Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Soce et monde.
Potchî al pådje Di dvant  1, 2, 3, 4  Shuvant
 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
Pablo Saratxaga
Site Admin


Date d' arivêye: 2005-07-01
Messaedjes: 1012
Eplaeçmint: Oûpêye

MessaedjeDate: lon 11 djl, 2005 3:11:22    Sudjet: Responde tot citant

Djor scrijha:
C'est vaici l'mame des diferince etur les mårcsisses et les anårtchisses: vozôtes, vos vloz vos rinde mwaisse. Nozôtes, on n'vou k'i gn ouxhe pupont d'mwaisses sol daegn.

«I fåt wågnî l'pouvwer» Twisted Evil , dijha-t i, Marx.
«Li pouvwer», risponda Proudhon, «i n'el fåt nén wågnî, mins l' taper djus». Razz


Normålmint les socialisses/comunisses eyet les anårtchisses i vlèt l' minme; c' est djusse li voye po-z î ariver k' est diferinne.

I fåt bén vey ki po-z ariver a ene sifwaite soce i fåt on sfwait candjmint, ritourner pår les cerveas, po k' les djins n' cwerixhe pus après les cwårs, li ritchesse et sayî d' prinde å vijhén; mins purade k' i vlexhe pårti et dner; i fårè sacwantès djermêyes di djins po k' ça arive (et çoula, tot contant a pårti do moumint wice ki l' sistinme capitalisse d' asteure sereut totafwait djus).

Po les socialisses li manire d' afroyî l' voye c' est di prindre li pouvwer po, a pårti d' l' Estat, fé des lwès po mî rpårti l' ritchesse, eyet espaitchî k' i gn åye des cis ki pôrént scroter les ôtes.
C' est nén oblidjî d' esse ene dictateure po çoula: li Venezwela pol moumint prind l' voye do socialisse, et portant c' est surmint l' payis l' pus democratike sol Daegn; avou bråmint do pouvwer po les djins (i fåt co k' les djins l' egzercexhe, ça s' fwait ptit a ptit, i s' fåt afaiti la k' c' est foirt diferin di tot çk' i gn a yeu les siekes di dvant), et des vôtaedjes foirt sovint, et totes les tchedjes publikes ki polèt esse disvôtêyes a dmey-termene (i fåt djusse k' i gn åye ene madjorité eyet on nombe totå pus grand ki l' ci ki l' a vôté l' prumî côp, po dmander del taper foû), dji n' kinoxhe nol ôte payis ki permete çoula.

Po les anårtchisses, i fåreut fé disparexhe l' Estat, do côp, et cmincî a s' adjinçner inte les djins.
Li problinme avou çoula c' est, k' a moens del fé tot avå l' Daegn e minme tins, on si frè spotchî pa èn ôte payis.
I fåt bén wårder èn Estat ey ene årmêye, nén seulmint po s' disfinde, mins ossu po-z esse ricnoxhou dins les ôtes payis, sins cwè, tot l' minme kî pôreut vni avou si årmêye, po "restabli l' ôre", eyet tertos clatchrént dins leus mwins, et il årént al copete on mandat d' l' ONU, surmint.

Citåcion:

Li mårcsisse, c'est k'els maskins divegnnuxhe des mwaisses, et k'els mwaisses divegnnuxhe des meskins.


Nenni, c' est nén çoula (minme si, c' est l' veur, bråmint ont volou, et on fwait, çoula, a môde di rvindje).

Ene des meyeusès sacwès avou l' disparexhaedje di l' URSS, c' est k' li mot "socialisse" a divnou libe; on pout asteure esse socialisse (vormint socialisse, nén come li "PS" did ci ou d' la, ki n' mete nén pus conte li capitalisse), sins k' ça voye dire k' on sreut d' acoird avou çou ki s' fijheut e l' URSS (et k' i foircént les ôtes a fé eto).

Mins motoit k' ene des grandès flåwes di Marx, et do socialisse uropeyin, li "socialisse materialisse", c' est, djustumint, di n' vey ki l' costé materialisse, et rén k' çoula; di n' vey ki des foices di produjhaedje, des moyéns d' produjhaedje, purade ki des djins, des idêyes, des sondjes.
Bén seur, c' est les deus.
On n' pout nén espliker les piramides ou les catedråles seulmint d' ene manire materialisse.

