Èl-Gueuye-Noere
Date d' arivêye: 2019-05-13 Messaedjes: 186 Eplaeçmint: Tchålerwè
|
Date: vén 07 dja, 2022 1:19:39 Sudjet: |
|
|
Ci n' est nén les omonimes ubén les mots polysemikes k' sont les rujhes. C' est djusse li fwaite k' roci, on-z a puvite vlou wårder ene cogne pus levantrece ; dj' ô bén pus coinrece ; k' ene fôme pus "univiersel".
Come Pablo li scrît, on sait fé l' diferince des sons avou "ey". Adon, pocwè ci n' sereut nén l' cas avou "elh" (ubén èn ôte grafème, k' ene sakî d' ôte pôreut atåvler eto) ?
Gn a todi asteure sacwantès tchôzes ki risse di candjî : https://berdelaedje.walon.org/viewtopic.php?t=2563 (rén k' ça, ouy). Ça dimane impôrtant d' decider ene sacwè so onk des cénk trokes di codjowaedjes. Copuvite, k' c' est les trokes da Hendschel, wice k' el croejhete a stî fwait ossu dins l' atake des anêyes 2000.
D' on costé, dji so d' acoird k' tertos doet s' mete d' acoird po scrire del minme manire. D' èn ôte costé, on doet ricnoxhe k' el rfondou candje co. C' est, come di djusse, l' ene d' ses foices.
C' est pocwè, les djins scrijhant e rfondou divrént prinde pårt ; afeye ; a ene bate di dvize k' est mo consecant po ene ortografeye ki candje todi, minme asteure.
Les sistinmes ortografikes candjnut ene mitan pus rade ki c' k' est mostré dins les egzimpes da Pablo. Metans li francès avou les rifôrmes d' 1990 (k' on pout uzer u k' on pout ahouwer pask' on inme mî l' ancyinne). C' n' est nén po çoula, k' il egziste deus sistinmes dins ç' lingaedje la. Yeyet co, avou les féminisations des noms de métiers, on pout vir k' i gn a ; ene sadju ; on candjmint d' ortografe. _________________ El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns. |
|