|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
lucyin
Date d' arivêye: 2005-07-07 Messaedjes: 3699 Eplaeçmint: Sidi Smayil, Marok
|
Date: dju 10 nôv, 2016 14:34:00 Sudjet: Mots al tcherpinte <viebe al 3inme djin>-<loyeure& |
|
|
Mots al tcherpinte <viebe al 3inme djin>-<loyeure>-<obdjet>
Citåcion: |
Pablo so èn emile
Po les mots come "xhale-trô", dj' ô bén des mots bastis sol tcherpinte:
<viebe al 3inme djin>-<loyeure>-<obdjet do viebe>
dji les metreu come mots omrin et femrin (avou ene nén candjåve cogne),
est lzès vey come omrin (ou femrin) sorlon ki ça s' rapoite a èn ome ou
ene feme.
C' est normå ki l' mot n' candje nén d' cogne, la ki ses deus bokets ni
candjèt nén sorlon l' djinre do disterminé (li viebe codjowé ni mostere
måy li djinre e walon; eyet l' complemint do viebe ni mostere måy li
djinre do sudjet do viebe).
C' est des mots ki n' candjèt nén d' cogne nerén avou l' nombe:
On valet k' est _on_ xhale-trô; ene båshele k' est _ene_ xhale-trô.
Et ambedeus, ou minme avou ds ôtes, c' est _des_ xhale-trô. |
oyi, taiss ! C' est clair; dj' aveu rovyî di mete les deus djinres sol DTW. _________________ Li ci ki n' a k' on toû n' vike k' on djoû. |
|
Rivni al copete |
|
|
lucyin
Date d' arivêye: 2005-07-07 Messaedjes: 3699 Eplaeçmint: Sidi Smayil, Marok
|
Date: dju 10 nôv, 2016 14:43:35 Sudjet: |
|
|
Asteure, kéne ortografeye po des mots la ki l' coplemint est, lodjicmint, purade on pluriyal?
dji vén d' mete çoucial sol Wiki:
Mins, pacô, li sinse dimandreut on sustantif pluriyal : amanite towe-moxhes, gobe-moxhes, atrape-moxhes, guigne-djins, spågne-måyes, broye-djaeyes, croke-noejhes. Ça towe, ça gobe ou ça atrape les moxhes; ça guigne les djins; ça spågne les måyes, ça broye les djaeyes, ça croke les noejhes. Portant, on les pout eto scrire å singulî, ki rprezinte adon on pluriyal trocrece: amanite towe-moxhe, gobe-moxhe, atrape-moxhe, guigne-djin, spågne-måye, broye-djaeye, croke-noejhe.
https://wa.wikipedia.org/wiki/Aplacaedje_(linwince)#sins_.C3.A5rtike.2C_avou_loyeure
E francès, c' esteut "amanite tue-mouche" (nén candjåve); dispu 1990, i prindèt on S pol pluriyal (une amanites tue-mouche; des amanites tue-mouches)
https://fr.wiktionary.org/wiki/tue-mouche
Ça m' shonne foû scwere, si on prind l' lodjike (1 amanite ni touwreut k' 1 moxhe !!!)
Po guigne-djin et amanite towe-moxhe dj' a leyî l' singulî å coplemint.
https://wa.wikipedia.org/wiki/Guigne-djin
https://wa.wikipedia.org/wiki/Amanite_towe-moxhe _________________ Li ci ki n' a k' on toû n' vike k' on djoû. |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|