Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Dimitri François

 
Sicrire on novea sudjet   Responde å sudjet    Djivêye des foroms di Berdelaedjes -> Tecses e walon
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 2738
Eplaeçmint: Sidi Smayil, Marok

PostDate: dju 21 nôv, 2019 20:15:40    Sudjet: Dimitri François Responde tot citant

Bondjou a tortos. Dju m'va c'mincè à scrire po « Li rantoele » en sondjant ku noss ami Lucyin vonrè bin mette à to les kon mu scridjadje .
Dj è keri pendant 15 djous su ku d'jallé scrire , po ku coula nu r'sanne nin a su ki su fait dja .
Eureka, djai trovu !! Dju m'su dit ku no avant un bè patrimoine et ku din stici, no avant dol chance d'aveure des bia djins .Bin sur , noss wallonie è oyu ses savants.
Donc , a to les kons, dju vonris vo duscrire one du ces bia djin afin kon nu rouviije nin kelles en sti lu firté de nosse wallonie .

Po mu prumi artik, dju va v'prézintè :

JEAN-BAPTISTE D'OMALIUS D'HALLOY (1783-1875)

Il asté lu créateûr dol géologie belge.

Il es studîè lu géologie do nord dul france et stampiè lu cârte géologique dol minme france, dol hollande è ko pat'avau .

Su géologue , dischind d' one vîi famile du d'Omal, din lu hesbaye et fi su djonesse ô chestia d'Halloy din lu Condoz . Il asté v'nu ô monde à Lidje et è sti à scole adé Haüy, fondateûr dol cristallographie ; du Brongnard, spécialiss dol paléontologie ; do zoologiste Lapécède ; do chimiss Fourcroy. Il è oyu ossi les conn'chances du lamark,cuvier è do naturaliss francais Geoffroy-saint-hilaire. To ces maisses là, estoimakinrent lu djonne homme du dijut ans .
Amoureux du grandes trottes dins les bwès è les tchamps, si bone po fè l'vude din s'tiesse, il studyî d'abonr les sols dol nord dul france et fi on scridjadje su lu géologie do su coin la .Il dévé , padzot l'époque napoléonienne, fère on cârte géologique dè to l'empire. Après bramint du voyadje , il est u fini s'travail en 1813. Su scridjadje sur la éoloie dol france , dol hollande et pat'avau es vu l'djou en 1822 . Bin ku l'chaule soyije basse, su scridjadje es oyu do succès .
J-B d'Omalius d4halloy duvint lu gouverneûr dol provinss du Nameur en 1816 es inventè lu code administratif.
S'astant raclon à Halloy, lu éolog, es mi su putite piesse ô travaux dol académie royale è offru à tol'monde ses scridjadje géologiques, mais su batto todi po fére avancè è dusfinde les thèses scientifik.
Il dusfinda donc lu paléontologie, insi ku lu transformissme du lamark , lu théorie dol lignyîe des espèces, è coula bin avant lu célèb Darwin . Il tchéri du clapante idées so les races indo-européennes.
D'Omalius d'Halloy es cheyu, aduzé po one congession cérébrale , è coula , ô bwards dol Senne , kan y f'jo one exporation géologik .
Il es cheyu moirt quék djou après .
Lu tiesse en pire du s(homme là su trouve asteûr à l'académi Royale et es sti fète par L.Harzé .

VOLA , a l'eûre où no miniss destrujant lu scole è les lucons d'histoire, no plan anut , rumet din les cervès , ke no avant u din nos pètite wallonie eco din noss pèti pay, du grande djins .

----
e rfondou dins l' Rantoele 92 (ivier 2019-2020)
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2738
Eplaeçmint: Sidi Smayil, Marok

PostDate: dju 21 nôv, 2019 20:16:31    Sudjet: Responde tot citant

LU BELDJIKE VEYUE PA LES DJINS ;

Voci on bokè du l'interview du Godfroid Lardennais (nom d'emprunt bin sur ki ponri zesse n'importe qui ) . Lu journaliss surit do « li rantoele «. Minme si coula è tournè d'one sonrte du comik, lu fond des respoinses è kan minme sonrti d'one majoritè dè idées des djins , on pon partou din lu wallonyi .

