Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Willy Leroy

 
Sicrire on novea sudjet   Responde å sudjet    Djivêye des foroms di Berdelaedjes -> Tecses e walon
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 2718
Eplaeçmint: Sidi Smayil, Marok

PostDate: vén 13 dec, 2019 21:06:54    Sudjet: Willy Leroy Responde tot citant

Rècitåcions walones, 17ime concoûrs provincial :
Lès cwarbôs èt lu r'nod
mètu an walon pa Willy Leroy d'après A. Collard


A djok bin hôt dins lès brantches d'on-ôbe
On vî cwarbô a costè d' sa cwarbote
Tènèt dins s' bètch on gros fromadje poûri.
V'la qu'on r'nôd rintrant dol marôde
Qu'avèt fêt bèrdouye dins lès bwès do Leûpont,
Node lu fromadje d'ô lon.

Èh bin, di-st i, ô mwins dins ma misére
V'la ok qui teume bin.
C'èst dins lès bones afinres
Qu'i fôt èsse malin.

Bin l' bondjou pére cwarbô, di-st i l' voleur dè pouyes,
V'z-onz one si bèle vwas, one si grande fwin ossu,
Qu'on put dère, a mwins d'èsse one andouye,
Què v' tchantez tot si bin què Bêzu.

Cwè-ç' qu'i dit ? d'mande lu cwarbô, tot an lêchant teumè l' fromadje.
I dit qu' t'ès one grosse bièsse, rèspond la mére cwarbô,
Wête lu qui s' fout d' twa èt qui fout l' camp
Avu l' puant qu' t'è lêchî teumè a l' tère.
Tè pus todi t' breûstè si tè vus n-alè l' rèkèr.

One bèle vwas, one bèle vwas,
Croak, croak, lêche mu rîre.
Si tè t' crwâs malin avu ta vwas,
Djè vê dja dè d'ci ç' qu'on va dîre :
Si tè n'è qu' ça po maûsè l' canton
Tè pus bin prinde dès l'çons.

Tè m' dèsgouste avu tes pourcèl'rîes
po atrapè totes sörtes dè maladîyes :
La gale, la vèrole û l' cholèra
La hiquète, lu cancêr û l' sida.

Si ô mwins, ô momint d' mougnè
Si tè pèrnès on fromadje bin frès
Ou on bon camambèrt,
On dîrît qu' t'è do flêr.

Mês non, l' bètch da mossieû, c'èst po do gâtè
A ç' rèjime la, on bê djoû, tè claqu'rès,
Èt tè n' viqu'rès nin dîj ans, djè t' lu promèts.
Tins, rwête vola, c'èst bin come djè sondjè :
Tè vês l' voleûr stindu dins la mos'rê,
Èh bin, m' fi, lu r'nôd... il èst crèvè.

---------------------
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Tecses e walon Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci



[ Di dvant | Shuvant | A l' astcheyance | Djivêye ]

Cisse pådje est mimbe di l' anea RingSurf des waibes e walon.

[ Passer 1 waibe en erî | Passer houte do shuvant | Les 5 shuvants ]


Powered by phpBB © 2001 phpBB Group