|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
Pablo Saratxaga Site Admin
Date d' arivêye: 2005-07-01 Messaedjes: 1158 Eplaeçmint: Oûpêye
|
Date: vén 05 awo, 2005 16:50:05 Sudjet: |
|
|
Anonymous scrijha: |
Parètréve k'a Èsneû trwès omes dèl mèkanike ont adjancené on moteûr ki toûrne avou 60 paurts d' eûwe po 40 d' ôle d' on ôte djinre (colzau, evd) ! |
Di l' aiwe maxheye avou d' l' ôle?
ça m' shonne ene miete drole.
Mins fé aler s' vweteure avou d' l' ôle c' est possibe (po les moteurs dizel on pout minme mete l' ôle direk, sins rén fé; minme s' i våt tot l' minme mî l' adapter po mete deus sistinmes, po-z eployî l' dizel normå cwand on enonde eyet cwand on arestêye li moteur); mins i fåt bén ki ça soeye di l' ôle sins aiwe.
Po l' ôle, on l' pout prinde amon ene friteure; el fåt djusse coler (avou ene boune passete, les mannestés dvèt esse di moens d' 1 micron).
Avou l' lite d' ôle vedjetåle a moens d' 1 euro, eyet l' lite di dizel a pus d' 1 euro, ça ndè våt les poennes; co pus si on prind d' l' ôle k' a ddja siervou.
Citåcion: |
Vs alèz m' rèsponde k' on poréve manker d' eûwe mins, didci k' on arive dissus Mârs... |
Di totes manires, i n' årè måy di l' ôle assez ki po replaecî tot l' petrole k' on furlêye pol moumint (et nén rovyî nerén k' po l' agriculteure on eploye do petrole po fé les ingrès, po les tracteurs, evnd.), d' ostant pus k' i nos fåt bén magnî, avou.
Mins c' est l' veur k' on eployrè surmint d' l' ôle po fé aler les kékès vweteures k' åront co l' droet d' rôler dins kékès anêyes: les ambulances, les transports publiks et stratedjikes,...
ås dierinnès noveles ça a ddja cmincî el Chine, les racionmints.
Po çou k' est di manker d' aiwe, oyi, eto; cåze do rschandixhaedje del Daegn, eyet des candjmints climatikes, i gn a d' pus a pus di dzerts; et la wice k' i gn a des plouves, end a d' trop, et gåter l' awousse...
On pinséve ki nos aléns leyî on mwais eritaedje po nos efants; mins i shonnreut k' nos n' divrans nén ratinde ostant, li mwais eritaedje est ddja la. |
|
Rivni al copete |
|
|
Yernaux
Date d' arivêye: 2005-07-07 Messaedjes: 10 Eplaeçmint: Tcharlerwè
|
Date: sem 13 awo, 2005 4:48:14 Sudjet: |
|
|
Pou les cins ki voulnut sawè ene miete çu ki s'passe dins les sincieuses tchapeles "d'avant-garde" su l'enerjie : cachez après "Jean-Louis Naudin" so Gogueule. Poul' petrole machi avou d'l'euwe cachez "GEET".
Gna bramin d' pådjes d'egzimpes di motorizacions k'on pou fé. Ci système-la, y gna nullu ki sé poukwè ça konsome mwinsse, poukwè ça poluwe mwinse, mins y gna des djins fwart sérieus k'on fait des bancs-tests (memoere di fin d'etudes d'ingényeur) eye c'est konfirmè.
Di totes les façons, Pablo, les djins ni koumincheront à komprinde çu ki vos djhoz ki kwand li baril di petrole coussera 200$ .... |
|
Rivni al copete |
|
|
Yernaux
Date d' arivêye: 2005-07-07 Messaedjes: 10 Eplaeçmint: Tcharlerwè
|
Date: vén 02 set, 2005 2:25:42 Sudjet: Just in case... |
|
|
Bondjou mes djins ...
C'est djusse pou vo dîre k'il baril est a 70 dollars...
Dji di çoula èyè dji n'di rin... |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1158 Eplaeçmint: Oûpêye
|
Date: vén 02 set, 2005 2:55:17 Sudjet: Re: Just in case... |
|
|
Yernaux scrijha: |
Bondjou mes djins ...
C'est djusse pou vo dîre k'il baril est a 70 dollars...
Dji di çoula èyè dji n'di rin... |
End a k' ont stî mwais ki ça gripé si rade, passant di 68 a 70;
c' est k' il avént preparé on bea ptit fime
http://www.archive.org/details/soixante-neuf |
|
Rivni al copete |
|
|
lucyin
Date d' arivêye: 2005-07-07 Messaedjes: 3681 Eplaeçmint: Sidi Smayil, Marok
|
Date: lon 15 dja, 2007 20:50:46 Sudjet: Ci sudjet ci serè-st eplaidî el Rantoele |
|
|
Come les pris rbaxhnut, et les djins dandjreus si vont co redoirmi, dji va rcåzer d' ça sol Rantoel ki vént. |
|
Rivni al copete |
|
|
lucyin
Date d' arivêye: 2005-07-07 Messaedjes: 3681 Eplaeçmint: Sidi Smayil, Marok
|
Date: mår 16 dja, 2007 1:36:12 Sudjet: pinsêye d' adrovaedje |
|
|
Li ci ki croet k' on pout wangnî todi dpus, et viker todi mî, et tertos sol Daegne fé parey, c' est soeye-t i on dmey cougnî, soeye-t i èn economisse (pinsêye d' adrovaedje sol waibe http://www.oleocene.org/). |
|
Rivni al copete |
|
|
lucyin
Date d' arivêye: 2005-07-07 Messaedjes: 3681 Eplaeçmint: Sidi Smayil, Marok
|
Date: vén 23 nôv, 2007 14:45:13 Sudjet: Les plantes po replaecî l' petrole n' arindjnut rén |
|
|
Les plantes po replaecî l' petrole n' arindjnut rén
(papî a parexhe dins l' Rantoele ki vént)
Fé d’ l’ essince avou des plantes ?
Kî çki payrè les vierletes ?
Dispu k’ on cmince a-z eployî les biyocarburants, les dinrêyes ont rmonté beazebén. Dins bråmint des payis, les ôles di coujhene ont gripé d’ 50 åcint. Li frumint eto. Ça fwait kel pwin a shuvou. Nén lon d’ 2 € å kilo, el Walonreye.
Come les frumints et les poes d’ Trouk (mayisse) montént, les oidjes ont shuvou, pu les pules di betråles. Li facteure des cinsîs po leus alimints po les biesses a divnou pus salêye. Adon, les oujhenes di laecea, ont rmonté totes leus martchandijhes. E l’ Almagne, metans, les makêyes, dånones, et hay vos nd åroz sont 40 % pus tchirs ki l’ anêye passêye. Mins, dins bråmint des payis, on n’ a nén co rmonté li pris k’ on paye li lite di laecea ås cinsîs. C’ est todi li ptit k’ on spotche.
Ça fwait ki l’ indesse va bénrade ariver a s’ soû di rmontaedje. Les binamés Walons (et Flaminds ?) vont aveur ene rawete so leu traitmint.
Mins çou ki s’ passe dins nosse Halbeskeute (pays de cocagne), ci n’ est nén totavå parey. Si atake-t i a gn aveur do bardouxha (émeutes) dins les pôves payis. Rén k’ po l’ moes d’ nôvimbe : el Moritanreye, pu å Senegal.
C’ est co les pôves des pôves payis ki payront les vierletes )payer les violons du bal = être le dindon de la farce).
----
Cwè ndè pinsez ? |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|