LR : Godefroid, asté-vo din lu politik ?
GL : Neni, mè dju sû coula to les djous et comme dju n'su nin biesse , dju ponri zesse on bon annaliss politik .

LR : ku sondjé-vo alors de nos deux miniss qu'en'allan à l'europe ??

GL : dju sondje ku cè triss du veye des djins su lancè din lu politik po juss one affére du sous è nin du vocâtion.

LR : è co ??

GL : ben après aveur fout lu zizanie din noss pay , i z'en'allant gangnè bramint d'pu . Fô to d'minme su rinde compte , ku coula fé d'pu kéke mwès , ku cè djins là , n'avin pu aucun pouvoir , mè ki s'accrotchint à leu plèce è mettint en place , dès décisions nin tot a fé légales . Lu pi du to coula , cè ku nolu à l'opposition nu rouspèté .

LR : de tote façon , lu gouvernemint fédéra, nè ni ko prêt du zesse en route ?

GL : mon dju !! neni savé !! kan dju vè k'on met du costè , les si kan gangné les élections po s'arrandjè ku les pierdants soyinje ko ô pouvoir afin du fér propspérè leu diktatur, coula duvint triss

LR : bin cu nè nin lu princip dul démocratie coula ?? su nè nin lu volontè do peup ??

GL : drouvè les ouyes m'fi ! Les élektion cè todi on affére du magouille savé !! on ronle les djins din lu farine , leu féjant crware ku onke o lonte è gangnè , alors ku cè lu contrére !!

LR : donc coula ne siève pu à rin d'en'allè votè ?

GL : néni , sauf po n'allè prinde on cafè amon germaine après lu devoir avu les copins .

LR : Deuzime question .

GL : eh m'fi !!! fô zè rallè à scole hin !! ca fè dudja lu utime question !! Di to vu on mètrank ou on pekè ??

LR : nenni, nenni !! du va piète lu fil du mè questions .

GL : ah wayi ...lu fil ... ahah

LR : sondjé-vo k'on zaurè on gouvernumint fédéra, assè vite ??

GL : tu vu rire bin sur ?? qué nenni hein , tol monde vu sa paur dol taute , mè nu vu rin layi ô aute . No r'irant ruvotè tu vièrè gamin !!

LR : ruvotè ?? è coula donrè kwè ?

GL : lu destruktion du to les parti k'on lume « traditionel » pour veye one montée des partis kom lu vlaams machin k'è dudja one branctche din lu wallonyi .

LR : Ah ? È vo , ku sondjé vo des nationaliss dol NVA ??

GL : bin , y m'fant rire !!

LR : rire ??

GL : Ayi hein, zesse nationaliss , cè zessse fon du su payi, è zè , y vlan compè lu payi à deux kom lu vu ossu les socialiss è coula duspu leu création en 1845 !! por mi , cè des fô natioanliss .

LR : è po lu gouvernumint wallon, k'è des nouvia , avu des vii ??

GL : on k'machadje to coula !! bin sur ki n'ya des novès din lu lot , simplumint psku din les pu vyi , y gnè des ci kan volu mette fin a leu carrière . Du tote fasson , les djonnes nan rin a dire , y d'vant chure les ordres des pu vyi , sinon hop .... à l'uche !!

LR : è vo , auryi -vo one solution po despètrouyè coula ?

GL : Ayi hin , bin sûr !! fô duvnu des confederaliss provinciô .

LR : kom lu NVA d'abonr ?

GL : Pffff tè rin compris , twè !! djè di « provincio »

LR : ca vu dire ??

GL : ku po sovè lu payi , fô fére kom les suisses en fè, ru-dènè lu pouvoir ô communes, ô provinss è pu rinde des comptes ô fédéra ki ,li, surè rustrint dol mitan du ses miniss .

