Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Fonolodjeye

 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
Èl-Gueuye-Noere



Date d' arivêye: 2019-05-13
Messaedjes: 186
Eplaeçmint: Tchålerwè
MessaedjeDate: mie 14 djn, 2023 19:19:08    Sudjet: Fonolodjeye Responde tot citant
Bondjoû tertot,

Gn åreut ene sakî ki m' såreut dner on tåvlea di l' A.F.E. pol walon do Coûtchant, virpus l' patwès di Tchålerwè ?

Dedja gråces,
_________________
El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns.
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
Reptilien



Date d' arivêye: 2017-07-01
Messaedjes: 263
MessaedjeDate: mie 14 djn, 2023 20:02:26    Sudjet: Re: Fonolodjeye Responde tot citant
Èl-Gueuye-Noere scrijha:
l' patwès di Tchålerwè


Patwès ? ’didjale, ké laid mot !

Avoz waitî la : https://wa.wiktionary.org/wiki/Wiccionaire:Walon#Alfabet_et_pronon%C3%A7aedje ? Vos avoz surmint d' cwè fé.
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
Èl-Gueuye-Noere



Date d' arivêye: 2019-05-13
Messaedjes: 186
Eplaeçmint: Tchålerwè
MessaedjeDate: mie 14 djn, 2023 21:33:29    Sudjet: Re: Fonolodjeye Responde tot citant
Reptilien scrijha:
Èl-Gueuye-Noere scrijha:
l' patwès di Tchålerwè


Patwès ? ’didjale, ké laid mot !

Avoz waitî la : https://wa.wiktionary.org/wiki/Wiccionaire:Walon#Alfabet_et_pronon%C3%A7aedje ? Vos avoz surmint d' cwè fé.


Gråces traze côps.

Dji n' voleu nén esse « måhonteus » eviè l' carolo. Po mi, l' carolo, c' est on patwès do « walon do Coûtchant », k' est on diyaleke do lingaedje walon.

C' est po mostrer l' piceure foirt coinrece d' ci boket do lingaedje la.
_________________
El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns.
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
Pablo Saratxaga
Site Admin


Date d' arivêye: 2005-07-01
Messaedjes: 1156
Eplaeçmint: Oûpêye
MessaedjeDate: vén 16 djn, 2023 17:26:43    Sudjet: Responde tot citant
on eploye "pårler" dins ç' sinse la (eg: li pårler d' Tchålerwè).

Vos vôrîz on tåvlea rifondou (betchfessîs) => prononçaedje coinrece tchålerwetî, c' est ça ?

Come c' est nén m' pårler dji n' såreut dire... (et minme dins l' minne, dji n' so nén foirt adût avou l' AFE).
Mins vos ploz todi aler vey sol DTW, cweri sacwants mots, e vey dins des motîs avår la cmint çk' i scrijhèt e Feller.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Èl-Gueuye-Noere



Date d' arivêye: 2019-05-13
Messaedjes: 186
Eplaeçmint: Tchålerwè
MessaedjeDate: vén 16 djn, 2023 18:45:08    Sudjet: Responde tot citant
Pablo Saratxaga scrijha:
on eploye "pårler" dins ç' sinse la (eg: li pårler d' Tchålerwè).


=> Dji n' so nén d' acoird avou vos d' èç costé la. Cwand on rwaite bén, les lingaedjes, les diyalekes, les cronolekes, et tchik et tchak, sont tertos des « pårlers ». Dj' ô bén des sacwès k' on pårle/cåze/djåze/dvize/evnd.

Fåt rconoxhe tolminme k' el mot « patwès » est sovint uzé dins des sinses foirt rabaxhants. Ci ki n' est nén, co on côp, èm-n' adierça.

Pablo Saratxaga scrijha:
Vos vôrîz on tåvlea rifondou (betchfessîs) => prononçaedje coinrece tchålerwetî, c' est ça ?

Come c' est nén m' pårler dji n' såreut dire... (et minme dins l' minne, dji n' so nén foirt adût avou l' AFE).
Mins vos ploz todi aler vey sol DTW, cweri sacwants mots, e vey dins des motîs avår la cmint çk' i scrijhèt e Feller.


=> C' est çki dji fwai ddja. Mins nerén, les motîs rprindous dins l' DTW n' ont nén tos les mots, come tos les motîs del Daegne, pinse-dju. Télcôp, dj' ertrouve des mots dins, metans l' O4, ki n' sont nén dins les O0 eyet O92. C' est l' veur k' afeye, c' est des mots mo coinreces : « yô » do costé d' Nivele po « aiwe » dins nonante å cint del Waloneye (ki dji prononce voltî « eûy », a l' môde ki dji l' ô dispu èm-n' efance). Avou ça k' el Feller acdine ås scrijheus d' èç sistinme la d' « edvinter » leu prôpe ortografe, do moumint k' i rwaitnut å prononçaedje d' leu cogne.

Dj' a minme rloukî do costé del croejhete da Hendschel, mins i manke bråmint d' racseignmints. Totfeye, dj' a trové des sons ki dji n' saveu k' ils estént e walon come le « [i] court inglès ». El rujhe, c' est ki dji n' sai nén (co) ewou çk' on-z el ertrove. Ci n' est nén vraiymint les betchfessîs scrijhas ki sont l' pus deur, veyånmint k' is rwaitnut tote el Waloneye linwistike eyet k' èç boket la del fonolodjeye dimeure bén documinté.

Gråces traze côps eto.
_________________
El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns.
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group