece: -er/-é, -î/-î, -yî/-yî, -i/-i)
A des plaeces k' i gn a, on dit eto "cloyu" po l' infinitif di clôre.
Dins l' Gilliard, il ont tchaeconk on modele da zels:
39 po "clôre"
54 po "ôre" (oyu)
I s' codjowèt tot parey, les seulès diferinces, ki fwaiynut k' i sont dins deus modeles diferins, c' est:
* po clôre, i gn a on pårticipe erirece "clôs, clôse" a costé di "cloyou, cloyowe"
* po ôre, l' infinitif est replaecî på pårticipe oyu a Moustî |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|