Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Tempre

 
Sicrire on novea sudjet   Responde å sudjet    Djivêye des foroms di Berdelaedjes -> Dimandes di mots
Vey sudjet di dvant :: Vey sudjet shuvant  
Oteur Messaedje
Èl-Gueuye-Noere



Date d' arivêye: 2019-05-13
Messaedjes: 184
Eplaeçmint: Tchålerwè

MessaedjeDate: mår 10 set, 2019 10:02:50    Sudjet: Tempre Responde tot citant

Bondjoû tèrtou, Smile

Dj' aveut trové on vî mot walon, "Tempre" dins on årtike, d' on live ki si lome "Histoire des langues et histoire des représentations linguistiques". Mins néren, èç mot n' est nén dins li DTW ey sol Wiccionaire. Sad

Sorlon les oteurs dål årtike, èl mot "Tempre" vént dål spagnole "Temprano".

Dj' a ddja rcweri èl mot so WordReference (on waibe motî padzeu) :
https://www.wordreference.com/esfr/temprano
_________________
El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns.
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: sem 14 set, 2019 12:29:01    Sudjet: Re: Tempre Responde tot citant

C' est motoit bén on vî vî scrijhaedje po "timpe"

https://wa.wiktionary.org/wiki/timpe#Walon_1
http://chanae.walon.org/lh/wa/dic/index.php?id=20285
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: sem 14 set, 2019 12:36:47    Sudjet: Responde tot citant

Dji n' so nén seur k' i vegne do castiyan, la ki l' mot est eployî tot avå (dj' ô bén, ossu ezès plaeces ki ls espagnols n' î ont måy sitî).

Mins c' est seur ki "timpe" (et ç' famile, timprou, timpreus,...) eyet l' castiyan "temprano" vinèt do minme mot latén (ki n' voleut nén dire timpe/toit mins purade "a tins"; c' est l' minme bodje ki, avou ene betchete con- a dné contimporin (k' est do minme tins))
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Èl-Gueuye-Noere



Date d' arivêye: 2019-05-13
Messaedjes: 184
Eplaeçmint: Tchålerwè

MessaedjeDate: mår 17 set, 2019 14:14:49    Sudjet: Responde tot citant

Dj' a rovyî d' escrire ki "Tempre" est on vî mot ki date des Bas Payis espagnols. Smile

Mins néren, dji vs croereu bén k' èç mot ni vént nén do castiyan pask' is gn' avént brånmint di lingaedjes ki estént djåzés pindant les Bas Payis espagnols.

Do côp, "Tempre" vénreut di ké lingaedje ? Question
_________________
El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns.
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: mie 18 set, 2019 0:29:29    Sudjet: Responde tot citant

Por mi "tempre" c' est on vî scrijhaedje do walon "timpe" (ou motoit on sfwait mot e picård?);

Et i pôrèt bén vni direk do latén; i gn a-st ine famile (timprou, timpreus,...)

S' i vénreut do castiyan "temprano", comint espliker li piete des deus dierinès sillabes (ene di zeles estant li sillabe d' accint do mot) ?
Ça s' pôreut, mins dji nel voet nén ossu evidint k' ça.

Çou k' est evidint, ça oyi, c' est k' les deus mots (walon "timpe" eyet castiyan "temprano") s raloyèt a on minme mot latén (soeye-t i k' i vnexhe tos les deus direk do mot latén, soeye-t i k' onk est èn epront di l' ôte)
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mår 24 set, 2019 9:36:18    Sudjet: Responde tot citant

Por mi, c' est on mot do francès des Bas Payis espagnols, la k' les djins (di Flande et d' Brussele, la k' les Espagnols estént) les oyént tofer dire "temprano". Mins aveut ladvins sacwants Walons u Flaminds des limotches k' avént l' walon "timpe" dins leus orayes. Did la, li racourtixhaedje d' onk u deus pî.

(Notez k' on n' såreut dire si ça s' prononcive /tanp/ /tinp/ /tan.prë/ u /tin.prë/)

Les rcwereus, ki n' acontèt waire li walon, l' ont metou come mot walon skepyî e 17inme sieke, çou ki n' va waire avou on mot foirt corant come çoula.

Ene ôte dinêye: li Basse Årdene n' eploye nén "timpe", mins "yeure"; li Hôte Årdene "toit" (twè, twa = fr. tôt). Li Basse Årdene esteut Bas Payis espagnols, mins avou waire di djins di ç' payis la.

Dji loucrè s' il et dins l' live Herbillon sol walon des Bas Payis espagnols (ki dit a pô près çouci: gn a nén ene dijhinne di mots walons k' ont vnou d' l' espagnol).

Vo-z è cial sacwants.

https://wa.wiktionary.org/wiki/Categoreye:Mots_do_walon_vinant_d%27_l%27_espagnol

et co cial:

https://wa.wiktionary.org/wiki/Categoreye:Calcaedjes_di_l%27_espagnol_e_walon

Dins l' live Herbillon, gn a, di ç' lisse cial, ki "amigo" et "caracole".

Po des mots come "dispierter", "gorder", "ambedeus" k' egzistèt e walon ey e castiyan, mins nén e francès, bén sûti ki direut s' il ont moussî avou ls Espagnols u vinou a pî do latén. Elzès fåreut rtrover dins les tecses walons di dvant 1700 (end a k' ene pougneye) u dins li scrîta po poleur dire k' i vegnnut direk do latén.

So li scrîta:

Po n' nén prinde pôzucion sol voye (latén u espagnol), loukîz kimint çki dji tire mi plan dins "gorder"

https://wa.wiktionary.org/wiki/gorder
https://wa.wikipedia.org/wiki/V%C3%AE_walon
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Dimandes di mots Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group