|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
lucyin
Date d' arivêye: 2005-07-07 Messaedjes: 3661 Eplaeçmint: Sidi Smayil, Marok
|
Date: vén 13 dec, 2019 21:05:24 Sudjet: Emile Pecheur |
|
|
Mimile èt Arthur lès racontat bin ossi.
Da Mimile Pêcheur :
Dispute du vî mariyès.
-Vos n'avez nin dandjî du rîre du mi, si dj'avè volu, dj'aurè bin u mî k' vos
... dj'ènn-ê u dès omes a mes pîds !
- Dju vou bin crwâre, z'èstî martchande du solè.
Da Artur Schmitz :
Des gamins rwètans one nwace qui mousse foû
d' l'èglîje. Li djône marié est l' prèmî avou sa djône fame pindu a s' brès,
sûju pas tote la nwace. Gn-è on gamin qui dit ås ôtes : "Dji va lî djouer
on lêd toûr".
I court addé l' marié, èt lî dit : "Bondjour papa" ! _________________ Li ci ki n' a k' on toû n' vike k' on djoû. |
|
Rivni al copete |
|
|
lucyin
Date d' arivêye: 2005-07-07 Messaedjes: 3661 Eplaeçmint: Sidi Smayil, Marok
|
Date: vén 13 dec, 2019 21:07:43 Sudjet: |
|
|
Rimas du d' dins l' timps, pa Emile Pecheur
Roulèr a gautche.
A l' libéracion, ô mwès d' sètambe 1944, dès Borkins sont voyes avou lès Anglès èt lès Amèrikins.
Lu prumî groupe a stî dins lès brigades d'Irlande. Lu deuzime groupe, dj'èstins dîj-ût, après nosse instrucsion du fantassin an Bèljike, dj'ons stî aprinde a minèr lès camions du trwas tones an Angletère a Dodington Camp, addé Liverpool. Pus dj'ons rut'chindus intur Bristol èt Stonehenge o Codford Camp.
C'èstèt lu 1033ime compagnîe C.T.Au. ratatchèye o 12ime Corps d'Arméye Montgomery.
Dès-ontes Borkins, k'avint d'dja stî sondards avant carante, èstint voyes avou l' brigade Piron ou bin avou l' Sé.Di.Char. (Service Distribution Charbon - rien a voir avec les blindés).
On djoû d'pèrmission, o "Grand Cerf", amon Châles, dj'èstins a trwas cate a cauzer avou Twin.ne su pére èstèt pouri ritche, mês li, il avèt u on côp d' martê d' trop (était un peu simple).
Dju lî racontins nosse vicâdje an Angletère : lu thé a cink eûres po tortos, lès cigarètes Navy Cut, ku dj'avins po rin, nosse vîe dins lès camps d'Anglès èt d'Amèrikins... èt cand dju lî ons dit ku vola on d'vèt roulèr a gautche, i n'è ruv'nèt nin.
Cand dj'ons stî dèmobilizès, dj'aprindans ku Twin.ne avèt ach'tè one auto, èt k'i s'è tirè fwârt bin po minèr. I faut dîre ku, a ç' momint la, gn-avèt co wêre d'auto so lès routes.
Dju l'avins r'trovu amon Châles o "Grand Cerf". Il in.mèt bin du cauzèr avou nos èt du brid'abatuwe, i nos dit : "Dj'ê r'sondjè a ç' ku vos m'avîz racontè so l'Angletère.
Dju n'irê jamês vola an auto da mi ! Roulèr a gautche ! Dj'ê stî sayèr l'onte djoû, so l' grand route intur Mautche èt Tchimpion... Jamês pus ! C'èst tos toûr po s' touwèr ça" ! _________________ Li ci ki n' a k' on toû n' vike k' on djoû. |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|