LR : coulà nu plèrè nin à bramint

GL : bah cu nè nin grave , avu cu système, fini lu djeu des cheyere musicales , fini du fère dol politik po aveure les gros sous, fini d'aveure des lwès ki mettant mô les djins din lu misère sin saveur coumint y vikant . È pu ...

LR : è pu ??

GL : cà ponrè fér des économies en rutirant les doublons, les miniss, les députés et les admistrâtions sin utilitès en wallonyi , en flandre è ko à brussèl . Mè fô savère ku les djins sinmant bin inture les wallons è les flaminds !! n'gnè k'en politik , ki su disputint . Fô arrivè a dustrure su frontière linguistik ki no sépar .

LR : vlà one clapante idée , vo dvri z'en'alaè proposè coula .

GL : to ri, twè ?? djè on gross sope à cûre , mi .

LR : Bon !! dju m'arva al rédaktion po ruscrire to coula . Dju r'vérè surmint en janvier po one ôte interview, si vo vlé bin naturellmint ??


GL : Bin on vièrè bin , m'fi ! Laich'mu todi passè out des fiesses du fin d'année . Dju n'sè nin si dj'arrivrè à survikè al dine è al buche !!

LR : allè arveye Godfroid , a l'année kivint .

GL : Cè coula, a l'année kivint è bon noyé è bon novel an a to vos lecteûrs . (soupir ) dju krwè k'il irè lon su journaliss là, ahahah
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2738
Eplaeçmint: Sidi Smayil, Marok

PostDate: dju 21 nôv, 2019 20:30:33    Sudjet: Responde tot citant

Citåcion:
Dimitri François

Bondjou,

Après avère keri din bramin d'administrations , djè appris ki n"gn'avé jamais eu du circulaire po intérdit lu wallon a scole , coula sè fè insi.

Bin à vo

Merci bén pol racsegne. Mins, sorlon Djôzef Dokir, c' esteut diviè 1950. Les djins å telefone asteure n' è savè motoit rén.

----
Dj' a metou vos deus årtikes dins l' Rantoele 92. C' est on walon foirt interessant, ossu come mostrant l' accint d' Veskeveye (mins çoula ni s' vierè pus dins li rmetaedje e rfondou).

Interessant ossu po l' vocabulaire ki vos avoz rashonné, et po les noûmots k' on est oblidjîs d' prinde pask' i sont eternåcionås (paleyontolodjeye, transformisse).

Dj' a evoyî li papî politike a Pire Otdjåke, paski c' est fwait ene miete d' ene façon "belès-letes" [littéraire].
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2738
Eplaeçmint: Sidi Smayil, Marok

PostDate: mie 27 nôv, 2019 20:43:00    Sudjet: Responde tot citant

Ding, Dong !! Volà minut mwin dich et on sonne lu dèrin kon à mess .

« duspétchez vo « , oufflé mu grand-père en mu ratindan padri l'uche .

Dju metéve en vitesse mu paltot è m'bonnet avu on gros pompon e et dju li dné fièrmint lu mwins po z'enalè juska l'églije .

So l'voye , dju choté din lu nive , spitant su prop pantalon et lu lèchant sortu on djeron de timp à timp.

En moussan à l'eglije , dju r'chourbé mu gote o nez avu la mantche du m'paltot , ramassé on berlaf padri l'orye , pu mousséf dans lu keur do l'églije .

Tot au long dol messe, dju chouté lu curè qui fjé su discours , tot en rêvan do plaiji ku dj'auro en sonrtan.

En effet , al fin dol messe , on aveuf l'habitude du souhaitè « joyeux noyè « à torto avan du rudchinde al maujon .

OH , po rudchinde , djasté on gentile gamin, car dju nu vlé nin ratè lu rintréye al maujon !!!

En effet , mu grand-mére aveu r'netchè tote lu maujon é avé mi en route les lumiéres do sapin qui fjin des clignètes de totes les coleûrs .

Il asté fward taurdi, djasté hote, mais dju ratindé avu impatienss lu venue do neure boudin tchon avu on pon du compote du peume .

