 |
Berdelaedjes
Forom di berdelaedjes e walon, so tot l' minme ké sudjet
|
| Vey sudjet di dvant :: Vey sudjet shuvant |
| Oteur |
Messaedje |
lucyin
Date d' arivêye: 2005-07-07
Messaedjes: 3664
Eplaeçmint: Sidi Smayil, Marok
|
 Date: sem 09 set, 2023 11:51:50 Sudjet: asteuristé [actualité]: hosmint d' tere e Marok |
 |
|
| Citåcion: |
M.M.
Coucou
Je viens de voir les nouvelles du Maroc. J’espère que ça va pour vous ! Je suppose que vous avez aussi ressenti la secousse.
Bon courage aux Marocains… |
(response e walon)
Li hosmint d' tere å Marok ? Oyi, on l' a bén sintou. Il esteut 11 eures. Come dji so èn advineu (di dj', mi), pol prumî côp d' l' esté, dj' a volou fé ene serinne [soirée à bavarder à l'extérieur devant la maison], po magnî ene sope ki M. aveut fwait avou ene crosse di djambon d' schene ["es= cabeza de lomo, fr= jambon d'aloyau ?"].
On a oyou on groûlmint. On contéve ki c' esteut on gros camion. Dj' a stî å mitan del voye, et sinte li tere ki tronnéve (c' est l' deujhinme côp, dj' aveu ddja yeu ça a Rabat dins les anêyes 1978-79).
Totes les djins ont rexhou dvant l' ouxh. M. a boerlé come on vexhåd après s' mame k' esteut co e l' coujhene. Les lusses estént calibansant [faisaient de la balançoire].
S. tronnéve tote, ey a volou aler fé on toû dins l' coulot po rtrover ses camaerådes, k' estént tertotes et tertos a l' ouxh. I schoûtént les noveles so les sûtifones. I cåzént d' ene ratake [réplique] a meyzeure (meynute et dmeye) [0 h. 30].
Mi, dj' a-st apresté èn eredjistreu et ene filmrece, po sayî d' eredjistrer, si ça åreut yeu rtronné, mins dji n' î creyeu nén (ça n' aveu nén stî foirt assez l' prumî côp). Dj' a stî rcoûtchî. Mins gn a des cis k' ont doirmou tote nute sol rowe [dans la rue].
Dji n' contéve nén k' ça aveut stî si griyeus a Amezmiz (c' est l' veye di m' prumî aidant e l' farmaçreye po les biesses).
https://wa.wikipedia.org/wiki/Amezmiz
_________________
Li ci ki n' a k' on toû n' vike k' on djoû.
Candjî pol dierin côp pa lucyin, li dju 14 set, 2023 20:44:34; candjî 1 feye |
|
| Rivni al copete |
|
 |
lucyin
Date d' arivêye: 2005-07-07
Messaedjes: 3664
Eplaeçmint: Sidi Smayil, Marok
|
|
| Rivni al copete |
|
|
lucyin
Date d' arivêye: 2005-07-07
Messaedjes: 3664
Eplaeçmint: Sidi Smayil, Marok
|
| Date: sem 09 set, 2023 14:41:18 Sudjet: |
|
|
| Citåcion: |
Lorint Hendschel
Bondjoû Lucyin,
Dji vén do vey les noveles. Dji n’ sé si l’ tronlmint d’ tere esteut dins vosse coirnêye mins dji sondje a vos et dj’ espere ki tot va å mî por vos et åtoû d’ vos.
Lorint |
Nozôtes, diemerci, gn a nén ddja ene creveure dins on meur.
_________________
Li ci ki n' a k' on toû n' vike k' on djoû. |
|
| Rivni al copete |
|
|
lucyin
Date d' arivêye: 2005-07-07
Messaedjes: 3664
Eplaeçmint: Sidi Smayil, Marok
|
| Date: sem 09 set, 2023 14:52:40 Sudjet: |
|
|
| Citåcion: |
Joselyne Mostenne
Dj'ètind jusse asteûre su l' posse li tèribe trimblèmint d' têre au Marok. Dj'èspère qui tot va bin po vosse famille. Rapaujez'm, Lucyin |
Po nozotes, rén d' fayé !
| Citåcion: |
Djoslene
À là bone eûre ! Tot l' monde va bin d'abôrd... Dji pinse qui dj'èstéve co à Yon quand s'a passè l' trimblèmint d' têre d'Agadir.
