Pablo Saratxaga Site Admin
Date d' arivêye: 2005-07-01 Messaedjes: 1156 Eplaeçmint: Oûpêye
|
Date: dim 04 awo, 2019 12:11:53 Sudjet: adroet / asdroet |
|
|
Dins E212 (E21, E165,... dins l' levant årdinwès) ont fwait l' diferince etur "adroet" (adrèt, adrèt', adrette), ki sait bén fé ene sacwè, ki sait bén ovrer d' ses mwins; eyet "asdroet" (asdreu, asdreût), k' est dins si bon droet (motoit aclapaedje d' ene ratourneure "a s' droet"?, ou minme betchete ki dins "asgur".
Èn fåreut i nén fé l' minme e rfondou ?
Dins O4, C8 i gn a djusse li cogne "adroet" avou djusse li prumî sinse.
Dins S0 ossu djusse li cogne sins "s", mins deus intrêyes, adroet, adroete prumî sinse;
eyet advierbire "d' adroet" deujhinme sinse.
Dins E34 eto on fwait l' diferince etur "adjèt" (adroet addj.) eyet d' adreût, a l' adreût.
Dins l' DTW i gn a ossu on sustantif, eployî dins en advierbire "a l' adroet", tot djusse å dzeur di (l' avion est a l' adroet d' leglijhe); ki m' shonne raloyî a l' advierbire "d' a(s)droet", mins nén a l' addjectif adroet, adroete.
Dins kés motîs on trove "a l' adroet" ?
Dji pinse k' i fåreut dispårti ces deus mots la; minme si leu cogne est l' minme, c' est nén deus sinses d' on minme mot, mins deus mots diferins.
I fåreut rwaitî dins les motîs po dispårti les disfondowes |
|