|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
lucyin
Date d' arivêye: 2005-07-07 Messaedjes: 3681 Eplaeçmint: Sidi Smayil, Marok
|
Date: dju 30 dec, 2021 19:55:03 Sudjet: Paul Renson |
|
|
Né à Warnant le 16 août 1922
Après son école moyenne à Huy, il entrera au tribunal de Huy où il fera toute sa carrière . Il terminera greffier en chef . Très jeune il s’intéressera au théâtre wallon .
Théâtre
Eune discandje –comédie musicale – 1 acte-création dramatique l’Union de Warnant le 19/12/43.
Drole d’avinteûre – comédie musicale-1 acte-musique d’André Chavée-création :dramatique l’Union à Warnant le 19.3.44
Koriki-korika-opérette franco-wallonne en 3 actes-musique d’ André Chavée-création de la dramatique l’Union de Warnant le17/11/46
Wice èst-l’mwért ? comédie-1 acte- création par la dramatique wallonne tihangeoise le 14/10/51
Qué novèle,î èstans-gne ? –comédie-1 acte-céation dramatique wallonne tihangeoise le 10/2/52
L’éritèdje da Trintchèt-comédie-1 acte-création à Ahin le 19/12/54 par la dramatique Saint-Pierre de Ben-Ahin.
Li bèle tèrése-jeu radiophonique écrit en collaboration avec Joseph Durbuy –radio Liège le 13/2/55
Dè neûr â blanc-comédie-1 acte-création dramatique wallonne tihangeoise le 23/2/58
Li bon sèm’di –comédie-1 acte-création dramatique wallonne tihangeoise le 15/2/59
Un grand concours-1 acte avec chants,musique et danses en français
Li trazinme ârtike-comédie en vers-1 acte-créée par radio Liège le 28/4/67
Mam’zèle Agnès’ -1 acte-comédie créée à Tihange le 31/3/63 par la dramatique tihangeoise
Après mèye nut’-comédie-1 acte- en collaboration avec Joseph Durbuy. Création au Trianon le 30/9/62
Bone annêye-comédie-1 acte-créeé par le Trianon le 4/12/63
Lès deûs milionêres-comédie en deux actes-création par le Trianon le 20/3/65
Li tièsse so l’ bloc’ –comédie -1 acte-créée à Tihange par la dramatique tihangeoise le 11/4 :70
Amon l’ docteûr-saynète pour enfants
Eune dimande è marièdje –saynète pour enfants
Li martchande di lèscê-1 acte pour adolescents ou adultes création à Tihange par les Lucioles 28/3/92
Amon l’ mêsse di scole – saynète pour enfants
Oûy nos djowans â tribunâl –comédie en 1 acte pourcadolescents
Clovis’ va prinde li trin-comédie 1 acte création au Trianon le 11/12/88 CD Cwèrneû
Lès dicîpes da Moîse- comédie en un acte créée par les lucioles de Tihange le 16/3/2002 Videocassette du Cwèrneû
Mimîe va hanter-comédie en 1 acte
Al sâle di studièdje- saynète pour quatre jeues filles.
Ces pièces appartiennent au théâtre wallon traditionnel, familial et dont le but principal est de divertir. Ces personnages ne manquent cependant pas de caractère..
Contes, chansons, nouvelles
La plupart sont parues dans le journal Vers l’ avenir ou dans la revue hannutoise L’ aronde
1 Li vért tchapê
2 Pro justitia synopsis pour un film humoristique
3 Istwère di Pâque
4 Dès vacances nin come lès ôtes
5 Lès omes âs pwètes
6 lès deûs curés â tribunâl
7Eune istwère di Flaminds
8 Li marièdje da îiladèfe
9 Li trajèdèye dal rodje cinse
10 Fonsine dâ Lâdje
11 Li Barake
12 Amon li scrinî d’ Burdine
13 Eune bèle vîye fème
14 Lès fisiks da Gustin
15 L’ Amèrikin dâ Fornî
16 Li moûde da Vâ Nosse Dame
17 Li bèle pityite Paula
18 Adon qwè ,
19 Li mêsse di scole èt l’ man’kin.
20 Mononke Jules
21 L’Infér
22 Nosse voyèdje al Sint Evèrmâre.
La plupart de ces nouvelles sont inspirées par des épisodes de la jeunesse de l’auteur et par son village natal de Warnant et ne manquent pas d’intérêt.
L’ INFER
On l’aveût sornoumé l’ Infèr.
Tél’mint qu’il-èsteût deûr èt cagnèsse !
C’èsteût –st-on Walon d’Andène. I v’néve tos lès djoûs â tram’ èt d’hindéve divant l’ coléjiale à Hu.
Dj’ènn’ aveû èrité come profèsseûr di flamind qwand dj’ataqua mès scoles à Hu.
