Berdelaedjes

[djan-djan]

Doet on continouwer di scrire -båy po les viyaedjes do Roman Payis dabôrd k' i nd a nén ewou ç' k' on dit -båy ou bauy?
Les djins veyant båy pôrént l' dire [bo:j].
Dji sreu po les scrire -bay tot biesmint, veyanmint kel â a stî rsatchî do rfondou.
_________________
Mi copiutrece cåze walon -> http://walotux.walon.org

[Pablo Saratxaga]

Si, so plaece, li prononçaedje normå di "båy" c' est /bây/, i n' a pont d' problinme.

A l' ess cisse cawete la si prononçreut normålmin /bôy/;
come po Boubåy près d' Vervî ("Bombaye" e francès)

[Jean-Marc Dubois]

Li prononçaedje so plaece, sicrîte e l'ôrtografeye Feller, dins l'live Haust so les nos d'plaece del Walonreye (Enquête dialectale sur la toponymie wallonne, 1941):

1. Li province di Lidje

Bombaye (e neyerlandès: Bolsbeek, ancyinmint e almand: 1145 Bulsbach) = Boûbåye
Hallembaye (ancyinmint e almand: 1214 Halenbach) = Hèlèbaye ou Lèhèbaye

2. Li province do Roman Payis (Braiband walon)

Corbais = Corbây cf. Korbeek
Glabais = Glabây cf. Glabbeek
Nodebais (e neyerlandès: Nodebeek) = Nodèbây
Opprebais = Ôprèbây cf. Overbeek
Orbais = Orbây cf. Oorbeek
Piètrebais = Pètbây
Thorembais-lès-Béguines = Torèbây-lès-Bèguënes cf. Doornbeek
Thorembais-Saint-Trond = Torèbây-Sint-Trond

3. Li province do Lussimbork, dins l' ban d' Gouvi-Limèrlé (Les djins cåzént almand el Moyinådje)

Steinbach (e lussimbordjwès: Steemich) = Stinbaye
N.B. Steinbach (ban d'Wéme/Waimes) = à Stainba

4. Les viyaedjes neyerlandès-cåzants k' ont des nos walons e "-bâye":

Bierbeek, viyaedje del Province do Braiband flamind (ancyinmint e francès: Bierbais) = Bièrbaye (li prononçaedje e walon à Bauvètchén/Beauvechain) - mais: Vaalbeek = Faubètche cf. Ransbèche (Ban d'Lane), Essenbeek = Eskèbètch ou Scabètch (Ban d'Hal) et Tombeek = Tombitche (Ban d'Overijse ou Youske e walon d'Rozêre)
Noorbeek, viyaedje del Province do Limbork (Bas-Payîs) (ancyinmint e almand: 1280 Nordbach) = Nôrdèbâye (li prononçaedje e walon à Tchårneû/Charneux)