lucyin
Date d' arivêye: 2005-07-07 Messaedjes: 3678 Eplaeçmint: Sidi Smayil, Marok
|
Date: vén 13 dec, 2019 20:59:43 Sudjet: Victor Chardome |
|
|
L’Ardène.
So l’êr du « La Montagne » da Jean Ferrat, sicrît pa Victor Chardomme.
Is kitint tortos leû pa.ïs
Rin k’po n-nalè gangnè leû vîe,
Lon do viadje d’oû ç’ k’i sont nés
Is-è rêvint duspon.y lontins
Dol vile èt du sès-amus’mints,
Do cinéma èt dès pépés.
Lès vîs dumorint la, dins leûs vîs murs
Leû vîe avèt tèl’mint stî dure
K’is bèrlokint du tos lès costès,
Mês is savint co racontè
Dès flôwes èt tchantè on bokè
An èstant fîrs d’èsse dès Ardènès.
Rufin
Vrêmint, comme nost’Ardène est tchonde
Comint pout-on s’imajinè
An vèyant passè lès-arondes
K’on va ruvèy lès fouyes tumè.
Avou on r’cèpe èt dès cougnès,
Is-abatint tchin.nes èt on.nês
An n’s’arètant nin trop sovint;
K’importe lès djoûs èt lès-anèyes,
Is-vaint tortos leûs-idéyes,
Tchèstus come sont tos lès Borkins.
Lès Borkins, c’èst dès-Ardènès
Vos n’ponroz jamês l’aspêtchè,
Leu tchèsse èst dure come tos les sapins
Mês leû keûr èst come lès gaviê,
Drovu po polu z-î intrè,
Ou donè a tortos ç’k’i gna d’dins.
Rufrin
Deûs gates, on bok èt kékes motons
Du l’anéye, is vèyint l’coron,
Jamês d’vacances ni d’sonrtîes,
Lès-èfants vlint n.nalè ô bal,
I fôt bin dîre ku c’èst normal,
Min.me si is dvint gangnè leû vîe.
Leû vîe, is srant facteûrs ou machinisses,
Du kwè dmorè come dès minisses,
A ratindant l’eûre dol rutrête.
I fôt z-èsse fiér’ du çu k’on èst,
Surtout si on-èst Ardènès,
Vos liréz ça dins lès gazètes.
Rufrin
Victor Chardome
Sint-Ûbêrt.
dins Coutcouloudjoû 131 ? _________________ Li ci ki n' a k' on toû n' vike k' on djoû. |
|