 |
Berdelaedjes
Forom di berdelaedjes e walon, so tot l' minme ké sudjet
|
| Vey sudjet di dvant :: Vey sudjet shuvant |
| Oteur |
Messaedje |
Thedarkfly
Date d' arivêye: 2023-12-15
Messaedjes: 18
Eplaeçmint: Hu
|
 Date: mår 12 mås, 2024 13:21:30 Sudjet: Documint di referance do rfondaedje ? |
 |
|
Bondjoû tertos,
Tot voeyant li messaedje di Pablo cial : https://berdelaedje.walon.org/viewtopic.php?t=2916, dji m' rind conte k' i gn a bråmint des doneyes ki dji n' a nén sol rifondaedje do walon. I gn a bråmint des tchuzes ki-z ont stî fwaites avou des bounès råjhons padrî mins ki dji n' trouve nole pårt.
I gn a-t i on documint ki esplike l' estance d' asteure do rfondaedje ? Ene sôre di Bibe do rfondaedje avou totes les tchuzes et totes les esplikêyes padrî ? Dji tuze å documint di l' UCW "Normalizåcion do lingädje", ene sacwè del sôre.
Candjî pol dierin côp pa Thedarkfly, li mår 12 mås, 2024 13:28:23; candjî 1 feye |
|
| Rivni al copete |
|
 |
Thedarkfly
Date d' arivêye: 2023-12-15
Messaedjes: 18
Eplaeçmint: Hu
|
|
| Rivni al copete |
|
|
Pablo Saratxaga
Site Admin
Date d' arivêye: 2005-07-01
Messaedjes: 1156
Eplaeçmint: Oûpêye
|
| Date: mie 13 mås, 2024 0:40:36 Sudjet: Re: Documint di referance do rfondaedje ? |
|
|
| Thedarkfly scrijha: |
| li messaedje di Pablo cial |
Notez ki çou k' dj' a dné come infôrmåcions, sovint ça n' vént nén d' ene plaece wice ki ces sacwès la srént scrîtes, mins d' on rcweraedje ki dj' a fwait so on corpusse di mots (k' est lon d' esse complet, mins rprezintatif assez).
Dji cwir dins l' DTW (~35.000 mots; ça dene eto les disfondowes, nén tot, la k' tot n' a nén co stî ecôdé, mins ene boune idêye do spårdaedje des diferins prononçaedjes des mots, et des familes di mots).
Eyet sol coridjrece (i n' a nén des "mots", mins des "bodjes" avou des drapeas ki permetèt d' construre les mots, les cognes codjowêyes, evnd.
i gn asteure 91.592 bodjes, 47.572 di zels ont des etiketes di croejhete (dj' ô bén, totes les cognes fwaites a pårti ont des infôrmåcions po dire si c' est on no, èn addjectif, on viebe, si c' est pluriyal, femrin, li tins des viebes, si c' est ene cogne spotcheyes ou nén... (ces infôrmåcions vénrént bén a pont si/cwand on freut ene usteye coridjrece di croejhete; metans po dire ki "li sicole" c' est nén djusse mins k' ça pôreut esse "li scole" ou "l' escole", ki "ene grande ouxh" n' est nén djusse mins ki ça dvreut esse "on grand ouxh"...)
a pårti d' ces 90 meye bodjes, i gn a 257.959 cognes diferinnes (metans "grand/am" => li bodje "grand" avou l' drapea "a" fwait des addjectifs, ça dene les cognes: "grand (omrin singulî), grands (omrin pluriyal), grande (femrin singulî), grandes (femrin pluriyal), grandès (femrin pluriyal pa dvant), li drapea "m" fwait l' adviebe "grandmint" => 6 cognes.
Dj' a des fitchîs wice ki dj' pou fé des cweraedjes.
Po les sustantifs -wer dj' a cwerou "wer/" (et drapea diferin di "v" ou "V")
Et come dj' a veyou ki dins tos les cas pa dvant "wer" c' esteut ene cossoune,
dj' a cwerou po les viebes ""[^aeiouéèêîôûå]wé/[vV]"
(dj' ô bén on bodje di viebe (drapea "v" ou "V") ki finixh avou -wé eye djusse pa dvant ene lete ki n' est nén ene voyale.