E l' Amerike, on voet l' costé des idêyes et des sondjes (c' est nost eritaedje indyin); i s' pôreut bén k' on î reyussixhe çou k' a fwait berwete e l' Urope å sieke di dvant.
Mi, dj' î vout croere, paski dji so-st ene djin, et k' les djins ont mezåjhe di sondjes po viker, et d' viker po fé k' leus sondjes divnexhe vraiys.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1012
Eplaeçmint: Oûpêye

MessaedjeDate: lon 11 djl, 2005 3:25:25    Sudjet: Responde tot citant

mineudaredje scrijha:
Mais dji so bin contint k'asteure vos vla vraimint democratike... Wink


Mi djel so.
Mins dji pinse eto k' c' est ås cubins, et rén k' a zels, di decider l' manire d' adjinçner leu vicaedje politike (et a Cuba c' est nén ene dictateure feroce nerén, hin, i gn a minme des vôtaedjes, pol pårlumint (k' a teyoricmint l' droet d' taper foû Fidel Castro, et ki teyoricmint l' minme Fidel ni pout rén dire conte) les vôtaedjes sont foirt democratikes.
Ça fwait k' les cubins polèt vôter pol pårlumint, et l' pårlumint pout fé les lwès k' i vout.
C' est ås Cubins d' decider, et nén ås govienmints des Estats-Unis d' decider a leu plaece (les USA l' ont ddja fwait sovint assez, di 1902 a 1959).

Dji trove ki c' est d' voleur foircî on sistinme politike d' ådfoû ki n' est nén democratike.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
djozewal



Date d' arivêye: 2005-07-01
Messaedjes: 307
Eplaeçmint: bagué !

MessaedjeDate: lon 11 djl, 2005 9:23:58    Sudjet: Responde tot citant

Pablo Saratxaga scrijha:
[
Li "democraceye riprezintative" n' est nén l' seule manire di fé, endon; mi cwand dji djheut "tchoezi l' curé" dji n' pinséve nén a fé des pårtis et des lisses, evnd.; mins a on rapoûlaedje di tos les pårotchins eshonne, po discuter et berdeler, et dire tchaeke li sinne, et s' mete d' acoird po saveur kî k' divreut esse curé. (al môde zapatisse, si vos vloz).


On " rilidjeû" s' pout-i chwèzi come on "mwinrneû" ? L' pus "sâdje", l' cia k' a l' pus d' èspèriyince, di bon-sins, d' ans d' âdje ?
Mins "au pus vî au pus sot", l' rominne ni va nén pèzer au pus djusse, ni po l' prumî ni po l' ôte.
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
mineudaredje



Date d' arivêye: 2005-07-02
Messaedjes: 37
Eplaeçmint: Panama

MessaedjeDate: lon 11 djl, 2005 15:26:44    Sudjet: Responde tot citant

Pablo Saratxaga scrijha:
[
I fåt bén vey ki po-z ariver a ene sifwaite soce i fåt on sfwait candjmint, ritourner pår les cerveas, po k' les djins n' cwerixhe pus après les cwårs, li ritchesse et sayî d' prinde å vijhén; mins purade k' i vlexhe pårti et dner; i fårè sacwantès djermêyes di djins po k' ça arive (et çoula, tot contant a pårti do moumint wice ki l' sistinme capitalisse d' asteure sereut totafwait djus).

Po les socialisses li manire d' afroyî l' voye c' est di prindre li pouvwer po, a pårti d' l' Estat, fé des lwès po mî rpårti l' ritchesse, eyet espaitchî k' i gn åye des cis ki pôrént scroter les ôtes.



Pablo, les djins n'aiment nin ki les ritchesses les vint por li governmint, y i n'a nin d'ritchesse si les dgins n'ouvreut nin po la fe, la ritchesse. Dji so d'acwerd avous vos ki l'government pou fe des lwes po mi rparti l'ritchesse mais li sisteme ni va nin qwand les cis ki ovreut bin sont rigardes comme des djins ki veulent scroter les otes.
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
djozewal



Date d' arivêye: 2005-07-01
Messaedjes: 307
Eplaeçmint: bagué !

MessaedjeDate: lon 11 djl, 2005 21:14:05    Sudjet: Responde tot citant

M' mononke, k' èstéve mi pârin, a toûné communisse èt fini pa s' fé ètèrer civilmint paski l' curé do vilâdje n' a nén volu lèyî sès deûs ptits èfants (orfulins èt mwins d' on an d' âdje di difèrince) fé leûs comunion èschène, li minme annêye !
I gn'a dès paurtis èt dès paurtaedjes k' on pout prinde po dès principes, nén todi po dès ritchèsses.
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
Djor



Date d' arivêye: 2005-07-02
Messaedjes: 239
Eplaeçmint: Sint-Serwai

MessaedjeDate: mår 12 djl, 2005 8:55:04    Sudjet: Responde tot citant

Èn anårtchisse avou del armêye et tot, ç' n'est pus dl anårtchisse.

Et l'anårtchisse a cmincî, sins k'els ôtes sisimnes fouxhénxhe djus. Gn a e France sancwantès soiçtés (viyaedjes purade) anårtchisses, et asteure l'Estat francès est oblidjî di rconoxhe leu sistinme di scole po leus efants minme.

