Vey sudjet di dvant :: Vey sudjet shuvant |
Oteur |
Messaedje |
Èl-Gueuye-Noere
Date d' arivêye: 2019-05-13 Messaedjes: 191 Eplaeçmint: Tchålerwè
|
Date: lon 13 may, 2019 23:56:05 Sudjet: Dji so novea |
|
|
Bondjoû tèrtou,
Dji m' so inscrou sûr èç waibe po aprinde èl walon. Dji scrî èl walon do coûtchant ey èl Rfondou Walon. Dji so d'zolè po lès fautes.
Dj' a comincî å aprinde èl Walon dispoy ène moes. Dji vôreu bén dvini *kadrilinwe* (*quadrilingue*). Dji djåze d'dja èl francès, èl inglès ey èl neyerlandès.
------------------------------------------------------------------------------------
Bonjour à tous,
Je me suis inscrit sur ce site pour apprendre le wallon. J'écris en wallon-occidental et en wallon rifondou. Je suis désolé pour les fautes.
J'ai commencé à apprendre le wallon, depuis un mois. Je voudrais bien devenir quadrilingue. Je sais déjà parler le français, l'anglais et le néerlandais. |
|
Rivni al copete |
|
|
Reptilien
Date d' arivêye: 2017-07-01 Messaedjes: 267
|
Date: dju 16 may, 2019 8:14:36 Sudjet: |
|
|
Bondjoû Gueuye-Noere (mi dj' areu dit purade Noere-Gueuye, avou l' addjectif padvant), camaråde do Coûtchant.
Bénvnowe so Berdelaedjes ! Ké boune idêye di voleur aprinde el walon, li lingaedje di nos tayons et ratayons. Mi dj' a-st aprins gn a ddja troes ans et dj' pou vs dire ki vos ploz bén conter so Lucyin eyet Pablo po vs aspaler dins cisse ovraedje la, des bråvès djins, vormint !
Po les flotches di scrijhaedje (les fåtes, come vos djhoz), gn a rén avou ça, c' est tot foirdjant k' on dvént foirdjeu ! On dit eto c' est l' ovraedje k' acsegne ! (Motî Haust)
Po-z aprinde, est çki vos av des motîs (diccionaires) ? Avoz ddja tapé èn ouy so Wiccionaire eyet Wikipedia, u co sol DTW ?
Si vos vloz dner on côp di spale po-z amidrer ces pordjets la, vos estoz l' bénvnou ! Gn a eto Wikisourd avou des lives a riscrire, si vs av do tins a touwer...
Bon coraedje, et si vos av des kesses, èn tchicter nén a dmander, c' est come çoula k' on-z aprind, tot pårtaedjant .
Candjî pol dierin côp pa Reptilien, li vén 17 may, 2019 15:15:15; candjî 3 feyes |
|
Rivni al copete |
|
|
Èl-Gueuye-Noere
Date d' arivêye: 2019-05-13 Messaedjes: 191 Eplaeçmint: Tchålerwè
|
Date: vén 17 may, 2019 0:19:39 Sudjet: |
|
|
Merci bråmint po vosse aconte.
Dji m' sieve d'bråmint d'waibes. Cès waibes sont necessaire po aprinde èl walon. Målureuzmint, certins waibes n' sont pus rapontyî, come èl DTW ki a sti rapontyî èl dierin côp èl 2 di setimbe di 2016. Vocial èl lisse d'waibes ki dji m' sieye come motî ey come live di croejhete :
- DTW (Motî)
- Wiktionary (Motî, croejhete ey codjowaedje)
- Wikipedia
- Lucyin.walon.org (Po 'l codjowaedje)
Cwand vos djåzez d'Wikisourd, vos voloz djåzer d'Wikisource ? |
|
Rivni al copete |
|
|
Reptilien
Date d' arivêye: 2017-07-01 Messaedjes: 267
|
Date: vén 17 may, 2019 16:14:18 Sudjet: |
|
|
Si vs eployîz ces waibes la, adon vos estoz sol boune voye.
Oyi, Wikisourd (wiki + sourd) : sourd = « source » e francès.
C' est l' veure k' avou l' pea (li tinme) premetowe di berdelaedjes (rodje eyet djeane) on n' voe nén les hårdêyes, ki sont noeres come el tecse. Mins dji vs aveu metou les hårdêyes : https://wikisource.org/wiki/Main_Page/Walloon
@Pablo : ni sereut ç' nén possibe di candjî l' coleur po les hårdêyes dins l' foye di stîle ?
