Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

[OK] broushe (breusse/brouche/brouxhe/broushe ?)

 
Sicrire on novea sudjet   Responde å sudjet    Djivêye des foroms di Berdelaedjes -> Rifondaedje
Vey sudjet di dvant :: Vey sudjet shuvant  
Oteur Messaedje
Pablo Saratxaga
Site Admin


Date d' arivêye: 2005-07-01
Messaedjes: 970
Eplaeçmint: Oûpêye

MessaedjeDate: mår 24 nôv, 2015 0:24:48    Sudjet: [OK] broushe (breusse/brouche/brouxhe/broushe ?) Responde tot citant

Ci mot la a stî rfondou "brouxhe" (c' est insi k' il est metou sol motî d' potche); mins i m' shonne ki c' est ene aroke, la k' i n' a pont d' "H" do costé d' Lidje.

D' après l' DTW (et come c' est on mot ki cmince pa "B" i n' divreut nén aveur trop d' "trôs") c' est "breûs-" å levant et "brouch-" å coûtchant.
Do côp, ça n' divreut nén esse "xh" mins purade "sh".
Pol eu/ou la c' est pus målåjhey. motoit leyî "ou": "broushe"

PS: li raecene "brouxh-" egzistêye, et motoit k' etimolodjicmint ça vént do minme sitok; mins ele sont asteure diferinnes (on l' voet bén å levant; "breûs-" po l' ene et "brouh-" po l' ôte).
Li sinse di "brouxh-" c' est l' francès "broussaille"

Dins l' coûtchant c' est målåjhey, la k' les deus bodjes si djhèt "brouch-"

dins l' DTW:
* br(eus|ouch)% (les intrêyes ni sont nén co rfondowes (et i gn a eto srmint sacwants omofones ki n' sont nén do minme stok)
* br(ouh|oh|ouch)% (chal i gn a bråmint des fås invités, tos les "brouch-" (=broushe) do coûtchant, et tos les "brouh-" (=brouheur) do levant)

Dji m' dimande eto s' i gn a-st on loyén avoy l' bodje di "broxhire"

PS: dji n' sai nén endè fé des hårdêyes dins l' messaedje, la k' i gn a trop di caracteres speciås; mins vos ploz copyî ey aclaper les erîlêyès ratourneures chal pa dzo (to fjhant on rcweraedje feller) po-z aveur des djivêyes co pus finmint releyes so les disfondowes, eyet avou on dispårtixhaedje levant/coûtchant:

(breû(sse*|st|s't)[^\[;]*\[[^\[]*E|brouch[^\[;]*\[[^\[]*[OC])[1-9]*

(brou*h[^\[;]*\[[^\[]*E|brouch[^\[;]*\[[^\[]*[OC])[1-9]*

Gråces


Candjî pol dierin côp pa Pablo Saratxaga, li lon 29 oct, 2018 1:50:18; candjî 2 feyes
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 970
Eplaeçmint: Oûpêye

MessaedjeDate: mår 24 nôv, 2015 0:36:09    Sudjet: Responde tot citant

motoit eto ki l' cogne "brouhîre" po brouwire vénreut d' èn acmaxhaedje avou l' bodje "brouxh-" ?
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2784
Eplaeçmint: Sidi Smayil, Marok

MessaedjeDate: mie 25 nôv, 2015 17:52:42    Sudjet: Responde tot citant

L' idêye do rfondaedje "brouxhe", c' est ki, pa côp, li lidjwès ni mete pus les H ki l' Hôte Årdene wåde voltî. Insi dins l' suddjonctif erirece :

i faleut k' i prindasse (Lidje) ... k' i prindahe (Hôte Årdene)

C' est foirt classike avou l' vuzêye cogne del minme cossoune (JH)

eglîze, sîze po "gléjhe", et sîhe (vos l' avîz rlevé dins on vî arimé, la k' i riméve avou "tchmîhe".

On n' a eployî li betchfessî sh ki po des mots la ki l' disfondowe avou S est foirt lådje (Lidje + Årdene, pol moens).

=> dji sereut po wårder brouxhe / brouxhter /

brouxhir pôreut esse li minme sitok (rifondou insi asteure sol Wiccionaire)

(grossir come ene brouxhe)
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2784
Eplaeçmint: Sidi Smayil, Marok

MessaedjeDate: mie 25 nôv, 2015 17:56:54    Sudjet: Responde tot citant

Gn a l' etimolodjeye di "brohon" (åbe racrapoté) dins l' ALW 6. Mins dji n' so nén dins mes waibes po-z aler vey. Si djel tén bén, i n' sont nén trop seurs zels-minmes. Dji vos dirè cwè dmwin ou après.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 970
Eplaeçmint: Oûpêye

MessaedjeDate: dju 26 nôv, 2015 0:01:34    Sudjet: Responde tot citant

lucyin scrijha:
L' idêye do rfondaedje "brouxhe", c' est ki, pa côp, li lidjwès ni mete pus les H ki l' Hôte Årdene wåde voltî. Insi dins l' suddjonctif erirece :

i faleut k' i prindasse (Lidje) ... k' i prindahe (Hôte Årdene)


oyi, mins po ces la minme dins l' Haust i gn a des disfondowes avou "h" ki rispitèt (pa des côps metou come "arcayike", mins tot l' minme mostré).
I gn a-t i ene plaece wice k' ont dit "breûhe" (ou "brouhe" ou "brohe")?