Bon coradje aus Marokins. I sont dins m' keûr dispôy 1969.
|
| Citåcion: |
Djozlene
Gaby èt Mady transichint ! Vos-èstez fwârt populaîre avou lès djins, vos !
Bon dimègne
Co ôte tchôse…
I-gn-a dès ci qui m’ sonèt po véy si dj’aî dès novèles da Lucyin Mahin. Tot va bin por li èt s’ famile !
Voçi pa-d’zos dès bokèts di sès scrîjadjes : |
Bén merci d' awè fwait di l' «adjince medias».
_________________
Li ci ki n' a k' on toû n' vike k' on djoû.
Candjî pol dierin côp pa lucyin, li lon 25 set, 2023 19:49:09; candjî 3 feyes |
|
| Rivni al copete |
|
|
lucyin
Date d' arivêye: 2005-07-07
Messaedjes: 3664
Eplaeçmint: Sidi Smayil, Marok
|
| Date: dim 10 set, 2023 12:18:50 Sudjet: |
|
|
| Citåcion: |
Thierry et Dany
Bonjour Lucien
Thierry et moi nous sommes bien inquiets à cause du séisme qui vous touche.
Êtes-vous en sécurité toi, ton épouse et Souzane?
Est-ce qu'il y a quelque chose que nous puissions faire pour vous?
Nous pensons bien fort à vous
Nous vous embrassons, |
Merci di tuzer a nozôtes. Mins avår ci, gn a rén yeu di spiyî. N' a nou må.
Mins po les djins k' ont stî acsûts, c' est teribe. Avou ça ki c' est des bråmint des djins ki n' ont ddja rén, davance.
Ca ci n' est nén on hosmint d' tere ordinaire, inte deus plakes continintreces (adon, ça s' dene purade li long del mer). C' est on fali soterén [faille géologique] inte li hôte montinne do Grand Atlasse (ki crexhe co tot doûçmint) et l' pîmont [piémont, contreforts, transiton plaine-montagne]. Ces stombixhmints d' tere la [ces secousses telluriques], ça n' arive ki tos les 2000 - 3000 ans... mins ça a-st arivé !!!
https://wa.wikipedia.org/wiki/Grand_Atlasse
https://wa.wikipedia.org/wiki/P%C3%AEmont_(djeyografeye)
Mins l' eterloyance [solidarité] a l' air di bén roter. Ey eto l' organizåcion des otorités marokinnes.
Li rujhe, c' est cwand tertos årè rovyî l' herleme, dins 6 moes èn an, et k' ces djins la ridoeront viker, co pus pôves ki dvant. Et rfé des måjhons esprès conte les tronnmints d' tere... mins ki costêyront 2 feyes pus tchir...
_________________
Li ci ki n' a k' on toû n' vike k' on djoû. |
|
| Rivni al copete |
|
|
lucyin
Date d' arivêye: 2005-07-07
Messaedjes: 3664
Eplaeçmint: Sidi Smayil, Marok
|
| Date: dim 10 set, 2023 12:37:53 Sudjet: |
|
|
| Citåcion: |
Julien Casters
Ça tronle å Marok
Bondjoû Lucyin,
Dji voe les noveles a l' télé, on trolmint d' tere å Marok ! Dj' espere ki vos et vosse famile va bén.
7 so li schåle di Richter, ça a dvou fé tot drole...
Djulén |
Oyi, ça a fwait drole.
Lacobén k' après nozôtes, gn a rén yeu.
| Citåcion: |
Djulén
Binåjhe di lére k' i gn a pont d' må d' vo costé.
2600 moirts e Marok pol moumint, dist-on a l' télé, on-z a do må a croere k' e 2023 ça pout co ariver. El nateure est sins pitié ! |
_________________
Li ci ki n' a k' on toû n' vike k' on djoû.
Candjî pol dierin côp pa lucyin, li sem 16 set, 2023 11:03:37; candjî 1 feye |
|
| Rivni al copete |
|
|
Èl-Gueuye-Noere
Date d' arivêye: 2019-05-13
Messaedjes: 186
Eplaeçmint: Tchålerwè
|
| Date: dim 10 set, 2023 13:02:34 Sudjet: |
|
|
Binåjhe ki vos dalez bén ! Bråmint d' coraedje, tolminme.
