Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

pont di

 
Sicrire on novea sudjet   Responde å sudjet    Djivêye des foroms di Berdelaedjes -> Dimandes di mots
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 2768
Eplaeçmint: Sidi Smayil, Marok

PostDate: vén 24 dja, 2020 21:16:24    Sudjet: pont di Responde tot citant

Messaedje so Wikipedia

L' adviebe di noyaedje pont va TODI avou di (=fr pas de).

https://wa.wiktionary.org/wiki/pont#Adviebe

Ôtrumint, c' est nén: => i gn a pont di steward: iva; mins i gn' a °pont brånmint d' lijheus => i gn' a nén brånmint des lijheus.

Citåcion:
Gueuye-Noere

Mins dj' a ene kestion po "pont di". "Pont di" ey "endè...pont" sont-ils des sinonimes, obén ils ont tchaeke on speciå uzaedje ?


pont di est shuvou d' on sustantif (nén contåve u pluriyal) = fr. pas de
Dji n' a pont d' boure el måjhon; dji n' a pont d' bire a vs ofri.
Dji n' a pont d' liårds sor mi.
I gn aveut pont d' muzicyin(s) dins l' binde. (après "pont di", sovint uzaedje do pluriyal).
endè…pont, c' est cwand on replaece ci sustantif la pa endè (fr. en) (a Tchålerwè: d', po dd) pask' on vént del dire djusse divant.
Vos pruster ene sacwè ? Nonna, des liårds, dj' end a pont sor mi. (Tchålerwè: djè dd é pont sur mi, sovint scrît: djè d' é pont (a-z aveuri))
On åreut bén volou djouwer on boket, mins des muzicyins, end aveut pont dins l' assimblêye. (Tchålerwè: i dd aveut pont sovint scrît: i d' aveut pont (a-z aveuri))
Notez ki ci mot la n' esteut nén siervou e payis d' Lidje e 20inme sieke. Zels, il årént dit, po les fråzes di dvant:
Dji n' a nén do boure el måjhon; dji n' a nole bire a vs ofri.
Dji n' a nole çanse sor mi; u: dji n' a nén des çanses sor mi.
I n' aveut nou muzicyin dins l' binde.
Vos pruster ene sacwè ? Nonna, des çanses, dj' end a nén.
On åreut bén volou djouwer on boket, mins des muzicyins, end aveut nouk dins l' assimblêye.

https://wa.wiktionary.org/wiki/end%C3%A8%E2%80%A6pont
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Dimandes di mots Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group