Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Askepiaedje di noûmots

 
Sicrire on novea sudjet   Responde å sudjet    Djivêye des foroms di Berdelaedjes -> Dimandes di mots
Vey sudjet di dvant :: Vey sudjet shuvant  
Oteur Messaedje
Èl-Gueuye-Noere



Date d' arivêye: 2019-05-13
Messaedjes: 184
Eplaeçmint: Tchålerwè

MessaedjeDate: mie 22 may, 2019 0:54:12    Sudjet: Askepiaedje di noûmots Responde tot citant

Bondjoû tèrtou, Very Happy

Målureuzmint, dji m' abaiti k' è DTW ey è Wiccionaire, i gn a nén tos lès mots. Ç' est pocwè dji vos dimande si nos pouvwans askepyî dès noûmots ? Wink Dj' end a ddja trové kékes onks :

- Åbœrn -- [o:bœrn] ==> [FR] Auburn, nuance de brun qui est proche du rouge.

- Pormouwer = Por (Betchete) + Rmouwer -- [pɔrmuwe] ==> [FR] Promouvoir

- Pormoxhion = Por (Betchete) + Moxhion -- [pɔrmɔʃiɔ̃] ==> [FR] Promotion. (Nom donné à l'ancienne Division 4 du football belge, qui s'appelle depuis la réorganisation, la Division 2 Amateur)

Dji vôreu bén aveur voste opinion ? Smile

Merci bråmint po m' aidî ! Very Happy
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: mie 22 may, 2019 9:18:15    Sudjet: Responde tot citant

Tos les mots n' î sont nén c' est l' veur;
dins l' DTW i doet avour a pô près 20% des mots k' on pout trover dins les motîs so papî...

Dji taprè èn ouy dins ds ôtes motîs al nute.

"pormouwer" est bén tuzé; mins adonc l' mot derivé c' est "pormocion" (cawete -cion; ki s' prononce -chon oyi).
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Èl-Gueuye-Noere



Date d' arivêye: 2019-05-13
Messaedjes: 184
Eplaeçmint: Tchålerwè

MessaedjeDate: mie 22 may, 2019 23:34:18    Sudjet: Responde tot citant

D'acoird, Pablo. Merci bråmint po 't aidaedje. Smile
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: dim 26 may, 2019 14:15:58    Sudjet: Re: Askepiaedje di noûmot Responde tot citant

Èl-Gueuye-Noere scrijha:


- Åbœrn -- [o:bœrn] ==> [FR] Auburn, nuance de brun qui est proche du rouge.


Po "brun", gn a on mot pus walon ki respectêye li rîle des rîlêyes fr UN wa ON (un => on; commun => common, alun => alon): c' est bron

Dji cmince a l' siervi pacô.

Adon: åbron.

Po "promouvoir", oyi, on pout calker tot rwalonijhî boket pa boket. On pout eto prinde ene perifråze, avou des mots foirt corants: fé l' riclame di

Asteme ås rîles tipikes do walon po les cossounes metowes al cawêye:

rîle des 3 cossounes:
https://wa.wikipedia.org/wiki/R%C3%AEle_des_troes_cossounes

askepiaedje d' noumots => askepiaedje di noûmots

https://wa.wikipedia.org/wiki/Disploctaedje_des_trokes_di_cossounes_%C3%A5_coron

=> on n' pôreut nén awè "aubuRN" e walon (såf mots rfrancijhîs dedja foirt corant come marke, Anverse...
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Èl-Gueuye-Noere



Date d' arivêye: 2019-05-13
Messaedjes: 184
Eplaeçmint: Tchålerwè

MessaedjeDate: dim 26 may, 2019 15:24:50    Sudjet: Responde tot citant

Merci bråmint po vos eclaircixhmints, Lucyin. Smile

Auburn (Åbron è francès) est ddja ène calkaedje då inglès. Si dj' a bén compris, "Auburn" est impossibe è walon, paski "R" ey "N" n' pouwnut nén si shuve Question Dji vos avouwe ki dj' åye målåjhey å comprinde cès rîles.

Po "pormouwer" ey "pormocion" ç' esteut po 'l fotbale, paski dji scrî ène årtike sol fotbale sol Wikipedia. Wink
Arrow https://wa.wikipedia.org/wiki/Fotbale
Pask' avant i gn aveut ène divizion ki si loméve Promotion (è francès). Don, "fé l' riclame di" n' va nén dins èç waibaedje. Wink
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: dim 26 may, 2019 16:55:48    Sudjet: Responde tot citant

Èl-Gueuye-Noere scrijha:
"R" ey "N" n' pouwnut nén si shuve Question


Siya, i s' polèt shure, mins nén al fén; i fåt di totes foices èn aspoyaedje å "N".
Dj' ô bén, i s' polèt shure, mins nén dins l' minme hansixhaedje (li minme shofla d' air), li "R" doet esse li fén d' on hansixhaedje, eyet li N li cmince d' èn ôte.

Citåcion:
Dji vos avouwe ki dj' åye målåjhey å comprinde cès rîles.


C' est nén vormint ene "rîle des troes cossounes", mins purade ene "rîle des sillabes".

Tos les lingaedjes ont des rîles so les sôres di sillabes ki s' polèt fé; i n' a nou lingaedje ki pout prononcî tot l' minme kéne shûte di sons.
I gn a todi des "modeles" (diferins po tchaeke lingaedje) eyet c' est çou ki fwait k' on-z adaptêye li prononçaedje tot rcopiant des mots d' èn ôte lingaedje.

I gn a les sons possibes (metans, e francès [x] n' egzistêye nén; ça fwat ki l' grand piyanisse Sergey Vassilievitch Raxhmaninov est prononcî "Rak'maninof"), mins i gn a ossu li manire dels adjinçner.

E francès metans on n' a måy (mi shonne-t i) ene shûte nåziåle-labiåle (come dins "minme").

E walon i gn a l' adurixhaedje des cossounes al fén des mots (metans -aedje prononcî -aetch'; -åde prononcî -åt' ...)[*]

I gn a eto des assimilåcions (ene cossoune k' endè dvént ene ôte sorlon çou ki shût ou vént dvant) : v+n -> mn (do costé d' Lidje todi), tch+v -> tchf (å Coûtchant) ou djv (å Levant).

Et ossu les rîles po çou k' est des sillabes (k' on lome sovint "rîle des troes cossounes").
Dj' a fwait on rcweraedje des sillabes possibes i gn a kéke tins, c' est la :
https://berdelaedje.walon.org/viewtopic.php?t=1999
Come vos l' poloz vey, ene sillabe ni pout måy fini pa -CC (deus cossounes) .

Çoula a des consecwinces foirt veyåves (oyåves purade) dins l' codjowaedje des viebes : doirmi : dji doime, nos doirmans; shofler : dji shofele, nos shoflans; abotner : dj' abotnêye, nos abotnans...

[*] i gn a ene tote pitite coine, ene pougnêye di viyaedjes, tot près del Gåme, wice k' i nel fijhèt nén; mins, po vs dire li vraiy, dji n' arive nén vormint a ôre li diferince... paski les "modeles" di sons d' on lingaedje limitèt nén seulmint çou k' on pout prononcî dins l' lingaedje, mins ossu çou k' on pout ôre.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Dimandes di mots Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group