Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

André Mottet
Potchî al pådje Di dvant  1, 2, 3, 4, 5, 6
 
Sicrire on novea sudjet   Responde å sudjet    Djivêye des foroms di Berdelaedjes -> Tecses e walon
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mie 06 may, 2020 17:22:52    Sudjet: Responde tot citant

À Mièrdo…ALO, POLICE !...

- ….Vinoz à galop, i gna one ome qui s’promin.ne tot nu…

Li police arive : « - awouce qu’il èst vos-st-ègzibicionisse , ? «

- Lôvo, an face , è corti..

- Mins, on n’vwèt qui s’ tièsse…

- Bén oyî da, po veûye tot, i fôt griper sus l’tôve !
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 09 may, 2020 17:41:28    Sudjet: Responde tot citant

On fameûs wèck ! [bocal à stériliser]

Li Docteûr : - Moussîz, moussîz, Djôzèf…què n’a-t-don qui n’va nén ?... Portant, mågré vos 80 ans, vos m’avez l’êr d’èsse ossi spitant qu’on djon.ne cokia (jeune coq)

Djôzèf : - Oyî, tot va bén…tot va bén…èt dji m’va béntôt r’marier…avou one djon.ne crapôde di 22 ans !... Mins, èle a mètu one condition : dji dwès co polu li fé one èfant ! Et c’èst po ça qui…

Li Docteûr : Oh, i n’a rén d’pus ôjîye (facile) ; volà on potikèt, vos n’avoz qu’à l’rimpli avou one miète di vosse simince èt dji f’rè fé l’analisse !

Deûs djoûs après, Djôzèf rivént avou s’potikèt … vûde.

- Volà, disti, dj’a sayi à l’ dreûte mwin, dj’a sayi à l’gôche mwin ; rén à fé ! Dj’a d’mondé al fème di mwin.nadje di m’êdî ; èle a sayî al dreûte mwin, èle a sayî al gôche mwin ; rén à fé ! Dj’a pinsé qui l’vwèzine (qu’ èst pus djon.ne) åreût mia l’toûr ; èle a sayi à l’dreûte mwin, èle a sayi al gôche mwin, èle l’a sèré divins sès g’nos, èle l’a sucî ….avou sès dints, sins sès dints, rén à fé !….Est-ce qui vos n’pourîz nén m’èspliquer kimint qu’on drouve vosse potikèt ?
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mår 26 may, 2020 18:48:36    Sudjet: Responde tot citant

Mèskène [servante] di curé



EXTRAIT :



PROSPER (garde-champêtre) : Euphrosine ?

DIEUDONNÉ (curé du village) : awè (nostalgique) mi douce Euphrosine, li prumîre mèsquène qui dj’aveû tot arivant chal sins nole èspériyince, volà trinte ans…

PROSPER : Euphrosine ! volà todi on drole di nom…

DIEUDONNÉ : Euphrosine, çolà vout dîre, en grèc, « qui parle bien » qui djåze bin…ah ! po djåzer, målèreûs vos, èle aveût ine linwe come on tchåsse-pî, ine racuzète-potêye di prumîre classe, èle poléve : djåzer, cak’ter, cacayî, can’ter, clap’ter, discåser, ram’ter, prétchî, taram’ter, tchaf’ter, tcham’ter, tchak’ter…

PROSPER : îye binamé Bon-Diu…

DIEUDONNÉ : èt adonpwis, èle n’avêut qui quarante ans…avou tot çou qui fåt tot wice qui fåt, èle m’a mètou å courant di tot-à-fêt,…

PROSPER : di tot-à-fêt ?

DIEUDONNÉ : awè di tot-à-fêt…sur lès djins èt lès afêres dè viyèdje…èle m’a mètou ossi å courant so lès afêres qui vos tûzé…èle n’aveût nin mèsahe di célèri ni di drougue spéciåle come dès ciss qui dji k’nohe…(il lui parle tout bas à l’oreille ; le notaire fait des oh, des ah, non ? sya,sya)

li prumî djoû qwand dj’a-st-arivé, èle m’aveût dit : - avou l’pôv’ Moncheû l’curé d’vant vos, qu’èsteût on fwért sint-ome, nos nos arindjîs bin tos lès deûs…
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mår 26 may, 2020 18:54:17    Sudjet: Responde tot citant

Lès bounès botêyes…





- One boune botêye, c’èst one botêye qui n’èst nén co vudîye….



- Oyî, mins si l’botêye èst nwère, on n’ vwèt nën ôjî’mént [facilement] si gna co à bwère dëdins…



- C’èst po ça qu’ô bas dès botêyes, i gna à fîye [parfois] dès « inscriptions en relief » come po lès aveûles…



- Ah ? èt qwè ce qui l’èst marqué ?



