|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
Reptilien
Date d' arivêye: 2017-07-01 Messaedjes: 267
|
Date: dim 06 may, 2018 16:07:47 Sudjet: Wikisourd |
|
|
Copleus, copleuses,
Dj' a cmincî a mete so pî el bibioteke "Wikisource" e lingaedje walon, dji l' a lomêye "Wikisourd" pask' i m' shonne ki c' est l' pus direk ratournaedje, Wikisourdant m' shonnéve ene miete long, mins si vos n' estoz nén d' acoird avou ç' no la on pout todi candjî, gn a co rén d' fé ! Si vos vloz vni dner on ptit côp di spale, vos estoz les bénvnous.
Gn a pus d' 400 dôcumints e walon dins l' Bibioteke royåle di Beldjike k' on poreut discrire (transcrire) dins Wikisourd, mins dji n' sai nén s' i sont tos dizo l' dominne publik... Si vos avoz des tecses k' ont stî eplaidîs so papî u bén des e-lives (EBOOK, EPUB, PDF, DJVU) idintifyåve (ricnoxhåve ?) pa on limero ISBN u ene sacwè come çoula (metans on limero dins les årtchives di l' Estat ), et k' on pout eberweter so les Cmons ci sereut foirt clapant d' les pårtaedjî pol bouneur di tertos.
Pol moumint, li pordjet est elodjî so Wikisource des ptits lingaedjes, ça vout dire k' on a nén co li dzo dominne wa.wikisource.org, mins cwand gn årè assez d' tecses di scrîts (transcrîts) on va poleur fé l' dimande.
Si vos av des idêyes po-z amider l' pordjet, vos ploz mel fé sawè so cisse pådje di berdelaedje.
A bénrade. |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1159 Eplaeçmint: Oûpêye
|
Date: dim 06 may, 2018 21:08:00 Sudjet: |
|
|
Bondjoû,
Vos avîz rovyî d' mete on loyén:
https://wikisource.org/wiki/Main_Page/Walloon
(dji pinséve ki l' "wikisourd des ptits lingaedjes" c' esteut l' ecubatoe, et dj' a cwerou on bon moumint ... )
oyi, ça pôreut esse ene boune idêye.
PS: li DTW mete bén po "discrire" on sinse e francès di "transcrire", mins dji n' l' a måy oyou (ni léjhou nerén) eployî come çoula.
I gn a bén seur "transcrire"; mins eto, assez bén eployî (pol moens so les waibes) "rashir" (li DTW n' dene nén ç' sinse la, mins vos ploz vey l' uzaedje k' est fwait so wikipedia ou wiccionaire) |
|
Rivni al copete |
|
|
Reptilien
Date d' arivêye: 2017-07-01 Messaedjes: 267
|
Date: dim 06 may, 2018 22:27:59 Sudjet: |
|
|
Citåcion: |
Vos avîz rovyî d' mete on loyén: |
neni, il est avou l' prumî mot Wikisourd , mins c' est l' vraiy k' on nel voe nén, paski les hårdêyes sont noeres, come li tecse. |
|
Rivni al copete |
|
|
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: sem 18 awo, 2018 11:15:03 Sudjet: |
|
|
Dji vén fok di m' abaiti di ç' messaedje la.
"Wikisourd" mi shonne dadrame. "sourdant" est ddja eployî toplin; fåt del varyisté po on lingaedje.
Come dit ôte pårt, on î pôreut mete mes lives ki sont spoujhîs (Ké walon po dmwin, Ene båke I, Li ptite comere avou l' blanke camizole) ey eto tos les cis di m' bibioteke ki sont foû abondroets (li scrijheu est moirt dispu pus d' 70 ans). Dji va vey çou k' on pout fé. _________________ Li ci ki n' a k' on toû n' vike k' on djoû. |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|