C' est insi k' dj' a trové ki l' seu viebe dins ç' cas c' est "tcherwer"
On lingaedje a todi ene lodjike divintrinne, mins c' est sovint foirt målåjhey del discrire.
On cåzant do lingaedje "rissint" cisse lodjike la, il eploye les bons mots, li boune croejhete, et rsint come "drole" on mot ki n' shût nén cisse lodjike la; mins i n' såreut espliker å pus sovint pocwè i rsint çoula. "paski c' est insi" k' i dirè...
Çou k' i gn a d' bén avou les usteyes infôrmatikes et les båzes di dnêyes c' est k' on pout cweri , trover et rinde veyåves des rîlêyes k' i gn a.
Bråmint des sacwès ki dj' a scrîte, djels a discovrou tot scrijhant l' årtike |
|
| Rivni al copete |
|
|
Thedarkfly
Date d' arivêye: 2023-12-15
Messaedjes: 18
Eplaeçmint: Hu
|
|
| Rivni al copete |
|
|
lucyin
Date d' arivêye: 2005-07-07
Messaedjes: 3661
Eplaeçmint: Sidi Smayil, Marok
|
|
| Rivni al copete |
|
|
lucyin
Date d' arivêye: 2005-07-07
Messaedjes: 3661
Eplaeçmint: Sidi Smayil, Marok
|
| Date: dju 21 mås, 2024 17:46:33 Sudjet: |
|
|
Dji vén di mete so les fyis:
https://lucyin.walon.org/guerni/doclinw/Waldim1-7.pdf
mwaisse modêye (?) des 7 prumîs tchaptrês, 1995. Li rfondou, c' est do "timprou".
https://lucyin.walon.org/guerni/doclinw/Waldim1-3-cor.pdf
3 prumîs tchaptrês ribodjîs e 2014 (dji croe ki dj' a rmetou les egzimpes avou li rfondou "definitif").
https://lucyin.walon.org/guerni/doclinw/Waldim8-12.pdf
les tchaptrês 8 a 12.
Adon, gn a pus ki l' 13 a rtrover.
Li 16 a dmoré a môde d' esbåtche (måy fini). C' esteut e 1997, adon k' dj' a-st ataké li waibe "L' Aberteke". Dj' aveu ôte tchoi e trexhe 
Ces scrijhaedjes la estént evoyîs PAL POSSE a ene cwénzinne di djins. Surmint : Jean Germain (k' els a tertos wårdé, m' a dit Arnaud Wuyart, ki l' a stî eterviouwé e s' måjhone po "schoûtez ene miete"), Lorint Hendschel, Tiri Dumont, Stephane Quertinmont, Pire Otdjåke (?), motoit Michel Francard et Paul Lefin, mins dji n' è vou nén fé on vraiy. Pablo n' esteut nén co dins l' batea (a-st arivé e 1998, si dj' el tén bén).
On tchaptrê (la langue wallonne de demain sera claire, précise et belle) a stî evoyî a l' SLLW po vey po mete dins "Dialectes de Wallonie". Nole response, mins ene miete pus tård aspita l' "papî Ltchanteu" ki discomunyive les rfondeus (et rinoyî l' egzistance do walon : atuze do continuum linguistique des "patwès"; li mot "patwès" î rvént 35 côps, a conté Rodjî Viroux).
https://wa.wikipedia.org/wiki/Les_planificateurs_linguistiques_au_chevet_du_wallon
_________________
Li ci ki n' a k' on toû n' vike k' on djoû. |
|
| Rivni al copete |
|
|
Thedarkfly
Date d' arivêye: 2023-12-15
Messaedjes: 18
Eplaeçmint: Hu
|
| Date: vén 22 mås, 2024 12:59:52 Sudjet: |
|
|
| Merci bråmint des côps Lucyin ! Dji m' abaiti k' ces documints n' sont nén a djoû, mins dji tuze k' il ont ene grande valeur. Il apoirtèt bråmint d' informåcion so les metodes et les djustificåcions drî li rfondaedje. |
|
| Rivni al copete |
|
|
|
|
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|
FAQ
Cweri
Djivêye des mimbes
Groupes d' uzeus
Si fé mimbe
Profil
Lére les messaedjes privés
S' elodjî