_________________
El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns. |
|
| Rivni al copete |
|
|
lucyin
Date d' arivêye: 2005-07-07
Messaedjes: 3664
Eplaeçmint: Sidi Smayil, Marok
|
| Date: mie 13 set, 2023 14:40:03 Sudjet: |
|
|
| Citåcion: |
Joselyne Mostenne
Binamé Lucyin,
Quénès imaudjes ! On n’ pout l’ supwartè. Èt portant, çi n’èst rin à costè di ç’ qu’i s’ passe vraîmint vêlà, su place, dins lès montagnes ! Pus d’ maujons, pus d’ viyadjes, pus rin…
Maîs, ça m’ mwaîji quand d’ j’ètind causè cès pôvès djins « C’èst qu’ ça d’véve arivè, c’èst Allah qui l’a volu ! ».
Min.me si c’è-st-one manîre d’avèr mwin mau, di trovu dès-èscuses à ç’ drame là èt di r’prinde rademint coradje, dji n’ pout l’admète. Li bon Diu è-st-i l’ maîsse dès maleûrs ? Poqwè ç’ qu’i voreûve pûni dès djins bin tranquîyes qui n’ont rin faît èt rin d’mandè ? « Le péché originel » dijèt lès crétyins. Alez-z-è, savoz, avou totes vos bièstrîyes !
Dji pleûre tos lès djoûs en vèyant cès tèribès imaudjes, tot m’ dijant qui ci n’èst nin l’ bon Diu qui va ètèrè leûs mwârts èt r’bâti leûs maujons…
Coradje por vos tortos |
> dji n’ pout l’admète
Dins èn ôte dominne, mins c' est l' minme idêye.
Dji dmande sovint si l' anêye a stî boune po les dinrêyes (adon k' gn a yeu del setchresse) u po les roejhéns (adon ki l' waernu [canicule] les a fwait souwer so pî, et fé piede des miyons d' cenes ås djins).
Les djins k' ont pierdou bråmint respondèt "Diu merci avou l' waire k' on a rascodou. Nos fåt accepter çou ki l' Bon Diu decide".
Mi , dji so la tuzant ene miete come on climatolodjisse. Est ç' ene tournante di 7 ans viye di 7000 ans, dispu l' påtriyåtche Djôzef k' aveut predit å Farawon ? Ou est çki ça serè todi pus pire avou l' reschandixhaedje del Daegne ?
Et ratinde ene bate di dvize inla.
Cwand dji voe l' acceptance do måleur påzès djins, dji n' pou k' awè do respet po cisse manire la d' reyadji.
***********
Po les sinistrés do hosmint d' tere, dj' elzî vleu aler poirter di l' aida dins les viyaedjes del famile di mi mwaisse aidant e l' farmaçreye. Mins asteure, gn a ditrop di djins so les voyes.
Avou ça ki, ersè, gn a yeu on raboula [éboulement] so des otos k' alént poirter di l' aidance, et les moenneus î ont leyî les hozetes.
Adon, dj' irans purade di l' ivier, cwand les aidants d' asteure åront rovyî, et k' ces djins la seront dins l' froedeur.
_________________
Li ci ki n' a k' on toû n' vike k' on djoû. |
|
| Rivni al copete |
|
|
lucyin
Date d' arivêye: 2005-07-07
Messaedjes: 3664
Eplaeçmint: Sidi Smayil, Marok
|
| Date: mie 13 set, 2023 14:52:58 Sudjet: |
|
|
| Citåcion: |
Philippe Boula
J'apprends, après quelques jours au Brésil, le tremblement de terre qui a affecté Amizmiz, où tu avais enregistré un locuteur d'amazigh. Est-ce qu'il y a des nouvelles de ce locuteur ? |
Lui, il habite à Sidi Smail. Il s'est rendu à Amezmiz dimanche passé. Sa famille proche n'a pas trop souffert. Dans ses cousins et la famille éloignée, certains ont perdu une épouse ou une mère. Mais ces villages du "bas piémont" ont relativement peu souffert par rapport aux zones plus en hauteur (Moulay Brahim, route du Tizi n Test), où les éboulements ont produit de plus grands dégats.
