Pablo Saratxaga Site Admin
Date d' arivêye: 2005-07-01 Messaedjes: 1158 Eplaeçmint: Oûpêye
|
Date: lon 02 set, 2019 20:28:30 Sudjet: Re: (verbe) défectif |
|
|
lucyin scrijha: |
d(i)fåtiveus. |
Li loyén avou "fåte" s' a pierdou; l' idêye c' est purade k' a des "mankes", des trôs, nén totes les cognes di codjowaedje.
Adon fé on noûmot sol mot modiene "fåte" ni va nén (mi dj' åreu purade compris çoula come on viebe "pedjoratif" veyoz, on viebe po dire ki l' accion est må fwaite, come sovint les cis fwait avou l' cawete -oter (vicoter, clawoter,...)
C'' est on mot ki s' trove avou l' minme cogne eyet l' minme sinse dins l' motlî del croejhete di tos les romans lingaedjes (et minme les tîxhons); ostant l' wårder : defectif
Si vormint vos vôrîz fé on noûmot, adon ça dvreut esse onk ki definixh cisse cwålité la: aveur des trôs dins on tåvlea complet di totes les cognes di fleccion (pask' i n' a nén ki l' codjowaedje, dji supôze ki les lingaedjes a declinåjhons polèt averu des mots ki sont defectifs, la k' i n' egzistèt nén po sacwants cas), et ki s' pout comprinde do côp.
E burton c' est "diglok", nén complet; e gayel irlandès "uireasach", k' a des mankes. |
|