Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

remasteriser
Potchî al pådje Di dvant  1, 2
 
Sicrire on novea sudjet   Responde å sudjet    Djivêye des foroms di Berdelaedjes -> Dimandes di mots
Vey sudjet di dvant :: Vey sudjet shuvant  
Oteur Messaedje
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: sem 05 djn, 2021 15:34:58    Sudjet: Responde tot citant

Djor scrijha:
Citåcion:
C' est nén l' såme do wiccionaire (ni do DTW, ni do tot l' minme ké diccionaire) di fé del riclame po des noûmots.


Siya.

Le Grand Dictionnaire terminologique:
http://gdt.oqlf.gouv.qc.ca

"Po çou k' est on motî: " Le travail des terminologues de l’Office québécois de la langue française est encadré par des politiques et des documents qui guident les choix terminologiques pour Le grand dictionnaire terminologique etbalisent le traitement des données présentées sur les fiches.

Ces ouvrages de référence mis à la disposition des usagers font partie du cadre normatif préconisé à l’Office et renseignent sur la manière dont se conçoit et se pratique la terminologie à l’Office. "


Dj' a metou e cråssès letes les ponts ki mostrèt ki ça motî la n' fwait nén l' riclame des noûmots, mins seulmint des noûmots ki sont-st acceptés ou propôzés pa ene politike oficire.

Pol walon nos n' avans nén d' institucion oficire (ou minme nén oficire) ki fwait-st ene sifwaite bouye; mins si nos l' avîs, adon oyi, çou ki vénrè foû d' leye (minme des "biestreyes" come vos djhoz) åreut s' plaece sol wiccionaire. Li fwait minme d' esse ene sacwè d' oficire lyi dinreut on pwès pus foirt (notez ki l' wiccionaire e francès l' mete dins ses régues eto; les djonnes noûmots n' sont nén acceptés, såf les cis vnant d' ene "terminologie officielle")

Citåcion:

Et l' lingaedje walon est pus moråve ki l'inglès ou l'francès. Vos n'poloz nén fé les minmès regues!!!


Dji direu purade ki c' est l' contråve !
Ni l' inglès ni l' francès n' vont candjî pask' on radjoute ou nén des pådjes avou des mots nén eployîs dins les wiccionaires en ou fr.
Mins pol walon, come i n' a nén télmint d' motîs k' on raprindisse pôreut trover, li wiccionaire prind ene nouzome impôrtance (c' est minme li seu et l' unike diccionaire esplicatif e walon k' i gn a); i fåt d' ostant pus ki ça soeye on motî d' cwålité!

Citåcion:

Cwand ene sakî edvinte on noûmot in inglès, li mot fwait l'toû do monde e 5 munutes.


C' est nén l' veur.

Ça n' fwait çoula ki si l' edvinteu est ene institucion oficire ou ene djin d' foirt kinoxhowe.

Dji pôreut edvinter tos les noûmots e-n inflès ki dj' vôreu, i n' åreu nén grand monde a måy li saveur.


I gn a eto a l' ahessåvisté do mot ; est çk' i va siervi a åk a ene sakî ? est çk' i va plaire ?

Metans, "crås vea" est bén vicant, pask' i plait, paski l' clignete est plaijhante.


Citåcion:
- Ene prone rapotikêye, da! Mwaistreye å labo.
- Ah! Avou des chimicreyes, va!"


çou ki dj' comprindreu (do moens, si dj' esteu-st ene "vraiye djin" avou kî vos pôrîz cåzer),
c' est ki vos dnez a "mwaistri" li sinse di "fé, fabrike, produre", avou, supôzrè dju, ene idêye ki ça a stî fwait tot mwaistrixhant ene målåjheye tecnike di produjhaedje.
Ou co motoit, d' ene sacwè edvintêye tot mwaistrixhant ene nouve tecnike ou on noû procedé.

... mins ça n' a rén a vey avou l' sinse di "remasteriser" !

Citåcion:

Dj' åreu dit: "renondé". Såf ki "renondé" n'est nén clair, et i pout dire bråmint des sacwès.

Mins "mwaistri", dj'el etind åjheymint. Si dj'åreu veyou so YouTube: "And Justice for All rimwaistri", dj'åreu sepou tot d'shûte çou k'ça vout dire.


dji cmince a croer ki vos n' savoz nén çou ki "remasteriser" vout dire.
Adon oyi, si on cåze d' afwaires diferinnes....

"remasteriser" e franglais, "rematricer" e bon francès, c' est, po cmincî, on procedé industriyel. C' est rfé ene novele matrice, on novea moule, po produre, industriyelmint, des sacwès.
Dins l' cas del muzike, des plakes.

Ça n' a nén d' sinse del vey so YouTube! (a moens k' ça soeye ene copeye d' ene novele plake prodûte, mins adon ça n' deurrè nén lontins dvant d' esse disfacé paski ça n' respectêye nén les abondroets des fjheus del plake).

C' est nén djusse "rifé";
C' est nén fé ene nouve modêye d' ene minme tchanson, ni on novea eredjistrumint d' ene tchanson
Mins, å contråve, a pårti d' on eredjistrumint k' egzistêye dedja, produre ene nouve plake (paski l' moule k' aveut siervou pol viye s' a sketé, ou pask' on vôreut fé ene plake d' ene meyeuse cwålité - les eredjistrumints sont å pus sovint d' ene bén meyeuse cwålité ki çou k' l' industreye des plakes prodût)

C' est on mot eployî dins l' industreye des plakes.

PS: ah! on l' voet so YouTube, oyi... mins seulmint po des clips oficirs; des modêyes fwaites a noû a pårti des vîs clips oficirs (traimint informatike di l' imådje, evnd). C' est todi on processus tecnike.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: sem 05 djn, 2021 15:55:59    Sudjet: Responde tot citant

Djor scrijha:
85% des waibes do monde sont in inglès.


purade 60%
(et co, ça sereut l' åcintaedje nén "des waibes do monde", mins seulmint "emey les 10 miyons des pus grossès waibes".

Mins pus impôrtant ki l' nombe di "waibes", c' est l' uzaedje (metans, on forom c' est djusse ene waibe; mins si ç' forom la est shuvou pas 20.000 djins tos les djoûs, il es pus consecant ki 20 foroms (200 waibes) shuvous pa 100 djins).

Et po çou k' est d' l' eployaedje des lingaedjes sol Daegntoele :

* d'après statista.com l' inglès conte po 25,9%
* d'après speakt.com po 25,4%

Eto, al diferince des afitches k' on voet dins les rowes, ki vos n' ploz ni tchoezi l' lingaedje, ni clôre les ouys po n' les nén vey; sol Daegntoele vos tchoezixhoz çou k' vos vloz vey; et on pout foirt bén èn nén lére des pådjes èn inglès (cwand dj' overe so wikipedia ou l' wiccionaire, metans, c' est foû råle ki dj' våye vey les modêye e-n inglès)
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Dimandes di mots Totes les eures sont a GMT + 2 eures
Potchî al pådje Di dvant  1, 2
Pådje 2 so 2

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group