lucyin
Date d' arivêye: 2005-07-07
Messaedjes: 3873
Eplaeçmint: Sidi Smayil, Marok
|
 Date: dju 20 djl, 2023 20:21:38 Sudjet: Camile Gaspard |
 |
|
| Citåcion: |
David Blaude
A ! Lucyin,
Dji so e trén do lére on live da Camille Gaspard ki dj' î a léjhou on pår bea poyinme k' fåreut stitchî so l' aberteke |
Solo, djoyeûs solo,
Clårté di m' vikårèye,
Riglatih oûy èco
So l' åbion d' mès nûlêyes
Pièrdou è li spèheûr
D' one brouheûr di maras'
Dji n' saveû pus l' boneûr
Di t' loukî face à face.
Djômihant d'vins lès fonds
D' in-èwarant sankis' ,
Dji pouhîve å pwèzon
Disk' a d'vins lès fondris' .
Lès pazês ki montît
Deûrs èt rwèsses, vè l' loumîre
À tot côp bon m' trovît
Stantchîs d'vins leûs-ourbîres.
Spani dèl vrèye tchôleûr,
Dji hapéve mès blawètes
Ås stoûves di måle aweûr.
Ås fås bruzis d' crahètes
Mins pus' m' aveû-dj' hati
D' cès blamahes di mizére
Èt pus houreûs féve-t-i
È m' vikårèye foû-scwére
Portant, come on mårtîr
Èlahi d'vins ses tchin.nes
Dji loukîve co vè l' cîr...
Tot m' mådihant mi-minme.
Èt on djoû, ti fous là,
Clér solo di mi-èfance
Li grand miråke si fa
Ki m' sètcha foû d' mès transes.
Èstèné, dji m' sinta
Raviker cwér èt åme
L' ome novê s' dispièrta
Ki r'souwa bin dès låmes.
Ås cis k' t' ont-st-apwèrté
Blamant ... come so leû vôye
Zèls-minme t' avît r'trové
Dji deûs l' mèyeû d' mès djôyes.
Dj' èlzî deûs m' franc mèrci
Po çou ki, sins fåsse honte,
I s' ont clintchî sor mi
Mågré lès rîres dè monde.
Insi l' teûle a toumé
So m' hisdeûse trådjudèye;
Dismètant k' dj' a r'trové
Fiyåte è m' dèstinêye
Li passé, l' neûr passé
Asteûre è-st-ine mwète kèsse...
À cwè bon rin r'grèter
Cwand l' djoû d' oûy è-st-al fièsse...
Solo, djoyeûs solo,
Clårté di m' vikårèye,
Riglatih oûy èco
So l' åbion d' mès nûlêyes
Å rvey
_________________
Li ci ki n' a k' on toû n' vike k' on djoû. |
|
FAQ
Cweri
Djivêye des mimbes
Groupes d' uzeus
Si fé mimbe
Profil
Lére les messaedjes privés
S' elodjî
