|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
Alban Leloup
Date d' arivêye: 2022-01-08 Messaedjes: 26 Eplaeçmint: Louvie-Juzon (Pirenêyes-Atlantikes)
|
Date: dim 26 fev, 2023 20:45:04 Sudjet: Babou/Bâbou/Båbou/Bâbo/Babawe/Barbu/Beûbeû |
|
|
Dji vleu scrîre on noû årtike so l’ Wiccionaire po ene sôre di crodjambot k’ est discrît divins l’ live Sorcellerie et cultes populaires en Wallonie (da Rodolphe de Warsage). I s’ lome “li Babou” dins s’ live la, mins dj’ a trové sacwantès ôtès cognes so l’ DTW : båbou [E1]; bâbou [E177a]; babawe [E2,E21]; bâbo [E212]; barbu [O5]; beûbeû [O3].
Kéne cogne fåt i wårder e rfondou?
(Dins l’ live, gn a minme ene pitite fôrmule d’ efant k’ on pôreut-z eployî come fråze d’ egzimpe: “Sint-Nicolas hapèz l’Babou qui m’fèt n’hègne, quii [sic] m’fèt pawou !” Modêye rifondowe : “Sint-Nicolai, hapez l’ Båbou [?] ki m’ fwait ene xhene, ki m’ fwait pawe !”) |
|
Rivni al copete |
|
|
Reptilien
Date d' arivêye: 2017-07-01 Messaedjes: 263
|
Date: lon 27 fev, 2023 11:27:56 Sudjet: |
|
|
Ça n' mi djinnreu nén d' wårder båbou, come il est asteur divins l' DTW.
Mins on n' pout nén vormint dire ki ça shût l' betchfessî å, a Nameur c' est bâbeû [C1] et nén baubeû. A Vervî il est naziåljhî : bambou [E34] (diné po « diåle »).
E vî francès c' esteut avou a : baboe, babou, evnd. C' est motoit bén l' minme mot ki babeau. |
|
Rivni al copete |
|
|
Reptilien
Date d' arivêye: 2017-07-01 Messaedjes: 263
|
Date: lon 27 fev, 2023 12:15:51 Sudjet: |
|
|
Divins l' live Glossaire du Morvan : Étude sur la langage de cette contrée comparé avec les principaux dialectes ou patois de la France, de la Belgique wallonne et de la Suisse romande, da Eugène Chambure, 1878.
On pout lére ki no båbou est raloyî avou l' francès babouin, ki dvins l' diyaleke do Morvan vout dire : « onk k' a des grossès lèpes, ki fwait s' mawe ».
On pout eto lire :
Citåcion: |
Un babouin est [dans l'anc. langue] (comprinde : e vî francès) ou un niais, ou un bavard, ou une figure grotesque, ou un être enfantin.
[...]
- Babouin, figure grotesque, épouvantail. |
Li bodje sereut l' latén baburrus (nén tot djusse, tot djåzant d' ene sakî, u bén ki n' sait rén, ki n' a pont d' kinoxhance). Li minme mot k' a dné no båbô, todi d' après l' live, mins Haust [E1] li raloye a balbus, k' a dné l' francès balbe, baube.
A prinde avou des picetes. |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|