lucyin
Date d' arivêye: 2005-07-07 Messaedjes: 3681 Eplaeçmint: Sidi Smayil, Marok
|
Date: mår 01 fev, 2022 17:15:19 Sudjet: Louis Noiset |
|
|
Orizon
Li rôye dè cîr èst todis bèle,
Mins qué grand mistére nos catche-t-èle
La qu’on n’ èl pout veûye qui d’ â lon ?
Ele rèscoule si n’s-avancihons !
Sès coleûrs, â matin d’osté,
Doûces èt rôzèyes, nos promètèt
Qui, avou l’ solo d’â diner,
Li grin, âdjoûrdu, tchanterè.
Qwand nos vèyons come on grand feû
R’glatihant su l’cîr, al vèspréye,
Acèrtinance qu’on vint vîgreûs,
Po l’ lèd’dimwin, sèrè d’kèrwéye
Li rôye dè cîr pout èsse houléye,
Ele candje di bêté tos lès djoûs,
C’èst-on grand cèke qui balzinéye
Et n’ rate mây di nos d’ner radjoû.
Djènèreûse Hèsbaye
Dès gronds tchomps d’ lin è fleûr,
D’on doûs bleû-clér tot peûr…
Blés, d’rodjes pavots mayetés,
Et d’bleuèts gâliotés…
Awinnes fîres dès hiyètes
Qui l’vint mète è goguète…
 lon, bin lon :
Dès plopes èt dès hayes… _________________ Li ci ki n' a k' on toû n' vike k' on djoû. |
|