Paski ci c' est nén l' cas adon i n' fåreut nén rfonde avou "xh".

Dins l' DTW on trove: Lidje [E1], Li Gléjhe [E2], Måmdey [E21] et Vervî [E34]; tos les cwate dinèt "breûsse"

Li famile, come trovée dins l' DTW (metou e rfondant):
* breusse / brouche
* brouchî (v.) -> broucheu
* breuster / brouchter -> breustaedje / brouchtaedje, brouchtêye, brouchteu
* breustî (n.)
* brouchton
* brouchtoe
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2784
Eplaeçmint: Sidi Smayil, Marok

MessaedjeDate: sem 28 nôv, 2015 14:45:43    Sudjet: Responde tot citant

Pablo Saratxaga scrijha:

I gn a-t i ene plaece wice k' ont dit "breûhe" (ou "brouhe" ou "brohe")?

Paski ci c' est nén l' cas adon i n' fåreut nén rfonde avou "xh".

Dins l' DTW on trove: Lidje [E1], Li Gléjhe [E2], Måmdey [E21] et Vervî [E34]; tos les cwate dinèt "breûsse"


Si on påte do mot "brohon"
1. ALW 6 p. 508-509 + E9 (Bastin plantes) : arbre têtard (k' on côpe les coxhes po fé des ... brouxhes
2 stindaedje : vî brohon : 1. vî åbe rabodjou 2. vî ome ki berdele tofer (E21, E212)

brouh'neûs (E9) : noueux, rabougri, raboteux

Etimolodjeye : FEW 15/1 311a : mîtrin neyerlandès «brush» k' a dné on mot d' francès d' Flande "brohon" 16e sieke;

+ rubrohyer (ich-låte) (sins esplikêye) Payis d' Såm

Por mi, c' est li stok etimolodjike.

"breûsse" di Lidje vénreut d' on dobe forcoridjaedje po "sayî d' fé come les Francès ou les Picårds del coû d' Djihan d' Indjî"
xh => SS (classike) + ou => eu (come "cr" (lidjwès) <=>"kr" (picård))

Li brouxhe n' est nén ene viye usteye: divinltins, c' esteut l' ramon. Èn åbe k' on lyi côpe les coxhes pout fé ene bele brouxhe.

MINS asteure, i n' tént k' a nozôtes di fé ene dobe rifondowe brouxhe / breusse. (on l' divreut eto fé avou braijhe / breujhe ?)

A vos d' vey. Mi, dji so neute (mins wårder ene parintêye li pus lådje possibe avou brouxh-, a môde di sorwalonde OU/O, sol vî mot "brohon").
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2784
Eplaeçmint: Sidi Smayil, Marok

MessaedjeDate: sem 28 nôv, 2015 14:55:17    Sudjet: Responde tot citant

Loukîz eto https://fr.wiktionary.org/wiki/brosse#.C3.89tymologie

Les bodjes etimolodjikes did la ont sovint ene dobe cossoune tîxhone ST ou SK, ene sacwè ki dvént voltî -xh- e walon
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2784
Eplaeçmint: Sidi Smayil, Marok

MessaedjeDate: sem 28 nôv, 2015 15:08:17    Sudjet: Responde tot citant

Vey çou k' on fwait avou les mots vijhéns avou -ST-

A Transene : broustion = boket d' plante côpé + boket d' organe ki brike côpé (doet, cawe). Dji l' aveu racuziné avou "broster" (fr. brouter")

Mareye-Gui Boutî dit eto k' ele n' est nén seure di l' etimplodjeye (di "brohon").

Mins al fén des féns, tos ces mots la avou on rapourt avou des bwès vinèt pus rade do tîxhon.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2784
Eplaeçmint: Sidi Smayil, Marok

MessaedjeDate: sem 28 nôv, 2015 16:37:39    Sudjet: Responde tot citant

Toû des motîs & ratournaedjes ezès lingaedje vijhéns :

oyi, c' est vormint côpé å coutea : tot l' Coûtchant, a pårti d' Andene, Cînè, Basse Årdene & Gåme, Picård, francès , inglès ont /ʃ/ (CH, SH)

Tot l' Levant : Lidje (+ Bouyon), neyerlandès, almand, Frizon... ont ST (pol walon, "breuster" a l' air di vni direk do bodje etimolodjike, => breusse)