Il-èsteût fwèrt grand èt s’tènéve tofèr dreût come on piquèt !
N-aveût dès cis qu’afirmît qu’il-aveût ‘ne malâdèye di dos èt qu’i pwèrtéve on côrsèt. Â d’ fêt’, dji n’ l’ a mây vèyou s’abahi.
Tos lès scolîs ènn’ avît ‘ne vète sogne. On n’ wèséve nin cronkî ! I nos r’loukîve avou dès grands neûrs-oûy qui v’ pèrçît come dès atètches ou come dès bales di fizik !
On n’ poléve nin bodjî d’on milimète è nosse banc èt on simpe mot à vosse camarâde valéve deûs eûres di rit’nowe èt cinq grandès pâdjes à r’copî po l’ lèddimin
Tot l’monde èl crindéve !
Eco pés mi qui ‘l’s-ôtes ! Ca dji féve mârtîre avou lu !
Dji féve portant tot m’possibe po n’ nin atirer sor mi sès dotances : dji sayîve tofèr di m’tini keû èt d’aprinde mès lèçons d’flamind dè mî qu’ dji poléve
Mins rin à fé ! Dj’èsteû s’ martâ *!
Dji n’comprindéve nin poqwè ! Vos ârîz dit qu’ i m’ ènnè voléve co pus’ qu’âs-ôtes !
Dj’ aveû todi tot mâ fêt èt dji n’rèspondéve mây d’a façon. Dji sintéve bin qu’im’ hèyéve èt n’ mi poléve prèssinti !
Mins faléve bin qu’ dji prindahe mi mâ è pacyince mâgré qu’ dji sayîve todi di m’ mostrer l’ pus dûhâve avou lu !
On djoû, èt dj’ ènn’ a roûvî l’rèzon…n-aveût probâbe nole…i m’dina podrî l’tièsse, è m’hanète, on côp di s’ grosse bague d’ ôr ! Dj’ aveû mâ èt dj’ ènn’ atrapa ‘n’ bosse ! On pourcê, come on dit
Dj’ava twèrt, al nute, dè raconter c’ keûre-la à mès parints èt d’ èl-zî mostrer m’ bouyote.
Mi papa, qu’aveût fêt l’guère di catwaze, èt qu’ènn’aveût riv’nou fwèrt gnèrveûs , ni voléve-t-i nin aler ratinde li profèsseûr li lèddimin â matin à l’arêt di s’ tram à Hu èt dè fé djustice tot lî rindant l’côp qu’i m’ aveût d’né !
Por mi ç’âreût stou ‘ne catastrofe ! Dj’aléve co pus’ pârti qui d’avance.
Il a falou qui m’mame èt mi nos nos mètahîs nos deûs po z’aspâter m’papa !
Dji passa tot l’(minme tot djusse èl deûzinme annèye, mins dj’aveû d’vou, po çoula, studî l’flamind di ç’ vârin-la, pus’ aui totes lès ôtès brantches èssonle !
Après, èt avou l’profèsseûr qui dj’ava, èt qu’èsteût si amistâve, dji passa ine annèye tranquile èt sins nole hêre !
-
Mins, n’vola-t-i nin qui po l’treûzinme annèye, on nos anonça qui nos alîs raveûr li govion** ! Li ci dèl prumîre annèye !
Dj’âreû bin tchoûlé ! Dji m’diha qu’ ci sèreût co ‘ne fèye mi fièsse èt dji m’atindéve co à sofri !
Ci prumî djoû-la dèl treûzinme annèye ariva èt l’eûre di flamind ossi. C’èsteût bin c’st’ ome-la qui nos alîs don supwèrter èco ‘ne fèye !
I prinda lès noms. Qwand il ariva à mi, i m’ rilouqua tot tûzant.Dj’ènn’ èsta tot strindou èt dji mâdjina dèdja li calvêre qui dj’aléve co diveûr èdurer !
Qwand l’fin dè coûrs sona èt qu’ nos d’vîs sôrti po nos rinde divins ‘n’ ôte classe , l’ Infèr mi rapèla èt m’ dimanda dè ratinde on moumint qui lès ôtes èstahît évôye.
Dji m’dimandéve vormint çou qu’i m’aléve co atoumer sol dos !
El plèce di çoula, vola-t-i nin qu’ i m’ déri qu’ i rik’nohéve qu’il aveût stou bêcôp trop deûr avou mi èl prumîre annèye ! Et qu’èl rigrètéve !
Dji n’ diha nin on mot èt dj’èsta tot paf’ d’ine sifête kifèssion !
Et c’ prumîre annèye-la, dj’èsta l’ prumî dèl classe di flamind !
N-aveût qu’mi qui rèspondéve d’adreût èt mès d’vwèrs èstît lès mî fêts !