_________________
Li ci ki n' a k' on toû n' vike k' on djoû. |
|
| Rivni al copete |
|
|
lucyin
Date d' arivêye: 2005-07-07
Messaedjes: 3664
Eplaeçmint: Sidi Smayil, Marok
|
| Date: dju 14 set, 2023 10:49:05 Sudjet: |
|
|
| Citåcion: |
Tiri Dumont
comint aloz?
Bondjoû Lucyin,
Comint aloz après li tronlmint d' tére di sèmdi?
Dj'espére qui vos n'avoz rén d' grâve.
Nos pinsans a vozôtes tortos. |
Gråces di pinser a nozôtes.
Diumerci, gn a yeu nou damadje a Sidi Smayil. Dj' el raconte so on fi des "Berdelaedjes", et dner les rtripaedjes des emiles k' on m' a-st evoyî.
| Citåcion: |
Tiri
Avoz dandjî d'ène sacwè? |
Po les sinistrés, asteure, gn a trinte-shijh meyes djins et soces ki les vegnnut aidî. Dj' irè purade dilé des cis del famile di mi aidant d' Amzezmiz di l' ivier. A ç' moumint la, çou k' elzî fårè, c' est des tchôds mousmints.
_________________
Li ci ki n' a k' on toû n' vike k' on djoû. |
|
| Rivni al copete |
|
|
lucyin
Date d' arivêye: 2005-07-07
Messaedjes: 3664
Eplaeçmint: Sidi Smayil, Marok
|
| Date: dju 14 set, 2023 11:02:31 Sudjet: |
|
|
| Citåcion: |
M.F.
On s'inquiète pour vous !
J'espère que le séisme terrible de cette nuit ne .vous a pas atteints.
Donnes-nous des nouvelles si tu peux.
On t'embrasse et pensons à vous tous là-bas. |
(ratournaedje e walon del response)
Mande escuze po l' astådje. Gråces di s' fé må d' nozôtes.
Nonna, ciddé, gn a yeu k' on hosmint d' trinte sigondes, sins damadje ås måjhons. Mins les djins estént si télmint serés a cåze do mårtocaedje al tévé et so les sûtifones, ki mwintes did zels ont coûtchî dvant l' ouxh sacwants djoûs.
_________________
Li ci ki n' a k' on toû n' vike k' on djoû. |
|
| Rivni al copete |
|
|
lucyin
Date d' arivêye: 2005-07-07
Messaedjes: 3664
Eplaeçmint: Sidi Smayil, Marok
|
| Date: dju 14 set, 2023 20:58:57 Sudjet: |
|
|
| Citåcion: |
Bruno Picard
Bonjour lucien
De toutcoeur avu vos pays pour cette catastrophe.
Dj'espère que to va bin por twe e famille
Bramin do coradge
Dju sais bin su qu sais on ai connu ça a Haïti |
Merci bén po t' messaedje.
Nozôtes, on n' a rén. Mins ces djins la...
Çou k' est motoit diferin d' Ayiti, c' est l' aidance di l' estat, k' est acviernêye [dirigée] direk på rwè, et k' a l' air di esse foirt bén moennêye.
Enute, i vnèt d' vôter ene aidance di 140.000 DH (14000 €) po les cis k' ont yeu leu måjhon distrûte, et 8.000 € po les cis ki l' manaedje a yeu des damadjes. + 3000 uros po viker e ratindant. C' est a mopliyî [multiplier] pa 4 si on vout vey çou k' ça våt come "povwer d' atchter" e l' Walonreye.
Avou ça ki, divant di rbasti, on va vey si l' fond rest dassene [stabilisé].
Houte di ça, les bastimints doeront dmorer assôrtis a l' årtchitecteure k' est d' uzance dins l' payis.
Pôreut vali k' ça n' soeye nén k' des paroles...
_________________
Li ci ki n' a k' on toû n' vike k' on djoû. |
|
| Rivni al copete |
|
|
|
|
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|
FAQ
Cweri
Djivêye des mimbes
Groupes d' uzeus
Si fé mimbe
Profil
Lére les messaedjes privés
S' elodjî
