Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Li rfondou sereut on "forveyou lingaedje"

 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 2910
Eplaeçmint: Sidi Smayil, Marok

MessaedjeDate: mie 07 oct, 2015 23:35:51    Sudjet: Li rfondou sereut on "forveyou lingaedje" Responde tot citant

So "Payis condruze et walon"

Citåcion:
Biernåd Louwis
Le refondu est une langue virtuelle. C'est une normalisation de la langue qui s'abrite derrière un paravent orthographique.


Citåcion:
Djozé
Come kwè, po cauzer do walon, i s'faut tofêr sièrvu do françès po s'fé comprinde.
Come si c'èstéve deur di lìre li rfondu. Po m'paurt, dj'aréve mètu "rvìre" èt fé l'rime avou poussîre.
Come dji m'aréve rafiyî d'rabrèssî sès pîs èt insi l'sinte si coloûter. Mins ça c'è-st-afêre di gos'.
Po cki èst di rimète li feu, pèrmètèz-m' di vos fé rimimbrer ki c'èst vos ki l'avèz fêt è m'lomant, tot dijant ène minte, dins ène bate di divize ki dji n'a nin l'moyin d'î intèrvinu.


Mi, mes efants, Pablo, Djôr, Tiri Dumont, Djozé, les ôtes waloneus ki ns atôtchans e rfondou, estans dj' des forveyowès djins [personnages virtuels] ? Les djins ki tuzèt lon dvant zels savnut bén k' i gn a nén deus rexhowes po les ptitès langues ki n' sont pus cåzêyes ås efants : soeye-t i ki (1) i l' acsegnnut, mete e plaece ene fele politike linwistike, et l' fé accepter påzès djins do payis (2) ele divént foclorike, et ene sôre di posteure di bondiu a-z adôrer (pal teyåte, li literateure), MINS MåY ON VICANT LINGAEDJE.

Et l' walon d' Lontchamp, li ci d' on forbot d' Courcele, les cis d' Moustî, di Transene, d' Ôvîfa, n' est ç' nén des forveyous lingaedjes [langues virtuelles], zels ? Gn a pus nouk ki les cåze tos les djoûs, sins rlåtche. Gn a k' ENE seule djin ki les scrît. Cisse djin la n' aprind a nouk d' ôte a les scrire. Elle a dipus d' 70 ans. C' est bén ene sacwè d' "virtuel", çoula ? ça l' serè e 2050, sins manke, todi.

Citåcion:
Biernåd Louwis
Le refondu est une langue virtuelle. C'est une normalisation de la langue qui s'abrite derrière un paravent orthographique.


Oyi, taiss, pask' i gn a nou lingaedje ki pout sorviker sins on rfondaedje (unifiaedje, estandårdijhaedje, normålijhaedje).
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1012
Eplaeçmint: Oûpêye

MessaedjeDate: dju 08 oct, 2015 23:59:41    Sudjet: Responde tot citant

Li rfondou walon c' est djusse ene ortografeye, rén d' pus mins rén d' moen nerén.

Come lingaedje c' est djusse li lingaedje walon. Tot l' lingaedje walon.
Ossu bén les tecses da Lucyin, forrimplis d' noûmots et co ostant d' nouvès idêyes, ki les cis da Louwi ou minme do Vî Simonon, si polèt et si polnut (ri)scrire e rfondou.
Di fwait, "Li Copareye" si pout lére e rfondou sol Daegntoele; i n' a portant nén on seu mot la dvins ki pôreut esse lomé di "modierniveus". Et cwè dire des "Aiwes di Tongue", k' on pout eto lére et rfondou. On "forveyou lingaedje", trop modiene motoit, li ci ki les "Aiwes di Tongue" est scrît avou?

Li rfondou est djusse ene ortografeye.

Çoula estant dit; c' est l' veur ki des djins k' i gn a, come li Lucyin, Lorint, Djihan, Djôr, et co ds ôtes, eployèt voltî cisse ortografeye la.
Et i s' fwait eto ki ces djins la ni fjhèt nén ki scrire, mis k' i djåzèt eto. Oyi, a n' nén croere; minme avou ls efants paret...

Et c' est l' veur ki les djins ki voeyèt si voltî on lingaedje, disk' al djåzer avou leus prôpès efants, disk' a s' endè siervi tos les djoûs, et po djåzer d' ttafwait... et bén, a foice di s' endè siervi po ttafwait, i lzî arive di mete totes sôres di mots dins leu cåzaedje.
Rén a vey avou l' ortografeye savoz... dj' a ddja léjhou des tecses da Lucyin e feller di Transene: c' est ossu plin d' noûmots.

Mins, l' est veur eto, k' i gn a ossu des djins ki scrijhèt-st e walon, mins nén po tot; et ki l' eployèt co moens po cåzer, et po co moens d' sudjets.
Minme po djåzer d' linwistike (ou po scrire so ç' sudjet la) n' eployèt nén l' walon.
C' est l' veur ki ces djins la n' eployèt waire l' ortografeye do rfondou (el pôrént, notez bén; mins c' est come tchaeke i vout; fåt respecter les tchuzes di tchaeconk, damaedje k' i n' respectexhe nén les nosses).


Dji croe ki, li fén do fén, c' est nén ene afwaire d' ortografeye et di scrijhaedje; mins bén (come elzè djhèt si bén) ene afwaire di cåzaedje et di lingaedje.

C' est nén les mots come "tchapea" ou "avoenne" ki les disrindjèt; minme sicrîts a môde di rfondou, elzès pôrént accepter.

Mins "copiutrèce", "dègne-teûle", "ranteûle"; minme scrîts e feller, ça lzî fwait må.
Dji m' dimande minme s' il acceptèt "radjo" ou "tèlévûzion".

Et poy i gn a ces oreurs, come "sipondje" ou co "postea". Co pus oribes, la ki c' est nén vormint des mots po djåzer d' ene sacwè d' noû; pa côps c' est nén minme ene advincion ("postea" dji pinséve l' aveur advinté... neni vos, li grand Haust l' aveut-st imprimé so papî, "postê", vos ploz loukî. C' est nén mi k' a-st advinté; c' est ds ôtes k' avént rovyî)
Co pus oribes, paski, minme a zels-minmes, il ont do må a fé acroere ki "èponje" et "potô" c' est vormint do walon; ki ça sreut pus walon ki "spondje" ou "postê".

Vo l' la, l' vraiy nuk di l' afwaire.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group