Berdelaedjes

[Èl-Gueuye-Noere]

Bondjoû tertos,

Les waibes da Pablo ont dmoré astok el dierinne samwinne. Ç' ki m' a fwait sondjî a åk. Adon, pocwè nén askepyî des copeyes des diccionaires éndjolikes k' on-z a ? Si on-z arive a piede l' onk des deus, dj' a les pinses k' on sreut bén dins l' penin.

Avou ça k' i gn a nén on motî k' a stî askepyî på tåvleu Excel ubén LibreOffice dins li djivêye, dj' ô bén do costé des Rxx ? Motoit bén k' on pout, dijhans todi kécfeye, djusse ls espôrter. Dji vou dire pleur awè ene copeye aberwetêye PDF, XLSX, et tchik et tchak.

Li mî sreut d' awè, å moens, ene copeye so papî eto. Mins nerén, dji sai k' ça va esse målåjhey po totplin des råjhons pratikes.

Ki ça vos våye bén,
_________________
El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns.

[lucyin]

Li DTW doet esse tcherdjî a tinzayeure pa les waibes d' egurniyaedje (årtchivaedje) pinse-dju.

Les ôtes motîs dizo cogne .pdf, u tåvleu sont-st aberwetåves.

https://wa.wikipedia.org/wiki/Mot%C3%AE_walon_so_les_fis
_________________
Li ci ki n' a k' on toû n' vike k' on djoû.