Mins come vos l' dijhoz, i fåt k' sacwantès djermêyes pasnuxhe.

Et co, cwand i fåt fé ene sacwè, i fåt comincî d'abord Smile . Gn a des soces anårtchisses.

I m' shonne ki c'est Bacounine ki djheut: «si les ptitès djins arivrént å pouvwer, ele divénrént des dictateus.» Ons a yeu bråmint des egzimpes dins l'istwere.

Et vos av' råjhon avou l' materiålisse. I pout nn aveur do sociålisse ki n' fouxhe nén pår materiålisse.
Rivni al copete
Vey li profil di l' uzeu Evoyî on messaedje privé
Rlagne
Guest





MessaedjeDate: mår 12 djl, 2005 9:00:48    Sudjet: Responde tot citant

Citåcion:
Èn anårtchisse avou del armêye et tot, ç' n'est pus dl anårtchisse.

Èt avou on o dès Diès, l' èst-i vrêmint ?
Rivni al copete
Djor



Date d' arivêye: 2005-07-02
Messaedjes: 239
Eplaeçmint: Sint-Serwai

MessaedjeDate: mår 12 djl, 2005 16:04:32    Sudjet: Responde tot citant

Rlagne scrijha:
Citåcion:
Èn anårtchisse avou del armêye et tot, ç' n'est pus dl anårtchisse.

Èt avou on o dès Diès, l' èst-i vrêmint ?


I fåt lére Proudhon d'on coron al ôte. D'on costé, i dit k'i fåreut k'tchaeke fouxhe libe a daler a kene eglijhe k'i vout. Did l'ôte costé, i dit lu minme k'i croet a ene bondiusreye, adon i creye disconte li ci k'i pinséve esse li Bon Diu des crustins. Mins po dire li veur, i criyéve conte li diè des catolikès magneuses do Bon Diu di s' timp la.

Po les crustins, li Bon Diu n'est nén on diè. Li Bon Diu n'est nén on mwaisse (dins l' sins francès do mot «maître»), mins il est l'Pere. Et Proudhon djåze djustumint del etindmint k'i gn a etur on pere et on fi, et i dit ki ci etindmint cial n'est pont d'meskinaedje.

Ene sakî pour bén esse crustin et anårtchisse. U, come el dijheut Djåke Ellul, on anårtchisse, po k'i fouxhe on veur, i fåt k'i fouxhe crustin eto; et on crustin, po k'i fouxhe on veut, i fåt k'i fouxhe anårtchisse eto.

Ene foirt bele waibe, c'est
www.jesusradicals.org

Si on lét l' rîle da St Bnoet, on voet k' els prumîs moennes estént des anårtchisses crustins.
Rivni al copete
Vey li profil di l' uzeu Evoyî on messaedje privé
Moudreû
Guest





MessaedjeDate: mår 12 djl, 2005 20:35:09    Sudjet: Responde tot citant

Ni D!è, ni Mêsse ? I sèreut don tins ki l' pére wête à sès èfants èt s' è nn' d' è prèyocuper ène miète.
On pére faît ça li-minme èt n' nén lès taper à l' orfulinat odobin dins lès mwins m' mwinrneus pus rade à prêtchî k'a mostrer l' ècsimpe.
Rivni al copete
Pablo Saratxaga
Site Admin


Date d' arivêye: 2005-07-01
Messaedjes: 1012
Eplaeçmint: Oûpêye

MessaedjeDate: mie 13 djl, 2005 2:00:35    Sudjet: Responde tot citant

Djor scrijha:

Ene foirt bele waibe, c'est
www.jesusradicals.org


awè, ça c' est des crustins come djels inme!
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
mineudaredje



Date d' arivêye: 2005-07-02
Messaedjes: 37
Eplaeçmint: Panama

MessaedjeDate: mie 13 djl, 2005 4:21:47    Sudjet: Responde tot citant

Mi ossi, un pitit pau. Mais dj'aime bin ossi les tradicionalisses:
http://www.christusrex.org/
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
Djor



Date d' arivêye: 2005-07-02
Messaedjes: 239
Eplaeçmint: Sint-Serwai

MessaedjeDate: mie 13 djl, 2005 8:37:21    Sudjet: Responde tot citant

mineudaredje scrijha:
Mi ossi, un pitit pau. Mais dj'aime bin ossi les tradicionalisses:
http://www.christusrex.org/


So cisse waibe cial, Christusrex, dj'inme les Påters sicrites e bråmint des lingaedjes.
Rivni al copete
Vey li profil di l' uzeu Evoyî on messaedje privé
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Potchî al pådje Di dvant  1, 2, 3, 4  Shuvant
Pådje 2 so 4

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group