Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

(r)ashir / (r)ashire

 
Sicrire on novea sudjet   Responde å sudjet    Djivêye des foroms di Berdelaedjes -> Rifondaedje
Vey sudjet di dvant :: Vey sudjet shuvant  
Oteur Messaedje
Reptilien



Date d' arivêye: 2017-07-01
Messaedjes: 263

MessaedjeDate: mie 27 set, 2017 18:06:28    Sudjet: (r)ashir / (r)ashire Responde tot citant

* « (r)ashir » sol DTW (#11742, #2309) eyet Wikipedia
* « (r)ashire » sol Wiccionaire

c' est li kéne, l' boune ortografeye ?
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: sem 30 set, 2017 23:48:01    Sudjet: Responde tot citant

"ashir" ... come "vir"
ou "ashire" ... come "dire"

ça toume bén, dji va-st aler vey dins l' djivêye di viebes ki dji rascode dispoy des ans...

Vocial li djivêye di totes les familes di viebes ki finixhèt pa on prononçaedje "voyale+R" a l' infinitif:

- diveur
- saveur
- faleur
- valeur
- voleur
- poleur
- (soleur) (foû råle; c' est l' minme ki l' castiyan "soler")

- oizeur

- keure/meskeure (råles)
- scheure

- aveur (a, téns, sins "e" al fén, lu)

- braire
- haire
- plaire
- raire
- taire
- traire
- tchaire (ci-la; on-z a balziné al sicrire "tchair")

- lére

- (tinre) (ôte cogne po "tini"; nén ritnou e rfondou)

- scrire
- dire
- rire
- tchire (ci-la eto, on l' trove come "tchîr", pa assaetchance do francès motoit)

- boere
- croere
- (doere) (viye cogne di "diveur")

- ponre
- somonre

- ôre
- clôre
- divôre

- boure
- moure
- ploure

- cure
- riçure/aporçure/conçure
- conclure/esclure
- dure
- lure
- acsure
- shure
- distrure/construre/instrure

- ashir

- (vir) (ôte cogne po "vey")
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: dim 01 oct, 2017 0:19:25    Sudjet: Responde tot citant

on pout vey ki, foirt sovint, on mete on "e" al fén.

- on nel mete nén cwand c' est "-eur" (mins on l' mete po keure et scheure)

dj' a les pinses ki l' cogne "ashir" (sins "e") est inflouwinceye på francès (assoir); ey eto, permete ene pus grande diferince avou l' famile di "shure".

Si on rwaite l' uzance e feller, on-z a po "ashir":

ashir [R13]; assîr [C8,E1,E2,E21,E34,E145,O3]; achîr [C1,C9,E1,E34,O0,O2,O4]; achir [C8]; assîre [C1,C13,S17]; asîr [C9];

- 3 po "ashire", 17 po "ashir" (emey zels des gros motîs, eyet l' seu e rfondou)

dismetant ki po "shure":

sûre [E1]; sîre [S117]; chûre [C1,C8,O0,O2] => tofer "shure"

po tchire:
tchîr [C62,C99,E34]; tchire [R13]; tchir [C8] => tofer "tchir", såf dins R13

po tchaire (dji rwaite a distchaire, k' a pus di disfondowes):
distchaîr [C1,C13]; distchêr [C9]; dèstchêr' [O3]; dèstchér' [O0]; dèstchér [O4]; dèskér' [O3] => tofer "distchair"

po boure:
boûre [C1,C9,C13,E1,E21,E34,O0,O2]; boure [R13]; boûr [O4]; bour [C8] => "boure" å pus sovint;



I m' shonne ki, a moens d' ene lådje uzance po nel nén mete, on mete on "e" al fén.
L' uzance est di nel nén mete po les -eur (såf les familes keure et scheure; mins keure et scheure sont monosillabe; on n' såreut nén mete "-eur" a pårt, come po pol-eur, sav-eur, fal-eur,...).


tchir(e), tchair(e) et ashir(e) sont les seulès familes wice k' i gn a ene miete di dotance.
L' uzance li pus spårdowe (e Feller) c' est sins li "e".

Mins dins R13 c' est : tchire, tchaire, ashir


Por mi (tot l' restant estant l' minme), li cogne dins R13 a l' dierin mot.
=> shir, ashir, rashir,
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: dim 01 oct, 2017 0:26:39    Sudjet: Responde tot citant

(po trover les viebes dins l' DTW; come i gn a tofer "v." por zels; on pout mete "v[.]" dins l' boesse do discrijhaedje, po n' trover ki les viebes.

et si on mete dins l' tchamp "mot": "%[cs]ha?ir(e|)"
on-z a les viebes ki finixhèt avou tchair(e), tchir(e), shir(e),...

