Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Li walon so RTL-TVI

 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
djan-djan



Date d' arivêye: 2007-07-22
Messaedjes: 264
Eplaeçmint: Mont-Sint-Gubert

MessaedjeDate: mie 19 awo, 2015 15:04:33    Sudjet: Li walon so RTL-TVI Responde tot citant

Li walon est i mançî ?

C' esteut l' tinme del bate di dvize di ç' mierkidi 19 d' awousse 2015 e direk so RTL-TVI.

Po disfinde l' idêye d' on rfondaedje do walon, vosse cousse.
Po-z aller disconte (mins nén télmint k' çoula), Michel Francard.

Vos savoz vey çoula sol waibe d' RTL (clitchîz).

Dijhoz m' li vosse...
_________________
Mi copiutrece cåze walon -> http://walotux.walon.org
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2905
Eplaeçmint: Sidi Smayil, Marok

MessaedjeDate: lon 24 awo, 2015 20:31:03    Sudjet: Responde tot citant

Dj' a sayî del vey, mins gn a trop di noveles sacwès tecnikes so les waibes (cookies, refresh Firefox) et dji n' î a nén arivé.

C' esteut clapant k' i gn åye nou wårdiveus sol platea. Vout ç' dire k' i n' ont pupont d' rilujhance ?

Si vos av ene copeye, djel riloucreu voltî e moes d' octôbe.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
djan-djan



Date d' arivêye: 2007-07-22
Messaedjes: 264
Eplaeçmint: Mont-Sint-Gubert

MessaedjeDate: lon 31 awo, 2015 9:13:53    Sudjet: Responde tot citant

Vola l' boune hårdêye :
http://www.rtl.be/videos/video/545909.aspx
_________________
Mi copiutrece cåze walon -> http://walotux.walon.org
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2905
Eplaeçmint: Sidi Smayil, Marok

MessaedjeDate: lon 31 awo, 2015 11:54:49    Sudjet: Responde tot citant

Merci. Dj' a veyou l' mitan. Dji doe aler bouter. Si vos n' m' evoyoz nén des "brutiaedjes d' airance" di dvant et après l' emission divant meynute ouy, dji m' va sayî d' mete les gros ponts dins on papî d' Rantoele.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2905
Eplaeçmint: Sidi Smayil, Marok

MessaedjeDate: mår 01 set, 2015 11:08:17    Sudjet: Responde tot citant

Fidedju ! Vos djåzez come èn årmonak !

Francård n' a dit k' des vraiyes, estatistimint (li walon ni passe pus d' ene djermêye a l' ôte; c' est li scole obligatwere ki l' a fotou djus.) Lacobén ki nozôtes les utopisses firs di l' esse (sapinse a Pablo), dji n' estans nén elaxhîs ås statistikes. On seul ome pout fé bacouler tote ene societé.

https://wa.wikipedia.org/wiki/Djiv%C3%AAye_Michael_Hart_des_rlom%C3%AAy%C3%A8s_djins_di_l'_Istwere

Åk di novea por mi, come messaedje : les intelos do cmince do 20inme sieke n' ont rén dit. Ça n' si pasreut pus come ça asteure.

C' est on messaedje foirt sûti ki pôreut ramoenner des cotuzeus aviè l' mouvmint di raprindaedje ki vos avoz dit.

Li fén : les djins n' sont nén presses a-z accepter li rfondou (Francård); après çoula, li videyo finixh e cawe di pexhon.

Response possibe : Kénès djins ? Les cis ki disfindès les walons coinreces ouy. Mins les djonnes, les abagants... Totes classes ki pôrént divni des rdjåzeus si...
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2905
Eplaeçmint: Sidi Smayil, Marok

MessaedjeDate: sem 05 set, 2015 20:52:48    Sudjet: Responde tot citant

Fanny Rocher, li prezintresse, kiminça pa on clapant «_bondjoû a tertos_», e walon dins l' emission. Ey eployî l' noûmot francès «_wallonophone_» po prezinter les deus forbateus.

Dji wadje ki si ç' sereut sol tchinne ki les Walons paynut d' leus çanses, gn åreut yeu puvite on platea avou des djins d' eståvlixhmint (scrijheus, fonccionaires oficirs, evnd.)
Mitchî est prezinté sorlon s' mestî mins ene miete codjåzé (mins est ç' ene tecnike d' atôtchance ?) come onk ki n' vout nén fé del sorvicance a tot pris [acharnement thérapeutique] pol walon. Dji so mostré come riprezintant del soce «_Li Rantoele_», et l' askepieu del waibe «_Walotux_».

Messaedje d' intrêye

Mitchî Francård ni dit k' des vraiyes, estatisticmint. So cint-z ans, li walon k' esteut dvizé pa 80 åcint des djins ni l' est pus k' pa 10 åcint, –_ et c' est co bouxhî foirt ! Li walon ni passe pus d' ene djermêye a l' ôte; pus des parints ås efants dispu les anêyes 1950, al boune, mins ddja pus des grands-parints ås ptits-efants. Lacobén ki, avou l' ralonguixhaedje del veye, on pout co conter so sacwants erî-grands-parints.

Dji n' a nén metou des wants po-z ataker : li walon n' est nén co on moirt lingaedje. Gn a moyén del modiernijhî. Nosse mouvmint vout schaper l' walon tot-z unifiant l' ortografeye. Vos sav bén ki les djins diynut : èm walon n' est nén l' minme k' el ci do viyaedje astok. Nos vlans k' el walon divegne on vraiy lingaedje, ene langue a pårt etire so li stindêye di l' aire walone.

La, Francård ni va nén disconte : c' est çou ki s' a fwait tocosté po les ptitès langues. Metans l' catalan. Mins c' est ene kession d' aeura [timing]. Asteure, les diferinces d' on viyaedje a l' ôte ont fondou pår. Mins paradocsalmint, les dierins kel cåznut co sont-st araedjîs po wårder ces diferinces la. Et rfuzer cråndimint on scrijhaedje unike.

Et si les djins n' volnut nén schaper l' lingaedje, c' est bernike. On lingaedje n' egzistêye nén sins les djins kel djåznut. Dirî tolminme ké pordjet di rfondaedje do walon, fåreut k' i gn åye ene rawete di valeur, on meyeu-z-esse el Walonreye.
Mi : Nos tuzans ki l' walon, c' est ene cråne atote pol Walonreye. Li Walonreye est flåwe d' idintité, k' est fwebe di firté culturele. Come el Burtaegne, li walon pout rilever li firté d' esse did ci. Et çoula ça rahåsse li plaijhi d' viker.

Est ç' fijhåve ? dimanda-t ele Fani. Mi : dizo sacwants condicions. Fåreut ki les politikîs mousrént divins l' bate di dvize. Fåreut eto do buddjet. Disk' asteure tos les buddjets oficirs (on gros cint meye d' uros l' an) sont-st ås mwins des disfindeus do walon-come-dinltins.

Åk di novea come messaedje del pårt di Francård : Les intelos do cmince do 20inme sieke n' ont rén dit tot veyant li scole taper l' walon a a l' abat. Ça n' si pasreut pus come ça asteure.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
djan-djan



Date d' arivêye: 2007-07-22
Messaedjes: 264
Eplaeçmint: Mont-Sint-Gubert

MessaedjeDate: dju 10 set, 2015 13:28:22    Sudjet: Responde tot citant

Et ça ratake so RTL pol djournå al bawete pol Fiesse di Waloneye.
Dj' î raparexhrè.
On-z e rcåzrè.
_________________
Mi copiutrece cåze walon -> http://walotux.walon.org
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group