Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

[FR] Porte-parole
Potchî al pådje 1, 2  Shuvant
 
Sicrire on novea sudjet   Responde å sudjet    Djivêye des foroms di Berdelaedjes -> Dimandes di mots
Vey sudjet di dvant :: Vey sudjet shuvant  
Oteur Messaedje
Èl-Gueuye-Noere



Date d' arivêye: 2019-05-13
Messaedjes: 184
Eplaeçmint: Tchålerwè

MessaedjeDate: mår 18 fev, 2020 0:55:53    Sudjet: [FR] Porte-parole Responde tot citant

Bondjoû tertos,

Djè scrit on årtike so Raoul Hedebouw sol Wikipedia. Mins nérén, djè n' sé nén cmint dire "porte-parole" e walon. Ç' est pocwè djè vos boute ene propôzucion :
- Spikeur (o.) // Spikeure (f.)
Vinant d' èl mo inglès : speaker.

Keski vos e pinsez ? Wink

Dank po voste aidaedje. Very Happy
_________________
El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns.
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
Èl-Gueuye-Noere



Date d' arivêye: 2019-05-13
Messaedjes: 184
Eplaeçmint: Tchålerwè

MessaedjeDate: mår 18 fev, 2020 1:07:44    Sudjet: Responde tot citant

P.S. :

Djè sai ki "porte-parole" en inglès, n' si dit nén "speaker" Wink : https://www.wordreference.com/fren/porte-parole

Mins po on calcaedje del inglès, il est ene mitan pus åjhey di s' raspoyî so "speaker" ki so "spokesperson" obén "representative". Wink
_________________
El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns.
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
Reptilien



Date d' arivêye: 2017-07-01
Messaedjes: 263

MessaedjeDate: vén 21 fev, 2020 21:52:56    Sudjet: Responde tot citant

Pocwè on calcaedje di l' inglès, adon k' on-z a ddja : poite-bagaedje, poite-bouneur, poite-drapea, poite-manoye, poite-plome, poite-vwès,... adon pocwè nén poite-parole u co messaedjî ?
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
Èl-Gueuye-Noere



Date d' arivêye: 2019-05-13
Messaedjes: 184
Eplaeçmint: Tchålerwè

MessaedjeDate: sem 22 fev, 2020 21:01:39    Sudjet: Responde tot citant

Dj' a tchoezî 'l calcaedje di l' inglès (spikeur), pask' en inglès "speak" (do côp, dins 'm propôzucion : speak => spik) vout dire "cåzer" eyet cwand vos rwaitîz on spikeur, vos veyoz d' aboird on djin ki djåze å no d' es eterprijhe/organizåcion/... Very Happy

Èl cawete "-eur" po dire ki fwait l' accion. On "spikeur" est on djin ki djåze ([EN] To speak). Wink Mins, po 'l cawete djè so, asteure, ene mitan moens seur k' "-eur" vout dire çoula. Question

Mins nerén, dji trove ki "messaedjî" est ene boune idêye, contråvmint a "poite-parole". Pask' e francès (eyet motoit e walon eto, i fåt ki djè verifeye), on poite nén vraiymint ene "parole". Åré si vos pretchîz
https://dictionnaire.reverso.net/francais-synonymes/porter+la+parole
_________________
El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns.
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
Reptilien



Date d' arivêye: 2017-07-01
Messaedjes: 263

MessaedjeDate: dim 23 fev, 2020 10:17:38    Sudjet: Responde tot citant

Èl-Gueuye-Noere scrijha:
on poite nén vraiymint ene "parole"


Imådjreçmint bén seur, come on « poite-vwès » et « poite-bouneur», acertinés ezès motis, ni poitnut nén ene vwès ni on bouneur.

I n' fåt nén prinde les ratourneures mot a mot (å pî del lete).

Dji n' comprin todi nén pocwè on calcaedje di l' inglès. On mot bén da nozôtes sereut bén pus plaijhant. On poreut eployî l' viebe spåde (come spårdeu) : on spårdeu d' parole, u d' messaedje (ça soune ene miete rillidjeus),... u co avou l' viebe cåzer u djåzer : on cåze-po-ds-ôtes,...
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
Èl-Gueuye-Noere



Date d' arivêye: 2019-05-13
Messaedjes: 184
Eplaeçmint: Tchålerwè

MessaedjeDate: lon 24 fev, 2020 19:09:04    Sudjet: Responde tot citant

Djè comprind ki tos les ratourneures n' doevnut nén oblidjeymint esse å pî del lete. Wink D' ayeur, "spikeur" est lon d' esse ene mot a mot ratourneure. Very Happy

Po dire li veur, kesk' i vos n' comprindoz nén avou 'l calcaedje di l' inglès ?
C' est 'l pocwè ki dj' aveu tchoezî on calcaedje di l' inglès eyet nén d' on ôte lingaedje ? U c' est ôte tchôze ? Question
_________________
El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns.
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
Reptilien



Date d' arivêye: 2017-07-01
Messaedjes: 263

MessaedjeDate: mår 25 fev, 2020 23:15:52    Sudjet: Responde tot citant

C' est bén çoula, dji n' comprin nén pocwè atåvler on noûmot ki s' aspoye so on mot inglès po ratourner e walon on mot ki vént do francès (vosse prumî message dit bén « cmint dire "porte-parole" e walon », nén « cmint dire "spokesperson" e walon »).

