Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Li fén do petrole po bén rade?
Potchî al pådje 1, 2  Shuvant
 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
Pablo Saratxaga
Site Admin


Date d' arivêye: 2005-07-01
Messaedjes: 1012
Eplaeçmint: Oûpêye

MessaedjeDate: mie 13 djl, 2005 22:36:12    Sudjet: Li fén do petrole po bén rade? Responde tot citant

Dj' a trové l' waibe (et foroms) shuvante (e francès): http://www.oleocene.org/

dji saveut ddja ki l' môde di vicaedje capitalisse finireut pas s' distrure luminme, on n' pout nén fé del crexhince sins djoke des wangnes, tot simplumint paski l' bole la k' on vike elle a des limites, on n' pout conter ki çou k' i gn a dins nosse Daegn; mins dji n' pinséve nén k' on seuxhe si près k' çoula del fén...

Cwè ndè pinsez vs? Avoz ddja tuzé a çoula?

Kimint voeyoz vs li vicaedje d' après l' petrole?
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
djozewal



Date d' arivêye: 2005-07-01
Messaedjes: 307
Eplaeçmint: bagué !

MessaedjeDate: mie 13 djl, 2005 23:30:20    Sudjet: Re: Li fén do petrole po bén rade? Responde tot citant

Pablo Saratxaga scrijha:

Kimint voeyoz vs li vicaedje d' après l' petrole?


Avou l' cultûre dès pètrâle, colzau è vos n' aroz, on arivèra bin à s' arindjî. On moteûr rote dèdjà à l' eûwe, onk avou d'l' êr racrapoté dins ène botèle. Après l' pètrole on va pûjî dins nos idêyes Wink

Idea C' n' èst nin do pètrole, mins dj' a faît on rêve : ène plake è walon avou ène binde ki bodje.
Sayète à l' va-vite. Kwè z-èst pinsèz-vs ?
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
mineudaredje



Date d' arivêye: 2005-07-02
Messaedjes: 37
Eplaeçmint: Panama

MessaedjeDate: dju 14 djl, 2005 12:47:39    Sudjet: Responde tot citant

Li Brazil rote dedja a l'ethanol,..
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
Pablo Saratxaga
Site Admin


Date d' arivêye: 2005-07-01
Messaedjes: 1012
Eplaeçmint: Oûpêye

MessaedjeDate: dju 14 djl, 2005 13:55:39    Sudjet: Responde tot citant

Dji vos trove bén optimisses...

Savoz l' surface k' i fåreut d' tchamps d' colzå po produre li minme livea d' enerdjeye k' on furlêye pol moumint avou l' petrole? Et po ces noveas tchamps la (paski ça doet esse des noveas tchamps, on n' pout nén replaecî des tchamps ki sont ddja cultivés po produre des amagnîs, endon?), i fårè eto des noveas ingrès, des noveas tracteurs, des noveas camions po transporter l' fenå, des novelès oujhenes po produre li combustibe a pårti do colzå... ça fwait k' i fårè produre pus d' enerdjeye ki çou k' on furlêye pol moumint di manire a poleur continouwer a viker come asteure.

Et ça serè bén pus tchir ki l' petrole eto (ki lu est foirt bon martchî, djustumint pask' i n' a nén mezåjhe di l' produre, djusse el poujhî).

On n' arivrè nén a s' arindjî, dji n' croe nén.
I fårè candjî pår li manire di viker, rivni a on vicaedje pus près del nateure, voyaedjî moes (et a pî, a velo ou a tchvå), produre et consomer so plaece (et nén fabriker di l' ôte costé del Daegn) et n' consomer ki çou k' on-z a vormint mezåjhe, et nén djusse consomer po consomer.

Po çou k' est des moteurs a air comprimé... i fåt saveur ki l' air comprimé, u co l' idrodjinne u co les alcoles ou ôles fwait avou des plantes, c' est nén des sourds d' enerdjeye, mins djusse des contneus d' enerdjeye; dj' ô bén k' i fåt d' l' enerdjeye po comprimer l' air ou po fé l' idrodjinne, ou po fé crexhe, fåtchî, transpoirter et transformer les plantes; ciste enerdjeye la, did wice k' ele vénreut, cwand i gn åreut pus d' petrole?

