Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

One pwinneuse fåve

 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
Maisse Arsouye



Date d' arivêye: 2005-07-04
Messaedjes: 194
Eplaeçmint: Djiblou

MessaedjeDate: lon 27 nôv, 2006 15:41:09    Sudjet: One pwinneuse fåve Responde tot citant

Schoûtoz, mes djins, schoûtoz l’istwere d’one amayeye pitite feye,

Dj’a skepyî gn’a ddja lontimps did ci. Mi pa esteu on foirt bel ome, bén comifåt. I vineut d’nonne e causeu on langaedje ki les djonnes apurdenut co à scole. Mi mame esteu one feye do payis, one coumere ki wêt voltî les viyès viyès-uzances. Mins ele veyeu voltî mi pa et ele a bén volu maxhi çou ki vneu d’leû tayons po viker embedeus.

Dj’a ieû båmint des frés et des sous. One miete di trop, dijhén’ les vujins. Adon on m’a pris et mi mete dins on orfulinat. Vélà, gn’aveu bråmint des djonnes di tos costés, mins nén wêre ki cosén’ mi langaedje, ou minme on rishonant. Nos avans ieû bråmint des mwaisses ki causen’ bråmint des langaedjes, mins måye li mén. Adon gn’a bråmint des efants k’ont roté foû po raler dins leû familes.

On djoû, dj’a apris ki m’pa et m’mame avén’ moru, mins ki tos mes fré et mes sous vikén’ co eshone. Adon dj’a sayi di les rdjonde. Dj’a polu viké one miete avou zels, mins nén lontimps. On m’a vinu rcwer. Mins come d’esteu trop viye pou co daler à l’orfulinat, on m’a metou dins one famile. Gn’aveu là sacwants soûs et on fré. C’est li viye soû k’esteu mwaisse à l’måjhone. Ele esteu setche et foirt riwaitante à ses liards et l'valet ni veyeu nén çoula voltî.

On djoû, li et mi, on a rakaroté foû di çite ewarante måjhone-la. Mi dji voleu eraler viker avou mes frés et mes sous, mins li n’esteu nén d'acoird. Dji pinse bén ki n’les veyeu nén voltî, et les vujins avou. Adon on a acheté one pitite måjhone et viker eshone. Nos avans ieû one pitite båshele, k’a rexhou avou nos. A l’cmince, ele causeu come mi ome, mins asteûre ele cause purâde come mi, et mi ome end est foirt disbåtchi.

Audjourdu, ça n'va nén foirt avou li. I cause todi d’end aler. Et mi, ki va-dj fé ? Il a roviyi li timps ki n’aveu pont de bouye et k’c’est mi ki bouteu po lzeu dner à mougnî, à li et à nosse feye ! Et m’feye est feume-fwaite asteure. Ele mi dminde todi on cop di spale, ou del difinde conte si pa, mins ele ni vout nén viker rén k’nos deus. Poreu-dje viker tote seule ? Ou bén ritorner amon mes sous et mes frés ? Mins dji mdiminde si n’m’ont nén roviyi..

Mi no ? Dji n’vos l’a nén dit ? Waloneye !
_________________
Rissaetchî-vos di m' solia !
Rivni al copete
Vey li profil di l' uzeu Evoyî on messaedje privé
djozewal



Date d' arivêye: 2005-07-01
Messaedjes: 307
Eplaeçmint: bagué !

MessaedjeDate: lon 27 nôv, 2006 16:44:34    Sudjet: Responde tot citant

Ène bèle blanke dame di féye s' a -t-adon amwinrné èt dîre :

"Dimèrez è l' maujone k' èst l' vosse èt rimètèz-l' à noû sins l' volu vinde aus cîs ki s' dijenut vos fréres èt soûs èt ki vos l' ont dèdjà mwins côps à mitan tapêye dju, vos bén rober vos wêrs èt vos co lèyî d' leûs dètes.
I vos dimère vos brès. Boutèz ! Vs èstoz todi dès pus avnantes èt, vost' ome pèté èvoye, i nda à volu vos fé profiter d' leu avizance... mins n' contèz nén dsu mi baston ki n' a pus rén d' madjike ! "
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group