Si to speak e-n inglès, parler e francès, si ratoûne sins målåjhîsté djåzer u cåzer e walon, sayîz aprume d' atåvler on noûmot basti avou onk di ces mots la, k' on walon natif poreut comprinde.

Si vos m' dijhoz poite-parole, dji vos comprin sins rujhe ; si vos m' dijhoz messaedjî dji vos comprin sins rujhe ; si vos m' dijhoz : c' est l' djåze-po-ds-ôtes del Rantoele, çou n'est nén foirt bea mins dji comprin çou k' vos vloz m' dire ; si vos m' dijhoz : c' est l' cåzeu del Rantoele, iva por mi, dji vos comprin ene miete. Asteur si vos m' dijhoz c' est li spikeu(*) del Rantoele... dji vos dmande tot biesse : c' est cwè on spikeu ?

Dji n' a nén co rwaitî ezès motîs si ''poite-parole'' egzistêye dedja.

Ene ôte idêye ki spikeu a-z atåvler ?

(*) sins r come tchanteu, roteu,...
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
Èl-Gueuye-Noere



Date d' arivêye: 2019-05-13
Messaedjes: 184
Eplaeçmint: Tchålerwè

MessaedjeDate: dju 27 fev, 2020 23:40:44    Sudjet: Responde tot citant

Dj' a reflechi eyet dji pinse k' on pout askepyî on aparinté noûmot s' schåyant d' "messaedjî" => "messaedjeu". Bén seur, e 'l cas wice 'l cawete "-eu" pout daler avou 'l bodje "messaedj-" ? Question

"Messaedjeu" n' egziste nén core (obén il egziste mins il est nén dins l' DTW, ni dins 'l Wiccionaire). Wink

On pout eto, si vos vloz, askepyî on aparinté d' cåzeu/djåzeu, ledjirmint moens lon ki *cåzeu/djåzeu-po-ds-ôtes. Wink

Ké novele rwaitant "poite-parole" ? Question
_________________
El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns.
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mie 08 avr, 2020 17:02:04    Sudjet: Responde tot citant

messaedjeu mi shonne on bon trova; on l' pout spåde sol Wikipedia a costé do calcaedje setch "poite-parole".

Po "spikeur", gn a ddja 3 calcaedjes di l' inglès avou ç' bodje la: spitch, spiker et spicrene (al radio); li prumî a passé dins les motîs, les deus ôtes coranmint dins l' walon d' tos les djoûs (spikêr, spicrine).

Li cawete -eur n' est prijhe, disk' asteure, ki po des calcaedjes setchs do francès:
* mestîs (indjenieur, docteur, facteur); li femrin est avou -oresse (doctoresse, factoresse, indjenioresse)
* machines (tracteur)

Tén, po fé pus modiene, et mete del varyisté dins les cawetes, pocwè nén "messaedjisse" (come fotbalisse). Po les instrumints d' muzike, li cawete -eu est rabaxhante (violoneu < violonisse).

On "messaedjeu" pôreut esse onk ki dit des boignes messaedjes.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Èl-Gueuye-Noere



Date d' arivêye: 2019-05-13
Messaedjes: 184
Eplaeçmint: Tchålerwè

MessaedjeDate: mie 08 avr, 2020 23:35:26    Sudjet: Responde tot citant

Don, si dj' a bén comprindou,

Nos avans po "poite-parole" :
- Spitch (Calcaedje del inglès) ?
- Spiker/Spikêr/Spicrine (Spikeur avou des meyeures ortografeyes : les deus prumîs sont omrins eyet 'l dierin est femrin) ?
- Spicrene (Soûlmint al radio) ?
- Messaedjisse (calcaedje nén-setch do francès) ?

(Si dj' a bén comprindou eto), tertos sreut diferin d' messaedjeu ki vôreut dire: "(...) onk ki dit des boignes messaedjes" come dins les rilidjons ? Wink
_________________
El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns.
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: vén 10 avr, 2020 16:14:05    Sudjet: Responde tot citant

nonna, "spitch", c' est po on discours.
"spiker" et "spicrene" po des djins ki cåznut dins l' posse (di radio).

Po "porte-parole", dj' aveur tuzé "messaedjisse", mins dji m' a co rapinsé ene idêye ki m' shonne meyeuse: "poite-messaedje", ca 1) on cmince come li mot francès; 2) pus près do contnou ki "poite-parole"; cist ome / cisse kimere la ni poite nén totes les paroles do govienmint (si onk come Dehousse åreut yeu dit a Bart De Wever: "li ci k' est rogneus, k' i s' grete" u "va s' ti fé cori araedjî", li poite-messaedje nel repetrè nén (mins, å pårlumint, i serè riscrît dins l' "conte-rindou etir"). Li poite-messaedje ni poite ki l' messaedje di cloyaedje do govienmint.

=> poite-messaedje (si vos estoz d' acoird).
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Èl-Gueuye-Noere



Date d' arivêye: 2019-05-13
Messaedjes: 184
Eplaeçmint: Tchålerwè

MessaedjeDate: vén 10 avr, 2020 16:29:56    Sudjet: Responde tot citant

Boune idêye ! Very Happy

Dj' åreu dvou pinsé a çoula.

Asteure, i dmeure k' a ratinde l' advize da Reptilien ? Wink
_________________
El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns.
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Dimandes di mots Totes les eures sont a GMT + 2 eures
Potchî al pådje 1, 2  Shuvant
Pådje 1 so 2

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group