On pout poujhî dins nos idêyes ostant k' on vout, on n' såreut fé k' avou çk' on a, et çou k' on a c' est l' planete k' on vike dizeur, rén d' ôte; cisse planete ci a des limites, on n' pout nén fé crexhe do colzå come on vout, i gn a ki sacwantès plaeces wice ki c' est possibe, les "teres arables" k' on les lome, et k' on nd a mezåjhe eto po fé crexhe les amagnîs po nozôtes viker.
Oyi, i gn årè moyén (et ça si frè, surmint) di produre do combustibe, mins dins des totes totes pititès cwantités, comparé avou çou k' on-z a ådjourdu.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1012
Eplaeçmint: Oûpêye

MessaedjeDate: dju 14 djl, 2005 13:58:35    Sudjet: Re: Li fén do petrole po bén rade? Responde tot citant

djozewal scrijha:

Idea C' n' èst nin do pètrole, mins dj' a faît on rêve : ène plake è walon avou ène binde ki bodje.
Sayète à l' va-vite. Kwè z-èst pinsèz-vs ?


Pocwè nén, mins a sacwantès imådjes pa segonde c' est vormint on foirt gros ovraedje; ça dvreut esse on court-metraedje po cmincî, dji supôze.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
djozewal



Date d' arivêye: 2005-07-01
Messaedjes: 307
Eplaeçmint: bagué !

MessaedjeDate: dju 14 djl, 2005 17:41:30    Sudjet: Responde tot citant

On pout voye simpe mins c' èst lès vwès k' il fauréve î raloyî. Insi, pont d' critike dissus l' môde di sicrîjaedje. A chake d' ètinde, oyu, orer èt comprinde c'ki vout Wink
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
djozewal



Date d' arivêye: 2005-07-01
Messaedjes: 307
Eplaeçmint: bagué !

MessaedjeDate: dju 14 djl, 2005 17:43:49    Sudjet: Responde tot citant

Waï, oyi ! Avou ON lite di pètrole on arive dèdjà à fé MILE kulomètes ! Bin sûr ki ça n' va nén rade mins on n' si nauji nèrin Rolling Eyes
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
Yernaux



Date d' arivêye: 2005-07-07
Messaedjes: 10
Eplaeçmint: Tcharlerwè

MessaedjeDate: dim 17 djl, 2005 8:24:27    Sudjet: Responde tot citant

Binamé Pablo :
Loyin fwart interessant...
Ces djins la ni sont nén djondus
I savnut di kwè i kåznut ...
Mén c'est-ene waibe ki n'va nén fwart rade.
Dins les loyin ki donnut én fransès:
http://www.wolfatthedoor.org.uk/francais/index.html
va branmin pus rade.
Vi soçon Djozewal : vos Gif animès sont fwår bias, min pokwé ni fyez nén on nou sudjet avou ? Wink
Véci c'est du pétrole k'on Djåze...
Allez, boune karnikule a tertous ...
Rivni al copete
Vey li profil di l' uzeu Evoyî on messaedje privé
djozewal



Date d' arivêye: 2005-07-01
Messaedjes: 307
Eplaeçmint: bagué !

MessaedjeDate: dim 17 djl, 2005 10:14:39    Sudjet: Responde tot citant

Citåcion:
Vi soçon Djozewal : vos Gif animès sont fwår bias, min pokwé ni fyez nén on nou sudjet avou ?
Véci c'est du pétrole k'on Djåze...


