Berdelaedjes

[lucyin]

Rilevêye sol DTW baxheure => baxheur : come tcholeur : cwålité ou difåt di çou k' est bas; cawete francesse -eur. Les Namurwès leyèt fonde li R => bacheû, tchaleû

Gn a kékes mots k' on pout maxhî avou les pareys al cawete francesse -ure (froidure), mins ça m' shonne "beleleterrece" (fr. froideur =+- fr. froidure, såf dujhances di sinsiaedje).

Li cawete -eure : plaece k' a subi l' fijhaedje : coixheure, hagneure (plaece k' a stî coixheye, hagneye).
_________________
Li ci ki n' a k' on toû n' vike k' on djoû.

[Djor]

Li pus simpe sereut k' i gn ouxhe fok ki "-eure" pattavå, come e sacwants lingaedjes.

Li francès et l' castiyan eyet l' catalan ont les deus cawetes, ene sins voyale, l' ôte avou voyale. Li talyin et l' roumin ont l' voyale des deus costés, veyanmint k' tos les mots vegnnut do latén acuzatif, adon k' li francès pinse ki "-eur" vént do nominatif.

Mins i m' shonne k' e walon, gn a eto des mots femrins avou l' cawete "-eu" (po l' moens so Nameur). Adon ons a bén droet a deus cawetes (eur, eure), ou minme troes (-eu, -eur, -eure).
_________________
Li walon n' est nén d' l' esperanto.

[lucyin]