Et si on mete "R13" dins l' boesse do côde motî; on n' a pus k' les cis k' ont stî metous dins l' motî d' potche)

http://chanae.walon.org/lh/wa/dic/sipepieus.php?query=%[cs]ha?ir(e|)&query3=v[.]&mcode=R13
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: vén 28 djn, 2019 13:54:32    Sudjet: Responde tot citant

A decider oficirmint. Dji vôreu bén -re, mins dji so d' acoird eto avou li "rîle do R13". Dimandans cwè a ene troejhinme djin.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: sem 29 djn, 2019 14:46:39    Sudjet: Responde tot citant

Ene ôte sacwè, dji vén d' m' abaiti d' ene sacwè; dji n' arive nén a trover l' bon codjowaedje po des plurials j' i gn a dins S0.
Metans, po "assîr" : a l' indicatif prezintrece, nos assians ou nos assiyans ? a l' erirece durant, nos assyins ? ou nos assiyins ?

Dins li codjowaedje Stasse (Lidje) c' est l' deujhinme (A=assiy-); mins avou PE assiou (et nén "assiyou" come ça sereut si erîlé).

E rfondou on-z a purade pris A=ashy-; mins est-ce bén djusse ?

Viebe a deus codjowaedjes, deujhinme fôme:
Atuze des troes bodjes: A=«ashy» B=«ashî» C=«ashid»

ashir

pr. : ashî, ashîs, ashît, ashians, ashioz, ashièt ~ ashidnut
er. : ashia, ashias, ashia, ashyîs, ashyîz, ashyît
er.d.: ashieu, ashieus, ashieut, ashiéns, ashyîz, ashiént
fut. : ashirè, ashirès, ashirè, ashirans, ashiroz, ashiront -- ashiress
cond.: ashireu, ashireus, ashireut, ashiréns, ashirîz, ashirént
su.pr: ashide, ashides, ashide, ashianxhe, ashioxhe, ashiexhe ~ ashidnuxhe
su.d.: ashiaxhe, ashiaxhes, ashiaxhe, ashiénxhe, ashyîxhe, ashiénxhe
imper: ashî, ashians, ashioz
part.: ashiou (ou ashid), ashiowe (ou ashide), ashiant


Codjowaedje Stasse:
Atuze des troes bodjes: A=«assiy» B=«assî» C=«assîz»
assîr (99) assîr:assiy:assî:assîz:assiou

assîr

pr. : assî, assîs, assît, assiyans, assiyez, assiyèt
er. : assiya, assiyas, assiya, assiyîs, assiyîz, assiyît
er.d.: assiyéve, assiyéves, assiyéve, assiyîs, assiyîz, assiyît
fut. : assîrè, assîrès, assîrè, assîrans, assîrez, assîront
cond.: assîreû, assîreûs, assîreût, assîrîs, assîrîz, assîrît
su.pr: assîse, assîses, assîse, assiyanse, assiyése, assiyèsse
su.d.: assiyahe, assiyahes, assiyahe, assiyahîs, assiyahîz, assiyahît
imper: assî, assiyans, assiyez
part.: assiou, assiowe, assiyant


Codjowaedje Francard (erî rfwaitn, e rodje les cognes ki dji n' so nén seur)

Atuze des troes bodjes: A=«assy» B=«assî» C=«assî» C1=«assîche» B1=«assî»
assîr (150) assîr:assy:assî::assît:

assîr

pr. : assî, assîs, assît, assians, assioz, assiant
er. : (assia, assias, assia, assyîs, assyîz, assyît)
er.d.: assio, assios, assiot, assyins, assyîz, assyint
fut. : assîrê, assîrès, assîrè, assîrans, assîroz, assîrant
cond.: assîro, assîros, assîrot, assîrins, assîrîz, assîrint
su.pr: assîche, assîches, assîche, -, -, -
su.d.: assiuche, assiuche, assiuche, assyinche, assyîche, assyinche
imper: assî, assians, assioz
part.: assît, assîte, assiant
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Djor



Date d' arivêye: 2005-07-02
Messaedjes: 240
Eplaeçmint: Sint-Serwai

MessaedjeDate: mår 01 djn, 2021 2:19:33    Sudjet: Responde tot citant

"Assedere" -> *assedre -> ashire, cf. cat. asseure, oc. sèire.

"Vīdere" -> *vidre -> vire
"Vidēre -> *veðéi -> vêyî -> vêye

Li regue, c' est ki, cwand li "-C-ere" s' a fwaît "-C-re", li "-e" då coron s' a wårdé lontimp. "Bibere" -> *bebre - beure (boere) etch.
_________________
Li walon n' est nén d' l' esperanto.
Rivni al copete
Vey li profil di l' uzeu Evoyî on messaedje privé
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Rifondaedje Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group