Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Esse vierni (Pierre-Joseph Proudhon)

 
Sicrire on novea sudjet   Responde å sudjet    Djivêye des foroms di Berdelaedjes -> Tecses e walon
Vey sudjet di dvant :: Vey sudjet shuvant  
Oteur Messaedje
Èl-Gueuye-Noere



Date d' arivêye: 2019-05-13
Messaedjes: 184
Eplaeçmint: Tchålerwè

MessaedjeDate: mår 04 awo, 2020 13:03:10    Sudjet: Esse vierni (Pierre-Joseph Proudhon) Responde tot citant

Bondjoû tertos,

Dj' a scrî èn årtike Wikipedia so Pierre-Joseph Proudhon, ç' esteut on politikî ey èn anårtchisse francès kinoxhou po 's tecse : esse viernî. Dj' a d'dja fwait (on prumî) ratournaedje, poloz-vos m' coridjî, s' i vos plait ? Wink

Vocial li loyén : https://wa.wikipedia.org/wiki/Pierre-Joseph_Proudhon

Citåcion:
Esse viernî, ç' est esse rwaitî-a-voye, rilevé, awaitî, manaedjî, ledjiferé, rilé, pårké, catrucimé, pretchî, corwaitî, préjhî, ricnoxhou, tchapné, kimandé på des djins ki n' ont nén l' tite, nén l' syince, nén l' moråle... Esse viernî, ç' est esse, a tchaeke operåcion, a tchaeke vindaedje, a tchaeke mouvmint, noté, eredjistré, rcinsî, tarifé, timbé, toezé, flåzé, cotisé, påtintî, foyou, otorijhî, apostiyé, admonesté, espaitchî, rfôrmé, ricresté, coridjî. Çoula, sorlon zels sieve al populåcion, ey al djeneråle poûssance, esse metou a contribouwaedje, travayî, rinsomé, espweté, monopolizé, disforvoyî, stoidou, kimoenné, evolé ; pus, a tchaeke edurance, a tchaeke plindaedje, shoflé, amindé, disgueuyî, adayî, rcwerij, mastiné, maké, disamonucioné, garoté, egayolé, fuziyî, raidjreyé, djudjî, codåné, depoirté, ofri, vindou, racuzé, yeyet padzeu tot, djouwé, balté, afronté, dilaké. Vocial l' govienmint, vocial el djustice, vocial es moråle ! Et dire ki sacwantès djins roci sont des democrates ki pretindnut k' el govienmint a ene sacwè k' est bén ; des socialisses ki sopoirtnut, sol no del Liberté, del Ewalisté eyet del 7878, cisse måssisté ; des proleteres, ki scrijhnut leus candidateures po divni prezidint del Republike ! Toursiveusté !


Dank davance ! Cool

Èl-Gueuye-Noere
_________________
El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns.
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: lon 24 awo, 2020 23:01:29    Sudjet: Responde tot citant

Esse vierni, c' est esse riwaitî-a-voye, rilevé, awaitî, manaedjî, ledjiferé, erîlé, parké, catrucimé, pretchî, corwaitî, préjhî, ricnoxhou, tchapné, kimandé pa des djins ki n' ont nén l' tite, nén l' syince, nén l' moråle...

Esse vierni, c' est esse, a tchaeke operåcion, a tchaeke vindaedje, a tchaeke mouvmint, noté, eredjistré, ercinsî, tarifé, timbré, twezé, flåzé, cortizé, patinté, fouyî, otorijhî, apostiyé, admonesté, espaitchî, erfôrmé, ercresté, ercoridjî. Çoula, sorlon zels, sieve al populåcion, ey al pouxhance djeneråle.

Esse metou a contribouwaedje, travayî, rançoné, espweté, monopolijhî, disforvoyî, stoirdou, kimoenné, evolé ; pus, a tchaeke edurance, a tchaeke plindaedje, shoflé, amindé, disgueuyî, adayî, ercweri, mastiné, maké, disamonucioné, garoté, egayolé, fuziyî, raidjreyî, djudjî, codåné, dipoirté, ofri, vindou, racuzé, yeyet padzeu tot, djouwé, balté, afronté, dilaké.

