Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Ni saedje ni sote

 
Sicrire on novea sudjet   Responde å sudjet    Djivêye des foroms di Berdelaedjes -> Tecses e walon
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: lon 18 dja, 2021 21:40:53    Sudjet: Ni saedje ni sote Responde tot citant

Ni saedje, ni sote

(inte åtchetes : les disfondowes po fé les rimes, cwand ene n' aparexhnut nén direk e rfondou)

On djoû k' i n' fijheut (fièt) a Tchålerwè,
Ni tchôd ni froed
Dj' a rescontré ene pitite mamjhele
Ni laide, ni bele
Ele m' a rwaitî d' ses beas grands iys,
Ni noers, ni gris
E rtrossant s' cote ås rodjes cwåreas (cârôs),
Ni bas, ni hôt.

Vos m' fijhoz l' efet d' on gårçon
Ni mwais, ni bon
Vos m' plaijhoz come vos estoz la,
Ni laid, ni bea
Mi dj' a l' ådje k' on mareye les feyes (fîyes)
Ni djonnes, ni viyes
Et dji dmeure al rowe do Moncea
Ni hôt, ni bas

Dji l' a shû dins s'-n apårtumint (apartëmant)
Ni ptit ni grand
Gn aveut ene tåve et co on lét (lit)
Ni grand ni ptit
On canapé å vroûl a croles,
Ni deur ni mol
Et on våze di nute dins on cwén (cwin),
Ni vude ni plin.

Ele m' a dit : dji n' a po vs complaire
Ni pere, ni mere
Mins d' tinzintins, i m' fåt des betchs
Ni crås, ni setchs
Ele m' a siervou la do cafè
Ni tchôd, ni froed
Bén dji l' a trové a çk' i m' shonne (chène)
Ni spès, ni tene.

Dji n' so, dit-st ele mågré m' djonne ådje (âdje)
Ni sote, ni saedje (sâdje)
Mins mes idêyes polnut parexhe (parète)
Ni lådjes, ni stroetes
Çou k' i m' fåreut, c' est on galant,
Ni ptit, ni grand
Mins ki viereut voltî s' comere,
Ni trop ni waire

Et c' est e li rwaitant d' triviè
Ni d' lon, ni d' près
Dj' a veu k' ele n' aveut nén bråmint
Ni tchveas, ni dints
E some, ele n' aveut rén do tot
Ni dzeu ni dzo
Et mi dj' n' aveu pus dvant l' festin
Ni soe, ni fwin.

Morålté :

El moråle, n' årè a-z esse (?) biesse
Ni cawe ni tiesse
Ça n' vôrè dire, ça dj' el cofesse
Ni cwè, ni kesse.
Ås femes, ça n' pôrè fé beacôp
Ni bén, ni må.
Et ås omes, ça n' frè nén, dji croe,
Ni tchôd, ni froed.

Paroles : Georget André (?), tchanté pa Bob Dechamp ki djowe a leyî adviner li deujhinme mot des trokes ni... ni...
Ricopyî e rfondou po les scoles di Bive do 9 di måss 2010
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Tecses e walon Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group