Après coula , hop, il asté timp d'en n'aller su coutchè !!


O final , s'asteut assè simp comme sisse du noyè , mè por mi ,s'asté MU MAGIE DU NOYE !!
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2738
Eplaeçmint: Sidi Smayil, Marok

PostDate: mie 27 nôv, 2019 21:28:20    Sudjet: Responde tot citant

COMME DIN L'TIMP,


Dju su co djone din mu tiesse, mais mu cwar è kan minme on dumi sièk

Din nos'Ardenne , din ses putit viadje , on viké co a lu façon du din l'timp.

Voci , kan on asté gamin, coumint s'kon viké .


A c'timp là, o n chouté dja les parints, sin kwè on avé one berlaff padri l'orye .

A c'timp là, on n'fejo nin lu malin à to saveur , on nu plé nin intrè din les discusion dè grandes djins sauf po rusponde à one question

A c'timp là , on dvé scrire à lu dreute moin sinon on n'avé on kon d'latte so les dwès.

A c'timp là, on nu plé nin mette les keudes so la taule

A c'timp là, on nu plé nin cosè lu wallon à scole

A c'timp là, on nu fjé la fiesse k'on kon par an , lu WE dol fiesse do viadje

A c'timp là , on n'alé co dire lu bonne aneye amon lu curè

A c'timp là , on n'avé po du télévison , on djoué o cwates dol sisse, u bin on r' wéter les flammes dol stuffe en choutant lu wallonè l'accordéon al radio locale .

A c'timp là, on z'avé su ku saint-nicolas volé bin no appwartu

A c'timp là, on su lavé co din one cuvelle du zinc .

A c'timp là , on dvé donu on kon d'mwin o parints è grand-parint

A c(timp là, on dvé mostru do respect è dol politiess o djins è surtout o djins pu vîi ku li


Anut, kan dju vè to les djones aveur to lu confort sin s'tracassè, breyant è wiclant kan y n'ont nin su ki vlan , dju m'di ku minme si no avan eu one djonesse comme din l'timps, no avan appris à viker et po coula ,


Dju rumercie bramint des kon mu famile , du m'aveur apprius les valeûr dol vyi .


DIMITRI FRANCWES.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2738
Eplaeçmint: Sidi Smayil, Marok

PostDate: lon 09 dec, 2019 17:49:39    Sudjet: Responde tot citant

MU BELE PROVINSS,


Dju d'meure din one provinss

Ki deu zesse one des pu p'tite

Partout dgnè des cinses

E des tchvaux qui pitent


N'y nès wère du djin ô kilomète carrè

Ainsi on nè quitte du su r'gougnè .

Mu provinns ès tote vette

Des bwès è des pachys

Des paysadjes ki s'piète

Pad'zeu les bies


Mu provinsse astot si belle

Avu ses singlés al pelle

Ses bès ciers

Ki en automne estant à l'envier


Mu provinss si vette l'ustè

Duvin , l'ivier , si blanke

Ku si dju dvé an'allait

Du lèye dju s'ri en manque .


Aye mu provinss è si tenne

Mais dji su heureux

Djè s'rais todi amoureux

Du m'belle Ardenne
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2738
Eplaeçmint: Sidi Smayil, Marok

PostDate: lon 25 may, 2020 16:43:49    Sudjet: Responde tot citant

ESSPLICÂTION:

Anut , on m'duminde sovint poqwès djè des grandres oreyes .

Coula è fwart simp a comprinre !!

Djasté one èfant terrib dja rammassé sovint one padri l'oreye .

One qwè ??

One tchaffe, one pètée , one berlaffe !!

Al fin , mè oreyes en volu ravancè ad'dé m'nè !!
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Tecses e walon Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci



[ Di dvant | Shuvant | A l' astcheyance | Djivêye ]

Cisse pådje est mimbe di l' anea RingSurf des waibes e walon.

[ Passer 1 waibe en erî | Passer houte do shuvant | Les 5 shuvants ]


Powered by phpBB © 2001 phpBB Group