Vocial el govienmint, vocial el djustice, vocial ès moråle ! Et dire ki sacwantès djins roci sont des democrates ki pretindnut k' el govienmint a ene sacwè k' est bén ; des socialisses ki sopoitnut, sol no del Liberté, di l' Ewalisté eyet del 7878, cisse måssîsté la ; des proletaires, ki scrijhnut leus candidateures po divni prezidint del Republike ! Toursiveusté !

Rilevêyes:
* dji n' a nén aveuri tos les mots; gn a des beas noûmots come "raidjreyî" [transformé en criblure, en mitraille ?] u: mitrayî ?
* dji vs a metou des dvanceyès voyales (a môde do Coûtchant walon) la k' on a li betchete ri- / er-
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Èl-Gueuye-Noere



Date d' arivêye: 2019-05-13
Messaedjes: 184
Eplaeçmint: Tchålerwè

MessaedjeDate: mår 25 awo, 2020 16:10:04    Sudjet: Responde tot citant

Merci pol coridjaedje,

Oyi, on pout ercandjî "raidjreyî" pa "mitrayî", sortoit si l' sinse est meyeu come çoula.

Al plaece do "7878" viè l' fén då tecse, ça divreut esse "fraternité", mins dji n' a nén core trové d' mot, minme di noûmot.
_________________
El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns.
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
Djor



Date d' arivêye: 2005-07-02
Messaedjes: 240
Eplaeçmint: Sint-Serwai

MessaedjeDate: mie 02 djn, 2021 13:30:13    Sudjet: Responde tot citant

Égalité, mea "abåristé", di "a båre" (ou "abåre") = égal.

"Çou, sapinse zels"

"Pouxhance djeneråle" => motoit "pouwer"?

"Otorijhî" => leyî fé.

"Sieve al populåcion" ==> "sieve ås djins".

"Rançoner" => "redîmer".

"Djustice" => motoit "droeçté". On dit "palå d' djustice", ou po cåzer do ministere etch. Mins si c' est ene vertu, dji direu "droeçté", "droetisté". Å rviè, "crombisté".

Gn a trop d' mots francès e vosse tecse!

Mi, dji direu minme: "Esse vierni, c' est k'on vos rwaite a voye, k'on vos rleve..." ou: "c' est vos rwaitî a voye, vos rlever" (efinitif) etch.
_________________
Li walon n' est nén d' l' esperanto.
Rivni al copete
Vey li profil di l' uzeu Evoyî on messaedje privé
Èl-Gueuye-Noere



Date d' arivêye: 2019-05-13
Messaedjes: 184
Eplaeçmint: Tchålerwè

MessaedjeDate: mie 02 djn, 2021 21:15:48    Sudjet: Responde tot citant

Lucyin m' el dit sovint k' em francès toûne foirt pal francès. C' est el problinme k' vos rescontrez cwand vos djåzoz on lingaedje sour ki n' est nén on lingaedje d' vosse nåcion, mins k' vos cominçoz a-z asprinde el lingaedje d' vosse nåcion padri vos *nouvaze ans. Wink

Dji prindrè asteme a l' avni. Po scrire, dj' uze voltî el DTW eyet l' Wiccionaire. Ci sont les seus motî rfondous ki dj' a. D' ayeur, i gn a bråmint des mots ki dji n' a nén trové dins ces motîs rola : pouwer, redîmer (dins l' sinse di rançonner, nén dins l' sinse di rembourser), droeçté, droetisté, u core crombisté. Do côp, ns estans face a deus cas :
1) Li mot egziste d'dja e rfondou, mins nén co dins l' DTW eyet l' Wiccionaire => I fådreut l' mete el pus rade possibe didins.
2) Li mot n' egziste k' e Feller ubén e-n ene ôte ortografeye => I fådreut trover une varyisté rifondowe padvant d' el mete dins les deus diccionaires.
Mins nerén, dins tos les cas, i sereut mî d' mete les sourdants come çoula : https://lucyin.walon.org/diccionairaedje/djiveye400.html po sawè wice is viegnnut.

