Berdelaedjes

[lucyin]

[Pablo Saratxaga]

Li prononçaedje "zero cnoxheu" n' egzistêye nén vormint (ou motoit bén k' siya, ene sawice a nonne di Hu?)

Å cmince i gn aveut k' Lucyin a tuzer a çoula.
Et motoit k' i n' aveut nén toirt, la ki, cwand on a vlou fé eplaidî on motî, l' eplaideu vleut, po shure les rîles des ôtes motîs del minme coleccion, k' i gn åye on prononçaedje (onk, et nén deus ou troes, la k' c' est on ptit live).

Come Lucyin aveut tuzé a çoula, ça fourit ene sipene di moens foû des pîs po l' ovraedje.

Mins, dji n' croe nén ki ç' prononçaedje la soeye vormint eployî.
Dj' ô bén, soeye-t i on djåze dedja e walon, do côp on a ddja li prononçaedje d' on pårler dné; soeye-t i on l' aprind, mins on tchoezixh ene coine ou l' ôte po shure si prononçaedje.

Ci prononçaedje "zero cnoxheu" la ni sieve nén tant a discrire li prononçaedje des betchfessîs (la ki, djustumint, tchaeconk elzès va prononcî a mode do pårler da lu); mins purade po discramyî des sacwès come "mancî", ou "bunker" eneviè "blinker".