![Djivêye des foroms di Berdelaedjes](templates/actionpoint/images/logo_phpBB.gif) |
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
Reptilien
Date d' arivêye: 2017-07-01 Messaedjes: 263
|
Date: mie 19 set, 2018 8:57:19 Sudjet: cawete -ule/-ure/-oûle ? [OK] -ule |
|
|
[EDIT] El prumî boket do messaedje est vaici : http://berdelaedje.walon.org/viewtopic.php?p=5971#5971
Dins l' DTW, dj' a trové « carcul » do latén « calculus » (c' est purade li cawete -ulus, mins c' est on sinonime di -culus) ; mins la eto c 'est drole di vey k' on dit « carcul » (avou on R) mins « calcaedje » (avou on L) adon ki les betchetes des deus mots vegnnut do latén « calx ». On trove eto « canicule » (cawete -cula, femrin di -culus) u co « matricule ».
So Wikipedia dj' a trové : molecure (F. molécule) mins c' est scrît « molecule » dins l' årtike « Dmitriy Ivanovitch Mendeleyev » ; on trove eto « madjuscule » et « minuscule » (a Motî:lete) u co « tubercule » (a « crotche » cawete -culum, neute di -culus) et « clavicule » (clavete ? a « Filiberto Ojeda Ríos »).
Dins les motîs, on trove :
* pârtikul (mwaisse intrêye) ; pârtikul indèklinâf (a « indèklinâf ») : E203 (dins Wikipedia on trove « pårticule » dins l' årtike « Brane »)
Et dj' a dit des biestreyes, on rtrove bén l' cawete « -ulus » (sinonime di -culus) dins « pilule ».
Candjî pol dierin côp pa Reptilien, li sem 10 nôv, 2018 10:56:11; candjî 1 feye |
|
Rivni al copete |
|
![](templates/actionpoint/images/spacer.gif) |
Reptilien
Date d' arivêye: 2017-07-01 Messaedjes: 263
|
Date: mie 19 set, 2018 10:20:00 Sudjet: |
|
|
@Lucyin, gn a-t i d'ôtes egzimpes ki « pilure » acertinés ki serént toutchîs pal Ridaedje R/L å coron do mot ? |
|
Rivni al copete |
|
![](templates/actionpoint/images/spacer.gif) |
lucyin
Date d' arivêye: 2005-07-07 Messaedjes: 3664 Eplaeçmint: Sidi Smayil, Marok
|
Date: mie 19 set, 2018 15:15:01 Sudjet: |
|
|
pilure: dji n' voe k' ci-la (sins cweri pus lon). Dj' a ddja rfwait so ç' piceure la (et eplaidî so les wikis u e l' Rantoele: molecure, celure... et tiesticure (nén co foirt sipårdou).
A mete e l' dossire: li prumî k' a rwalnijhî li cawete francesse -ule, ça a l' air di esse Forir, avou "notûle".
Li "vraiye" cawete walone respondant å latén ni sereut ele nén -oûle? Mins la, on eva lon erî do prononçaedje francès.
clavicule => clavete (acertiné di nosse costé; divreut esse dins S117)
(i fåreut mete cisse bate di dvize cial sol cawete -ûle / -ule / -ure so on fyi tot seu, mins dj' a rovyî kimint çk' on fwait. Si Pablo el pout fé.) _________________ Li ci ki n' a k' on toû n' vike k' on djoû.
Candjî pol dierin côp pa lucyin, li mie 19 set, 2018 15:24:07; candjî 5 feyes |
|
Rivni al copete |
|
![](templates/actionpoint/images/spacer.gif) |
Reptilien
Date d' arivêye: 2017-07-01 Messaedjes: 263
|
Date: mie 19 set, 2018 16:02:32 Sudjet: |
|
|
Divant Forir, on trove « navicule » dins E89, surmint do latén « navicula » (pitit batea, todi avou l' cawete -cula, femrin di -culus).
Et « nåvicule » dins l' DTW avou des disfondowes. |
|
Rivni al copete |
|
![](templates/actionpoint/images/spacer.gif) |
lucyin
Date d' arivêye: 2005-07-07 Messaedjes: 3664 Eplaeçmint: Sidi Smayil, Marok
|
Date: mie 19 set, 2018 19:22:58 Sudjet: |
|
|
C' est on bon moumint po decider (ça et ôte tchoi). Dji so el Walonreye tot l' moes d' octôbe.
@ Pablo: av ene djournêye di libe po on raploû rfondeus ?
@ Reptilien: si vos n' estoz nén avår la, et k' vos ploz taper èn ouy tenawete, on pout fé les kesses et les messes roci so Berdelaedje, et vos dire li vosse. _________________ Li ci ki n' a k' on toû n' vike k' on djoû. |
|
Rivni al copete |
|
![](templates/actionpoint/images/spacer.gif) |
Pablo Saratxaga Site Admin
![](images/avatars/17303731815d13a3403b71c.gif)
Date d' arivêye: 2005-07-01 Messaedjes: 1156 Eplaeçmint: Oûpêye
|
Date: lon 29 oct, 2018 2:37:31 Sudjet: |
|
|
Damadje ki dj' ni l' a nén léjhou ayir...
Por mi cisse cawete la " -ure " mi shonne mo drole, et dji n' l' a måy oyou nerén léjhou, a pårt dins les tecses da Lucyin.