*Mi eto, dji voe evî les måluzants rifrancijhaedjes. Al copete do mårtchî, vs åroz rimarké ki dj' a scrît "nouvaze" al plaece di "dijh-nouv". Ci n' est nén l' prumî côp ki dj' el fwait. Loukîz purade vaici : https://belletristica.com/en/books/26415-li-walofile-gazete/chapter/162550-tchalerwe-ene-bele-veye

Li mot "nouvaze" shuve el rîle do :
11 = Onze
12 = Doze
13 = Traze
14 = Catoize
15 = Cwénze
16 = Saze
17 = *setaze (*al plaece di dijh-set)
18 = *ûtaze (*al plaece di dijh-ût)
19 = *nouvaze (*al plaece di dijh-nouv)

Ey e walon, ns avans li droet d' uzer "ûtante" po "cwatru-vint". Very Happy Çki n' est nén l' cas e francès d' el Walonreye.
_________________
El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns.
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
Djor



Date d' arivêye: 2005-07-02
Messaedjes: 240
Eplaeçmint: Sint-Serwai

MessaedjeDate: dju 03 djn, 2021 2:44:34    Sudjet: Responde tot citant

L'amice, minme si vosse walon n'est nén parfait, çou ki m'plait rapoirt à vos, c'est k'vos sayîz d'vos rabouni. Ça, c'est clapant! Il est bon, et pôreuve vali k'i sereut co meyeu! Ké ki fouxhe li lingaedje k'ons aprind, i s'fåt rabouni.

Cwand dj'cåze walon, ou ki dj'el sicri, dji n'èm' sovén nén ewou k'dj'el a apris. Bråmint d'mes mots walons, dj'els a léjhous ezès lives, nén ezès motîs.

Cwand dji dmoreu so Cînè, dji cåzéve walon tos les djoûs avou les djins. C'est l'seule plaece do payis, ewou ki nouk n'èm' a dmandé: "Votre wallon provient de quelle région?" C'est l'plaece ki, si ene sakî m'djåséve e francès tot roulant les R, dj'elyi respondeu todi e walon, et poy li djin mi rirespondeut e walon etch. Mins nén tot l'monde a l'chance qui dj'a avou.

Cwand on cåze on metou lingaedje al leccion, on n'si dimande pus d'ewou k'i vént, té mot, s'on l'etind åjheymint.

Pa des côps, ça våt l'poenne di prinde on 3e lingaedje come "lingaedje di controle". Metans: Nous jouissons d'une paix inamissible. Sayîz d'el dire e flamind et in inglès. Adon vos vieroz comint on l'sårè (nén) dire e walon.

Asteure: les nombes. Les lingaedjes romans ont ene drole di manire di conter di 10 a 20.

Po cmincî, li roumin et l'aroumin eyet l'roumåre d'Istreye mi shonnut esse les seus lingaedjes romans k'ont wårdé l'nombraedje gayel di 11 a 19.

Les ôtes lingaedjes pasnut di "X-ze" a "dijh-X", MINS nén tos les lingaedjes å minme nombe. Metans: li castiyan atake a "diez y seis".

Dedja e walon, les "-ze" sont rimwaistris, årtyîs, veyanmint ki, e walon, on åreut "-jh" ou "dj". Si l' latén undecim s'a fwait aprume *undcim, e walon ça dene *"ondje", *"ontche", *"onde". Mins si l'd po cmincî a tourné a ð, adon l' -ecim åreut diné e walon des "-jhe".

A ké trevén li walon s'a rtapé so l' picård ou so l' francès? Est-i possibe ki l' walon årixhe conté *"onk-so-dijh" ou *"onk-padzo-dijh", *"deus-sor-dijh", come les lingaedjes gayels, et poy, k'ons årixhe candjî, paski "onze", c'est ene di silabe estô d'troes silabes?

Ni rovyîz måy ki l' rifondou walon est djusse ene sicrijhince, nén on lingaedje a pårt. Wink
_________________
Li walon n' est nén d' l' esperanto.


Candjî pol dierin côp pa Djor, li dju 03 djn, 2021 3:20:48; candjî 1 feye
Rivni al copete
Vey li profil di l' uzeu Evoyî on messaedje privé
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Tecses e walon Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group