Dji m’poléve minme pèrmète dè djâser on mot avou m’copleû èt dj’ n’èsta mây pûni !
Qui dè contrêre, dj’aveû tofèr tot bin fêt èt dj’èsteû l’ègsimpe qui lès ôtes divît copî !
Ci n’èsteût pus l’Infèr…mins l’Paradis !
Dji n’a mây compris ci r’vîr’mint-la.
Est-i possibe qui c’st’ ome-la aveût rik’nohou sès twèrts ou n-aveût-i ôte tchwè qui l’aveût fêt candjî di m’costé ?
Dji so co todi à m’èl dimander !
Dji n’ l’ a mây pus r’vèyou c’st’ ome-la !
Fât tot l’minme bin admète qui n-a dès droles di profèsseûrs !
Toûr à toûr l’Infèr pwis l’ Paradis…come vos vôrez…à n’ nin comprinde !
Li 29/9/2003
(* souffre douleur)
( ** mauvais)
----
Pordjet d' årtike fwait pa Jean-Pierre Dumont po l' antolodjeye des scrijheus e walon do payis d' Hu (k' esteut so les fis, mins disparexhowe). _________________ Li ci ki n' a k' on toû n' vike k' on djoû. |
|
Rivni al copete |
|
|
lucyin
Date d' arivêye: 2005-07-07 Messaedjes: 3681 Eplaeçmint: Sidi Smayil, Marok
|
Date: dju 30 dec, 2021 20:00:10 Sudjet: |
|
|
Paul Renson est moirt
http://wa.wikipedia.org/wiki/Paul_Renson
Dji l'a fwért bin kinohou la qui dj'a sovint avou dès longowès copènes avou lu èt qu'i m'aveût r'mètou sès scriyèdjes. Dji l'aveû ossu rècorèdji a r'prinde si plome èt a s' rimète a riscrîre dès contes. Vos m'alez fé dâner m'aveût-i, dit pus d'ine fèye. C'èsteût; pinse-dju; li dièrin scrîyeû walon dè Payis d' Hu. Asteûre, li fâve èst foû.
Dj'ènnè djâse so m' site è l'antolojîye dès scrîyeûs walons dè Payis d' Hu.
Vâreût mî dè l' claper po l' Cwèrneû. C'èst vrèy qui Renson a ovrer dès-annèyes â long po l' walon èt po l' Cwèrneû.
(JP Dumont so "Viker", metou sol "Walon d' emon nozôtes li di fevrî 2007) _________________ Li ci ki n' a k' on toû n' vike k' on djoû. |
|
Rivni al copete |
|
|
lucyin
Date d' arivêye: 2005-07-07 Messaedjes: 3681 Eplaeçmint: Sidi Smayil, Marok
|
Date: dju 30 dec, 2021 20:00:26 Sudjet: |
|
|
Priyîre d’on fwért vî ome
Wice è-st-i l’ ci, Sègneûr,
qui n’ si mâvèl’rè nin
qwand dji r’vièsse mi cafè
djustumint so l’ prôpe nape ?
Ou qwand dji boûre mi pîpe
èt qu’on pô dè l’ toûbac’
tome so l’ novê tapis,
oûy qui mès mins tronlèt !
Wice è-st-i l’ ci, Sègneûr,
Qu’ârè ’ne miyète di pacyince
Po m’ lére on pô l’ gazète,
Rin qu’ lès novèles di d’ chal ?
Ѐt m’ miner d’ timps-in timps
Prinde l’êr foû dè l’ mohone,
Haper ’ne gote di solo,
Ca mès pôves-oûy sont mwérts !
Wice è-st-i l’ ci, Sègneûr,
qui n’ sèrè nin djinné
dè rèpèter deûs fèyes
li pô di çou qu’on m’ dit,
djâsant on rin pus hôt
po qui, pus-âhèyemint,
dji comprinse eune saqwè ?
Ca dj’ n’ètind pus fwért clér !
Wice è-st-i l’ ci, Sègneûr,
qui m’ prindrè co po ’ne djin ?
Qui m’aconterè on pô
èt qui n’ rîrè nin d’ mi
qwand dji di ’ne sôre ou l’ôte,
qui tot s’ mahe è m’ vèye tièsse,
èt qu’ bin sovint dji m’ piède ?
Ca mi-èsprit a fêt s’ coûsse !
N’ârè-t-i onk, Sègneûr,
eune fèye po m’ tinre li min,
djusse â dièrin moumint,
qwand c’èst qu’ vos m’ rihoukerez ?
Ѐt, tot cloyant mès-oûy,
ci-la tap’rè-t-i ’ne lâme
di r’grèt… ou bin di r’mwér ?
Sègneûr, Vos, sèrez v’ la ? _________________ Li ci ki n' a k' on toû n' vike k' on djoû. |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|