D' ostant pus ki l' prononçaedje do "r", enute, est pus sovint [R] ki [r].
I m' shonne bén ki, come el mostere Reptilien, li cawete divreut esse -ule.
Dins l' DTW po les mots finixhant avou -ure c' est:
- soeye-t i des viebes (cure, lure,...)
- soeye-t i des intreyes -eure nén co rfondowes
- i n' a k' _DEUS_ mots : "pilure" (avou pilur' [O4]), eyet "tiesticure" (k' esteut ddja dins FR13, mins èn edvintaedje)
I m' shonne bén ki l' dijhaedje normå, eyet ossu shuvant mî l' fonolodjeye do walon, ça sereut "pilule", "tiesticule", "molecule", evnd.
Dins l' DTW, d' ôtes avou -[cl]ule:
canicule, måcule, nåvicule (ou navicule ?), ôricule
Dins l' DTW on n' trove nou mot avou [-lyl-], ça n' shonne nén s' trover e walon. Adon ki [-lur] est l' prononçaedje del cawete -eure dins s' payis la (k' ôte pårt on prononce purade [-lu:R] ou [-lø:R]).
Did la surmint l' ridaedje [pilyl] -> [pilyr] |
|
Rivni al copete |
|
![](templates/actionpoint/images/spacer.gif) |
lucyin
Date d' arivêye: 2005-07-07 Messaedjes: 3664 Eplaeçmint: Sidi Smayil, Marok
|
Date: dju 08 nôv, 2018 21:22:01 Sudjet: |
|
|
Dji vou bén shuve li mådjorité (2/3): => dimander a Giscard Tchåftepiyåcofe di candjî çoula dins les wikis (pilure, molecure, tiesticure => pilule, molecule, tiesticule et lzès mete come decidés dins l' DTW.
Ni divreut on nén ossu erîler notûle (eto on noûmot da Forir, divant 1966) => notule ? _________________ Li ci ki n' a k' on toû n' vike k' on djoû.
Candjî pol dierin côp pa lucyin, li dju 29 nôv, 2018 13:38:32; candjî 1 feye |
|
Rivni al copete |
|
![](templates/actionpoint/images/spacer.gif) |
lucyin
Date d' arivêye: 2005-07-07 Messaedjes: 3664 Eplaeçmint: Sidi Smayil, Marok
|
Date: mår 13 nôv, 2018 13:45:26 Sudjet: |
|
|
dji rcandje dedja "celure => celule (djusse dins les tites d' årtike). _________________ Li ci ki n' a k' on toû n' vike k' on djoû. |
|
Rivni al copete |
|
![](templates/actionpoint/images/spacer.gif) |
Reptilien
Date d' arivêye: 2017-07-01 Messaedjes: 263
|
Date: mår 26 fev, 2019 15:56:08 Sudjet: |
|
|
Dins « Noss wallon â Sénat » (chal), k' on trove dins Les crostillons da Joseph Kinable, on pout lére :
» Grâce à l’ Socièté wallonne,
» Tot l’s’ ans n’ia des concours d’adreut,
» Elle ni r’çût portant rin d’personne,
» Ses mimbe païet tot. Di bon dreut
» Sèreut-ce trop dè d’mander por leie
» Ine aidule dè Gouvernèmint ?
» Qui s’direut ji vas po n’bonne feie
» El mette èwal avou l’ flamind
aidûle/aidule : pitite aide (si dj' comprin bén) ; on trove bén « aidûle » sol wiccionaire et l' DTW mins fok come addjectif |
|
Rivni al copete |
|
![](templates/actionpoint/images/spacer.gif) |
lucyin
Date d' arivêye: 2005-07-07 Messaedjes: 3664 Eplaeçmint: Sidi Smayil, Marok
|
Date: lon 04 mås, 2019 20:39:51 Sudjet: |
|
|
Por mi, nonna, c' est "aide" + li fameuse cawete, k' on a rfondou -ule dins les calcaedjes do francès (tiesticule, molecule). I shonne k' i gn aveut ene idêye del rifonde -ûle (estô di -oûle), al fén do 19inme sieke (tuzez a "notûle" da Forir).
=> notule : pitite note; aidule = pitite aide.
≠ "aidûle" = come "påjhûle": addjectif, ki dene del påye, ki dene di l' aide.
=> aidule, notule _________________ Li ci ki n' a k' on toû n' vike k' on djoû. |
|
Rivni al copete |
|
![](templates/actionpoint/images/spacer.gif) |
lucyin
Date d' arivêye: 2005-07-07 Messaedjes: 3664 Eplaeçmint: Sidi Smayil, Marok
|
Date: sem 09 mås, 2019 13:42:31 Sudjet: |
|
|
Gn a co måcule, ki m' shonne esse manke + -ule : pitit manke = flotche; pu did la: taetche. _________________ Li ci ki n' a k' on toû n' vike k' on djoû. |
|
Rivni al copete |
|
![](templates/actionpoint/images/spacer.gif) |
Reptilien
Date d' arivêye: 2017-07-01 Messaedjes: 263
|
Date: lon 01 avr, 2019 22:30:57 Sudjet: |
|
|
On trove eco canûle R10, avou cånûle R13, canûle E1, 170 eyet canule E34. Mins dji n' erconoxhe nén l' bodje pol sinse diné imådjreçmint. |
|
Rivni al copete |
|
![](templates/actionpoint/images/spacer.gif) |
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|