MINS, al fén des féns, c' est l' minme diåle, dit-st i l' martchand d' bondius (latén *bruscia < Proto-Germanic *bruskaz ‎...

https://en.wiktionary.org/wiki/brush#Etymology

=> dji mete ene dobe rifondowe ?

https://wa.wiktionary.org/wiki/brouxhe

ou revoyî "breusse" a brouxhe ?

https://wa.wiktionary.org/wiki/breusse

Evoyîz èn emile ås rfondeus por zels decider.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 970
Eplaeçmint: Oûpêye

MessaedjeDate: dim 29 nôv, 2015 23:32:28    Sudjet: Responde tot citant

Dobe rifondowe ou nén, mi kesse c' est purade "fåt i eployî xh cwand i n' a måy di son /H/ ?"

Dji pinse ki neni, k' on divreut wårder les betchfessîs po çou k' il ont stî fwaits po.

Adon, si on rfond en ene seule cogne, on dvreut eployî "sh" (la ki les disfondowes sont "s" et "ch", come po "ashir" ou "eshonne").
Oudonbén, si on wåde deus cognes, les dobes rifondowes divrént esse avou "s" (breusse) et "ch" (brouche).

Prinde "brouxhe" c' est fé on stindaedje d' ene cogne eviè èn ahivé prononçaedje. On "noûprononçaedje" (come on a des "noûmots").
Pocwè nén... mins c' est ene sacwè d' novea et d' consecant, nén ene sacwè a fé al varade.
(disk' asteure, des sfwaits stindaedjes ont stî fwaits seulmint cwand on rtrove pol moens on prononçaedje k' egzistêye po do bon (c' est l' cas pol cawete di codjowaedje do suddjonctif; mins ça n' shonne nén esse li cas po "breusse"), ou k' on-z a on ricnoxhåve boket ki, lu, si rtrove avou l' prononçaedje k' on cwirt après (c' est l' cas po "mutwè > motoit" la k' il a stî ricnoxhou come mo+toit (toit < putoit, béntoit; et ossu analodjeye avou tos ls ôtes avou des parints francès "ost"), mins chal l' analodjeye fr:brosse dinreut purade "wa:broisse").

Djusse po info: e castiyan li breusse di pondeu c' est "brocha" avou come etimolodjeye possibe "do francès diyalectå brouche" (li ridaedje [S] -> [tS] est normå e castiyan, la ki l' prumî son n' egzistêye nén)

E portuguès i gn a "brocha" (po ene grande breusse di pondeu) et "broxa" (po on ptit pincea); d' ostant pus drole ki /ch/ et /x/ si prononcès parey (mi shonne-t i; do moens i gn a tot plin d' ridaedje et d' balzinaedje etur ces deus scrijhas la). "brocha" poreut vni do castiyan, mins nén "broxa", a moens ki ça vegne d' on lingaedje avou on son /CH/.
E portuguès i gn a eto "brossa" (ene breusse po les tchvås) eyet "brussa" (schovlete eployeye ezeès imprimreyes)

E galicyin "broça" = ramon. fr:brosse

E catalan i gn a "brotxa" k' est on calcaedje direk do castiyan (mins l' veur lmot catalan c' est "raspall".

En itålyin i gn a on "brusca" (= breusse po les tchvås; ou brouxhion pol feu); MINS avou come etimolodjeye gayel BROSNAI, BOROSNA, aparinté å vî tîxhon BURST, BORSTE; et ki l' ridaedje ST -> SK sereut-st on candjmint cåze del fonolodjeye itålyinne.

ça fwait ki, i m' shonne k' i gn a pont di "XH" la dvains, la k' i gn a pont di /SK/ etimolodjike.
Li seu parint avou /SK/, l' itålyin "brusca", sereut-st on forcoridjaedje prôpe a l' itålyin, et nén l' oridjinne.
Et tos ls ôtes parints ont des sons [s] ou [S]

loukîz a: http://www.etimo.it/?term=brusca
https://en.wiktionary.org/wiki/brush
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 970
Eplaeçmint: Oûpêye

MessaedjeDate: dim 03 dja, 2016 22:36:04    Sudjet: Responde tot citant

dji voe l' minme dispårtaedje ch/ss po "brixhåder": vey dins l' forom, sol DTW: br(i|u)(ch|ss|h)(au|ô|â|a|å|o)d%
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2784
Eplaeçmint: Sidi Smayil, Marok

MessaedjeDate: sem 27 oct, 2018 15:47:09    Sudjet: Responde tot citant

Decidaedjes:
* Betchfessî -sh- po broushe, broushter, rabroushî et brishôder (novelès rfondowes).
* adon-pwis / oudon-bén => adonpwis, oudonbén: gn a ddja: bonbon / nonpouxhe.
* limotche: https://wa.wikipedia.org/wiki/Copene:Mot%C3%AE:limodje#Rifondaedje
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Rifondaedje Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group