- C’èst marqué : quand vos èstoz arivé à c’ôteûr ci, c’èst qui l’ botêye èst vûde !
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mie 27 may, 2020 10:18:45    Sudjet: Responde tot citant

EXPERTISE avez-vous dit ?



Lès « èspêrts » [N’èspèrez rin] ni sont nole garantîye di tos lès vrêyes .

Vochal ine ègsimpe.

On prumî èspêrt aspice eune rin.ne [grenouille] èt i lî côpe eune pate ; pwis, i lî dit : « potche [saute] asteûre !» . Et li rin.ne potche.

Li deûzème èspêrt aspice li rin.ne èt i lî côpe eune deûzème pate ; pwis, i lî dit : « potche, asteûre ! » . Et li rin.ne potche.

Li treûzème fêt parèye.

Arive li 4ème qui prind l’rin.ne èt qui lî côpe li dièrin.ne pate, tot d’hant : « potche asteûre ! » MINS, li rin.ne ni potche nin….

Lès èspêrts sont-st-èbarassés… mins li profèsseûr d’université élzîs fêt l’ lèçon :

- Qwand vos côpez lès cwate pates à eune rin.ne, èle divint come lès djon.nes tchins, èle ni hoûte pus !
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mie 27 may, 2020 17:45:47    Sudjet: Responde tot citant

https://wikisource.org/wiki/On_vr%C3%AAye

(parexhou e rfondou dins l' Rantoele 93 sol tite "Li vete djote")
_________________
Li ci ki n' a k' on toû n' vike k' on djoû.


Candjî pol dierin côp pa lucyin, li mie 27 may, 2020 18:07:32; candjî 1 feye
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mie 27 may, 2020 18:06:32    Sudjet: Responde tot citant

https://wikisource.org/wiki/L%C3%A8s_boun%C3%A8s_bot%C3%AAyes

(parexhrè e rfondou dins l' Rantoele 94)
_________________
Li ci ki n' a k' on toû n' vike k' on djoû.


Candjî pol dierin côp pa lucyin, li mie 27 may, 2020 18:08:03; candjî 1 feye
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mie 27 may, 2020 18:07:11    Sudjet: Responde tot citant

https://wikisource.org/wiki/Al_tch%C3%A8sse

(parexhrè e rfondou dins l' Rantoele 95)
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mår 02 djn, 2020 18:25:28    Sudjet: Responde tot citant

A Nameûr

Louwîs : ah ! Louwîs, ça vâââ ?

Djôzef : oyî, ça vâââ .. èt twè ?

Louwîs : ça vâââ….

Djôzèf : dis, Louwis, c’èst bén twè hin, qu’a on fré qui travâye ôs ch’mins d’fèr ?

Louwîs : bén oyî, hin Djôzèf, dj’a on fré qui travâye ôs ch’mins d’fèr, …è qwè-ce qu’i gna avou çà ?

Djôzef : èt bén, dj’a manqué d’èl rèscontrer…

Louwîs : kimint çà, t’as manqué d’èl rèscontrer ?

Djôzef : bén, chôute më one miète…ti frè qui travâye ôs ch’mins d’fèr, come ti dis,…sus s’tièsse là, il a one calote hin !?

Louwîs : bin oyî da , il a one calote sus s’tièsse.

Djôzef : èt bén, ti frè qui travâye ôs ch’mins d’fer, avou on calote dissus s’tièsse,…sus s’calote, i gna bén on nimèrô, hin ?

Louwîs : bén oyî da, i gna on nimèrô sus l’calotte dèl tièsse da m’fré qui travâye ôs ch’mins d’fèr…

Djôzef : âââh ..!! èt li numéro qu’èst sus l’calotte dèl tièsse di t’fré qui travâye ôs ch’mins d’fèr, c’èst bén l’ nimèrô cénq, hin ?

Louwîs : bin oyî da, c’èst bén l’ nimèrô cénq,…dji sin qui dji m’ va tanawète béntôt k’mincî à m’énêrver…

Djôzef : ôôh,…ti sin qui ti vas tanawète béntot k’minci à t’énèrver…èt bén volà, dji t’èl va dîre,… ti sèrè sêzî ! (tot bas) Dj’à vêyu l’ome qui travâye ôs ch’mins d’fèr qu’a one calote dissus s’tièsse avou l’nimèrô chîche.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Tecses e walon Totes les eures sont a GMT + 2 eures
Potchî al pådje Di dvant  1, 2, 3, 4, 5, 6
Pådje 6 so 6

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group