Candjî pol dierin côp pa Reptilien, li sem 18 may, 2019 10:06:30; candjî 1 feye |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1159 Eplaeçmint: Oûpêye
|
Date: sem 18 may, 2019 2:05:10 Sudjet: |
|
|
Bondjoû a vos!
Et vos mostrez ddja ene foirt bele mwaistrijhe do lingaedje !
Pol DTW : li data di "dierin ramidraedje" metowe pa dzo, c' est l' date do dierin candjmin do côde sourdant ki håynêye li pådje, nén do contnou (ki, lu, crexhe ene pitite miete tchaeke djoû; loukîz a: Li grand rtoû do DTW.
Dji n' î aveut måy tuzé; dji va candjî çoula...
(et poy c' est nén l' veur, dj' aveu fwait des candjmints li 10 di mås pol dierin côp)
... vola, c' est mî insi =-) |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1159 Eplaeçmint: Oûpêye
|
Date: sem 18 may, 2019 2:29:49 Sudjet: |
|
|
@Reptilien : oyi, c' est on problinme; cwand dj' a metou l' forom so pîs dji n' saveut nén grand tchoi des CSS.
Motoit k' asteure on pôreut fé ene sacwè.
Ôtrumint, çou ki dj' fwait, c' est d' mete des sorlignîs ( [ u ] et [ / u ] sins les blancs) |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1159 Eplaeçmint: Oûpêye
|
Date: sem 18 may, 2019 2:37:12 Sudjet: |
|
|
Si vos n' kinoxhoz nén co, loukîz eto al "pitite croejhete" : http://picr.walon.org/
elle a stî fwaite esprès po çoula (po-z aidî a-z aprinde li walon po les cis ki l' vôrént djåzer).
C' est ossu li prumî côp ki tot a stî fwait e walon (divant çoula, dins les croejhetes et motîs on djåzéve DO walon, mins nén E walon...)
I gn a eto li "grande" : http://croejhete.walon.org/
c' est avou leye ki dj' a-st apris (eviè 1999, li ptite n' egzistéve nén co) |
|
Rivni al copete |
|
|
Èl-Gueuye-Noere
Date d' arivêye: 2019-05-13 Messaedjes: 191 Eplaeçmint: Tchålerwè
|
Date: sem 18 may, 2019 17:00:54 Sudjet: |
|
|
Merci bråmint po lès waibes, Pablo.
Dji n' a nén veu ki ç' esteut po 'l code sourdant. Dji so contin k' èl motî est rapontyî, pask' il est mî adramté po lès novices come èm-minme. |
|
Rivni al copete |
|
|
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: dju 23 may, 2019 13:30:51 Sudjet: |
|
|
Vo m' la come onk k' arive å bal cwand les violoneus roistèt les vierletes.
https://wa.wiktionary.org/wiki/ariver_%C3%A5_bal_cwand_les_violoneus_roist%C3%A8t_les_vierletes
Taiss k' oyi, ki vos vos ploz amidrer radmint.
Dji vén d' passer 8 djoûs e l' Walonreye (dj' overe ezès lon-payis). Gn a pol moumint d' fond tot on mouvmint k' i m' shonne ki va moenner al ricnoxhance do rfondou divant waire (disk' asteure, il esteut discåzé beazebén pa les "mandarins", sapinse a Mimile des Bribeus d' toubak).
Si vos vloz lére des sacwès d' actouwålité (on n' a co pont d' noûmot oridjinå po çoula), gn a eto l' Rantoele-gazete.
Dji vos mete li dierinne so les fyis totasteure.
http://denee.walon.org/~lucyin/lirantoele/aurtchives/Rantoele89-waibe.pdf
Si vos l' vloz rçure so papî e vosse måjhon, dinez m' voste adresse del posse (a mi emile lucyin53@gmail.com).
Come dit nosse cropante biesse [Reptilien] ci serè on plaijhi d' vos dner on côp di spale. _________________ Li ci ki n' a k' on toû n' vike k' on djoû. |
|
Rivni al copete |
|
|
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
|
Rivni al copete |
|
|
Èl-Gueuye-Noere
Date d' arivêye: 2019-05-13 Messaedjes: 191 Eplaeçmint: Tchålerwè
|
Date: vén 24 may, 2019 19:44:10 Sudjet: |
|
|
Merci bråmint po lès waibes, Lucyin.
Merci eto po awè coridjî èm pådje d' uzeu so Wikipedia, eyet po 'l desplicaedje rwårdant lès viebes å prono ey 'l placaedje dès adjectifs è walon.
Dj' a ddja erwaitî èl PDF då Rantoele ey dj' a constaté al deujhinme fouye ki d' åkeunes waibes 'n rotnut nén. |
|
Rivni al copete |
|
|
|