Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

molete / moulete (diferins mots)

 
Sicrire on novea sudjet   Responde å sudjet    Djivêye des foroms di Berdelaedjes -> Rifondaedje
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 3647
Eplaeçmint: Sidi Smayil, Marok

MessaedjeDate: dju 15 awo, 2019 20:29:38    Sudjet: molete / moulete (diferins mots) Responde tot citant

Po li stoumak vraiy des roemiants: rifonde avou -ou- ca gn aveut U (mule, mulette) dins l' minme mot e vî lingaedje d' oyi => moulete

po les tournantès rowes des belfleurs, etimolodjicmint, c' est on parint di "mieule". Ké voyale prinde (O u OU), veyanmint ki:
* li parintêye di mots avou l' voyale -eu- 'keur" (cour) si fwait avou -o- (miercorin, corin-veye, recorinner, mins c' est tos noûmots). + bodje A di "dimorer, plorer) ki l' bodje B est avou -EU- (dji dmeure, dji pleure).
* li bodje B di moure (i doet gn aveur del parintêye) si fwait avou -O- (molaedje...)
* totes les disfondowes ont l' air d' esse avou "OU" (E203 po on ptit molén a broyî; O104 po les moletes des belfleurs) => + lådje oyowe
* li mot francès est avou -O-. Li tchuze do OU pôreut esse waiteye come sorwalonde.

Dji rfond todi molete mins dji so presse a candjî d' idêye.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1147
Eplaeçmint: Oûpêye

MessaedjeDate: lon 02 set, 2019 21:05:16    Sudjet: Responde tot citant

oufti, ça vénreut d' molén/moure ?!

asteure ki vos l' dijhoz, oyi, dji voet bén l' loyén.
ene molete (d' ene clé a molete) rishonne bén å pezant rôlea (pa côps avou des stritchaedjes a môde di visse po poûssî foû çou k' est molou) ki rôle sol toû del mieule di coûtchî dins des sistinmes di molaedje k' i gn a.

Dins l' DTW i gn a deus sinses, onk des houyires, et onk des moléns.
Est çki dins les motîs levantreces c' est les deus sinses, ou seulmint l' ci des hoyires ?

si c' est l' deujhinme cas, motoit bén ki l' mot a vnou do levant, avou si accint "ou"; adon li rfondaedje divreut esse avou "o" (rîle O/OU).

si l' sinse prumioûle si trove dins les vîs motîs levantreces (dji tuze å E203) avou "ou", adon ostant l' wårder avou "ou".

Po l' sinse prumioûle i gn a des sinonimes broyete, broyoe,
pol sinse di ptite sacwè ki toûne, po les soris d' copiutrece on eploye "rôlete" la ki l' francès a "molette" (et c' est pus lodjike asteure ki vos dnez l' etimolodjeye; ene "mo(u)lete" toûne so èn aessi, mins si portoû, lu, a môde di visse d' archimede, po poûssî sol costé (on l' voet bén dins ene clé a mo(u)lete, c' est nén l' minme ki l' rôlete d' ene sori a rôlete) (a, mins e francès on l' pôreut vey come ki l' idêye di displaeçmint sol costé si fwait sol waitroûle...)
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1147
Eplaeçmint: Oûpêye

MessaedjeDate: lon 02 set, 2019 21:16:26    Sudjet: Responde tot citant

Do côp dj' a stî vey dins E203; eyet ça n' dit seulmint d' aler vey a "broyoe"... do côp c' est bén l' sinse prumioûle, mins ça n' shonne nén on mot corant la k' i n' mete ni definixha ni egzimpe.

Si pus, dins E203 i gn a eto "moûnî" la k' e rfondou c' est "mônî".


Dji pinse ki l' seu eployaedje ki sreut co vicant enute po ç' mot la c' est pol sinse eployî dins "clé a mo(u)lete"; est çk' on trove åk dins les franwals ?


(espontanêymint dji l' sicrireut avou "o" eto, mins cåze do francès, et dvant d' saveur si etimolodjeye)
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Rifondaedje Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group