Berdelaedjes

[lucyin]

Gn a deus djins ki mi dmandèt po mete li rcoridjrece so leu-z éndjole. Mins dji n' sai pus comint fé.
_________________
Li ci ki n' a k' on toû n' vike k' on djoû.

[Pablo Saratxaga]

On l' pout prinde did ci :

http://chanae.walon.org/walon/spell.php

Et po les cis k' eployèt l' betchteu Firefox,
on l' pout astaler dins les modules oficirs;
tot cwerant après "coridjrece walon" ou co so cisse pådje ci :

https://addons.mozilla.org/fr/firefox/addon/walloon-dictionary/

(dji vén d' fé ene nouve modêye)

[Pablo Saratxaga]

Vocial ene esplikêye avou ds imâdjes po-z astaler l' coridjrece avou l' betchteu waibe Firefox :

On comince pa-z aler sol menu do betchteu, et tchoezi "tinmes et rawetes":



Sol pådje des rawetes, sol hintche, tchoezi "diccionaires" :



Si vos n' l' avoz nén co, tapez "coridjrece" dins l' boesse di cweraedje:



Vos arivroz adon so ene pådje del waibe mozilla.org, avou l' rizultat d' vosse cweraedje; låvå i gn årè on loyén eviè l' coridjrece po Mozilla :



clitchîz dzeur, eyet sol pådje do paket del coridjrece i gn årè on boton po l "Radjouter a Firefox"



Si vos l' clitchîz, i gn årè-st adon ene aspitante bouye come çouci :



et poy :



Si vos rivnoz sol pådje des rawetes, linwete des "diccionaires", vo l' î voeroz.
(et vos ploz clitchî sol metaedje a djoû otomatike eto, come çoula cwand i gn årè ene nouve modêye vos l' riçuroz otomaticmint)



I n' vos dmeure pus k' a l' eployî...

Dins ene boesse di tecse vos ploz fé clitch-droet so houkî l' coridjrece.
Vos ploz onk ou sacwants lingaedjes po coridjî l' tecse:

[lucyin]

Et po prinde les rapontiaedjes cwand l' coridjrece est ddja la ?

A! dji m' respond mi-minme:

So http://chanae.walon.org/walon/spell.php

po rtcherdjî les dierins candjmints, clitchîz so «pacaedje XPI»

(riscrît dins Wikipedia:

https://wa.wikipedia.org/wiki/Coridjrece#%7B%7BHDs%7D%7D
_________________
Li ci ki n' a k' on toû n' vike k' on djoû.

[Pablo Saratxaga]

Dji vén d' evoyî ene nouve modêye (0.4.27) del coridjrece avou sacwants coridjaedjes et kékès novelès intrêyes.

C' est des coridjaedjes di flotches tapreces ki dj' a discovrou tot-z ovrant pol pordjet di cvierseu tecse -> vwès (les mots k' estént må scrîts fjhént des crons prononçaedjes....)

Normålmint, po les cis k' eployèt l' module Firefox, ça s' divreut mete a djoû tot seu (et si vs eployîz Firefox/Thunderbird et n' l' avoz nén co, vos l' poloz aler cweri dins l' botike da Mozilla, cweroz après "coridjrece");
dji nel va nén radjouter al mwin so l' minne po vey kibén d' tins ça prind.

Li coridjrece a eto metowe a djoû sol module so les fis (sol waibe berdelaedjes);
ey eto on metaedje a djoû do codjowoe (il est mintnou et metou a djoû e minme tins ki l' coridjrece).