Mèrci po l' complimint mins dins l' sudjèt, c' èst dissus lès idêyes k' il nos faut awè ki dji vou mète mi d(r)wèt d' pinsêye Wink

Si on vout d' aler au parfond dès tchôzes, ossi malaujîyes fuchenut-èles, i s'î faut sititchî èt s' ployî aus mizéres ki vont avou.
C' èst deûr ? on s' aplike, on continuwe, on rcomince.
L' pètrole s' faît râre ? I nos faît tchmoussî l' êr ? Pokwè s' nanti d' ène oto èt n' si nén continter dès bus, tram, trins èt vèlo tot ratindant d' awè trové l' sakwè ki l' va rimplacer ?
I nn' da ki boutenut po ça mins ossi lontins ki l' pètrole rapwate à ène pougnîye d' pouris craus d' liârds ki s' ècrauchissenut todi d' pus...

Èt pîs, mi, dji vos sititche l' intrake èt vos lèyî vos lètchî l' friskå. Kwèki, i gn'a ètou on ôte filé ènondé por mi vîre cki mès sayètes donenut Shocked
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
Maisse Arsouye



Date d' arivêye: 2005-07-04
Messaedjes: 194
Eplaeçmint: Djiblou

MessaedjeDate: lon 18 djl, 2005 11:27:22    Sudjet: Responde tot citant

Onke di mès profs dijeûve qui por iesse on bon djèyolôgue, il faleûve roviyi l'flamind èt si r'mète à causer walon. Mins i causeûve di djèyographiye fisike, nén do pétrole :lol:

Tot fuchant à l'UCL, dj'a ieu sakant coûrs di sédimintolojîye à l'ULB. Nosse prof èstêuve on spécyalisse do pétrole : Alain Préat. Il aveûve bouté por Fina. C'èsteûve è 1999. I nos dijeûve qui, por li, gn'aveûve co pour quarante ans di résèrve sure, èt quékefiye 20 ans di pus. Ayèt i dijeûve tot ça sans compter lès Chinwès !

I faureûve dèdja tûzer à c'qui nos ferans dins trente ans
_________________
Rissaetchî-vos di m' solia !
Rivni al copete
Vey li profil di l' uzeu Evoyî on messaedje privé
Pablo Saratxaga
Site Admin


Date d' arivêye: 2005-07-01
Messaedjes: 1012
Eplaeçmint: Oûpêye

MessaedjeDate: lon 18 djl, 2005 16:02:09    Sudjet: Responde tot citant

Maisse Arsouye scrijha:
Onke di mès profs dijeûve qui por iesse on bon djèyolôgue, il faleûve roviyi l'flamind èt si r'mète à causer walon. Mins i causeûve di djèyographiye fisike, nén do pétrole Laughing


Come cwè...

Citåcion:

Tot fuchant à l'UCL, dj'a ieu sakant coûrs di sédimintolojîye à l'ULB. Nosse prof èstêuve on spécyalisse do pétrole : Alain Préat. Il aveûve bouté por Fina. C'èsteûve è 1999. I nos dijeûve qui, por li, gn'aveûve co pour quarante ans di résèrve sure, èt quékefiye 20 ans di pus. Ayèt i dijeûve tot ça sans compter lès Chinwès !


Oyi, i gn a co po sacwantès dijhinnes d' anêyes di petrole, avou ou sins les Chinwès; mins çou k' on n' dit nén sovint, c' est k' ça n' sufixh nén k' i gn åye co do petrole, mins ki, po k' tot våye bén, i fåt ki l' produjhaedje soeye pus grand ki l' consomaedje.

Li petrole divént d' pus å pus målåjhey a poujhî on côp k' on pousse si spoujhe, c' est nén come si on poujhreut dins on bidon, ki c' est parey disk' al fén, cwand on poujhe dins tere, c' est pus målåjhey.
ça fwait k' avou l' tins, ça dvént målåjhey di poujhî, et c' est nén ki l' pouss divént setch d' on djoû a l' ôte, mins ki l' produjhaedje crexhe tot on tins, et poy discrexhe tot èn ôte tins.

