Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

broushe => brouxhe ?

 
Sicrire on novea sudjet   Responde å sudjet    Djivêye des foroms di Berdelaedjes -> Rifondaedje
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 18 mås, 2023 21:19:32    Sudjet: broushe => brouxhe ? Responde tot citant

Longmint ratuzé et decidé po "broushe"

https://berdelaedje.walon.org/viewtopic.php?t=1862

MINS:
* on n' a loukî ki les deus mots "brouche / breûsse" et "brouchter / breûster"

* dins l' ALW 6, notules 33 & 34, on a tote ene parintêye avou des H après Lidje:

https://alw.uliege.be/alw/?alw_volume=6&alw_page=90

(brouxhnaedje & brouxhisse)

https://alw.uliege.be/alw/?alw_volume=6&alw_page=92

brouxhes / brouxhaye / brouxhisse / brouxhayaedje (dji rfond avou xh)

Pår po "brouxhaye", on voet bén ki les cognes avou S, c' est des rfrancijhaedjes (Haust: brouhaye; (néol.) broussaye).

Tos ces mots la sont rashonnés e minme hagnon FEW ki "broushe / broushe" (*bruscia)

lijhoz notûle 4 di :

https://alw.uliege.be/alw/?alw_volume=6&alw_page=91

Adon, po wårder l' bodje prumrece (mi shonne-t i), on dvreut rprinde "brouxhe".

(dji n' a nén co raspepyî "brouxhire" mins ça m' a tot l' air d' esse do minme parintaedje.)
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: mie 10 may, 2023 23:50:04    Sudjet: Responde tot citant

por mi c' est deus bodjes diferins :

* broush- : usteye po ponde, po prinde les poûssires; k' a dné l' francès "brosse", l' inglès "brush" et l' castiyan "brocha"
* -brouxh- : sôre di bouxhon a spenes; k' a dné l' francès "broussaille", et "brousse"

motoit ki l' 2inme rîlêye s' a-st acmaxhî avou l' bodje -bouxh- (di bouxhon)?
motoit ki c' est nén l' minme etimolodjeye (li catalan "brossa" = fr:brosse et fr:brousse; mins sol wiccionaire catalan i dnèt deus etimolodjeyes diferinnes po les deus)
motoit k' li no d' l' usteye s' a spårdou avou leye, dj' ô bén pa ds ôtès voyes et avou d' ôtès rîles di candjmint d' son

Dins tos les cas, minme dins l' cas ki ça âreut stî l' minme raecene si on rmonte lon assez, asteure i m' shonne ki c' est bén deus bodjes diferins (c' est l' cas e francès notez bén, avou -bross- et -brouss- po les deus familes)
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: dju 11 may, 2023 0:30:52    Sudjet: Re: broushe => brouxhe ? Responde tot citant

lucyin scrijha:
https://alw.uliege.be/alw/?alw_volume=6&alw_page=92

brouxhes


Notez ki l' ALW dene po "brouxhes" (disf. "brouches") "un type brousse" (et nén "un type brosse")

dj' ô bén, l' ALW racuzene diferinnmint "brouxhes" (avou fr: "brousse") et "broushe" (avou fr: "brosse");
minme si ça vénreur do minme sourdant latén, l' ALW dispårtixhe les deus.

(notez eto k' po "broushe", c' est nén seulmint k' i n' a pont d' /h/ la ki xh=h, mins l' voyale est diferinne eto (c' est bén "brouh-" pol bodje -brouxh- mins "breûss-" pol bodje -broush-

notez eto ki:

A) pol famile -broush- dins l' DTW tos les mots ont :
* date di rfondaedje 2018-10-27
* i n' a nén ene seule disfondowe avou /h/
* totes les disfondowes levantreces sont-st avou -breûss-

B) et tos les mots del famile -brouxh- (=fr: -brouss-) :
* i n' a pont d' date di decidaedje di rfondaedje (dj' ô bén, nén co decidé)
* i gn todi on /h/ dins les disfondowes levantreces (a pus ki l' seule egzepcion broussenadje [E1] (mins i gn a brouh'nadje [G206])
* less disfondowes levantrece sont todi avou -brou- (on seu -bro-; mins måy di -breû- come pol bodje -broush-)

C) notez eto k' i gn a ene ôte famile -brouxh- (brouxhûle, viye rifondowe avou -broxh-) ki :
* a ene date di rfondaedje 2-018-10-27 eto
* a des disfondowes levantreces avou -brouh-, -brouf-, -brof-

D) et co l' plante "rabrouxhe" :
* a ene date di rfondaedje 2-018-10-27 eto
* a des disfondowes levantreces avou -brouh-, -v'rouh-, -v'rîh-


Dj' atåvele do côp:

A) bodje -broush- (sinse usteye po broushter et famile; les disfondowes levantreces sont todi avou -breûss-) [dedja decidé insi]

B) bodje -brouxh- (sinse bouxhons; racuzinåve avou l' francès -brouss-; les disfondowes levantreces sont todi avou -brouh-)

C) bodje -brouxh- (sinse ki poûsse sins fé atincion; les disfondowes levantreces sont avou -brouh- ou -brouf-) [dedja decidé insi]

D) bodje -brouxh- (ou purade rabrouxh-; i n' a k' on mot; disfondowes levantreces -brouh-, -v'rouh- (notez nén -vrouh-; motoit bodjes rave+brouxhe?) [dedja decidé insi]
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 13 may, 2023 22:16:39    Sudjet: Responde tot citant

iva, insi.

mete ci tuzaedje dins on hagnon "sourdant" so les pådjes do wiccionaire (po nel nén co ridisterer on djoû).

Po "rabrouxhe", dji croe k' l' etimolodjeye, c' est l' no k' a l' plante e latén (Raphanus raphanistrum). Mins dji n' sai pus wice ki dj' a lî ça; motoit djusse tot toumant sol no alon et l' no latén e G100.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: mår 16 may, 2023 23:30:37    Sudjet: Responde tot citant

Rimetou insi don.

I gn a k' po "brouxhêye" ki dji n' so nén seur.
-êye ou -êye ? (l' ALW dene les deus. dji sereut po pinser k' c' est l' cawete -êye purade. C' est insi todi dins E1)
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Rifondaedje Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group