Cwand ça discrexhe, i gn a moens di petrole disponibe a pårti di ç' pousse la, adon çou k' on fwait on eploye des ôtès tecnikes eyet on fwait des ôtès pousses, et cmincî a-z espweté des ôtès tchamps d' petrole.
L' aroke c' est cwand i sont tertos en espwetaedje, et k' minme avou des meyeuses tecnikes eyet avou pus di pousses on n' arivé nén a produre di pus. Et c' est çou ki s' passe pol moumint, ou l' an ki vént, ou e 2008 (on n' sait nén foirt bén, çoula on l' sårè après côp, pa definixhaedje; mins on-z arive bén rade).

Ça fwait k' i gn årè co do petrole, des miyons et des miyårds di barils k' end a co; mins on consome eto des miyons et des miyårds di barils; et si so ene djournêye on prodût metans 100 miyons, et k' on consome 101 miyons; i gn a-st ene aroke... kî c' est ki va s' arester d' rôler, di fé aler ses cintråles electrikes, ses oujhenes, evnd. po 1 miyon d' barils?
Rén k' ça c' est on problinme; mins c' est co pé, les Estats-Unis ont dit k' i n' vont nén candjî leus åbitudes, ça fwait k' i vont surmint foircî les produjheus d' petrole a lzî vinde a yeusses, purade k' a ds ôtès payis come li Chine ou co l' Urope...

Et c' est co pus måva k' çoula: paski nos soces ripoizèt sol "crexhince", i fåt todi produre di pus, vinde di pus, voyaedjî d' pus... mins si on arive a on deficit di petrole, ci n' serè pus possibe.
I gn åreut moyén di s' adapter; après tot, li djin a viké sins petrole des meyes et des meyes d' ans; mins po k' çoula s' passe bén, i l' fåreut preparer bén a l' avance; paski po fabriker des paneas solaires, metans, i fåt bråmint d' l' enerdjeye, bråmint do petrole; po adjinçner l' agriculture ôtrumint (sins petrole po fé aler les gros tracteurs on n' pout pus aveur des tchamps di cintinnes ou d' ectåres, bén lon d' tot, i fårè des pus ptitès cinses, et les djins pus près did la wice k' ont prodût les amagnîs, po n' nén fé des trop longs tradjets); ça sereut bén di cmincî asteure, k' on-z a co d' l' enerdjeye bon martchî, et k' i gn a co d' l' enerdjeye assez, tot simplumint.
Mins i n' a cåzu nou payis ki s' interesse a çoula.

Citåcion:
I faureûve dèdja tûzer à c'qui nos ferans dins trente ans


I gn a des djins k' î tuzèt, et des bounès idêyes; et poy i gn a des cas di payis k' ont ddja cnoxhou çoula (Cuba eyet l' Bijhe-Corêye, po des råjhons politikes n' ont pus rçuvou ki l' mitan do petrole d' on djoû a l' ôte cåzumint, cwand l' URSS a toumé), et nos pôréns bén vey kimint çk' il ont fwait;
mins målureuzmint, les cis ki dvrént fé çoula, tuzer a trinte ans, et informer les djins, dj' ô bén, les cis å govienmint et å pårlumint, ni s' interessèt nén vormint å problinme...

L' umanité sorvicré (do moens dji l' espere, dj' espere ki, cwand ça irè må, i n' årè nén on percé sot ki tapreut sacwants missiles atomikes...), mins ki l' "transizion" si fwaixhe doûçmint et påjhûlmint, oudonbén avou des grands problinmes, del violince et del pômagne, c' est ça l' kesse.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Guest






MessaedjeDate: vén 05 awo, 2005 15:52:40    Sudjet: Responde tot citant

Parètréve k'a Èsneû trwès omes dèl mèkanike ont adjancené on moteûr ki toûrne avou 60 paurts d' eûwe po 40 d' ôle d' on ôte djinre (colzau, evd) !
Vs alèz m' rèsponde k' on poréve manker d' eûwe mins, didci k' on arive dissus Mârs... Rolling Eyes
Rivni al copete
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Potchî al pådje 1, 2  Shuvant
Pådje 1 so 2

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group