Berdelaedjes

[Thedarkfly]

Bondjoû tertos et tertotes,

Duvreut i gn aveur on dobe rifondaedje inte "sonk" et "sinne" ? Sont i les minmes mots ?

Cwand est i tchoezi d' fé on dobe rifondaedje ?

[Pablo Saratxaga]

Vos vloz dire "sonk" = da sinne (et nén sonk = li rodje likide dins l' coir) ?

Por mi oyi; avou "mink" (=minne), tink (=tinne) (ou "ménk", "ténk" ?)

come i gn a eto on / onk.

[lucyin]

Dji sereu d' acoird ossu, veyanmint ki c' est ene cawete tipicmint walone (onk, åk, on pôk). Dj' î aveu ddja tuzé, mins dji n' sai si c' est scrît ene sadju.

Asteure, fåt rfonde li voyale.

sénk (et sink) : https://alw.uliege.be/alw/?alw_volume=2&alw_page=145

26 ponts

sonk : https://alw.uliege.be/alw/?alw_volume=2&alw_page=147

31 ponts (po l' sicrijha 21-35, gn a 8 ponts ALW)

Adon, les deus cognes sont-st a pô près a båre [à égalité].

Po "ménk" et "ténk", dji n' sai si les cognes avou -on- sont si corantes (dji nd a waire rescontré, dabôrd k' on voet bråmint des "ménk", metans dins les tecses da Jacques Desmet). Metans ciddé : https://wa.wikisource.org/wiki/D%C3%ABscom%C3%A8ladje_d%E2%80%99on_nw%C3%AAr_poyon,_fou_sqwaire/III

Dji sereu po relére les cognes do Roman Payis ménk, ténk, sénk.

Fåt i prinde ossu ene sifwaite dobe rifondowe po "el cénk" (li ci + li cia ?)
Po schoûter èn uzaedje:
https://atlas.limsi.fr/sounds/Mont-Saint-Guibert.mp3
_________________
Li ci ki n' a k' on toû n' vike k' on djoû.

[lucyin]

Dj' a metou li dobe rifondaedje sol DTW insi: sinne u sénk (sonk)

https://dtw.walon.org/index.php?id=22141

ey eto, divins l' wiccionaire, totes les disfondowes di l' ALW (dins l' prononçaedje et dins l' ortografeye)

https://wa.wiktionary.org/wiki/sinne

Dins l' wiccionaire, a "sonk" (Feller) dj' a leyî djusse li prononçaedje di "sonk" lu-minme, come d' uzaedje. Les ôtes ont stî rmetous a "sinne"

https://wa.wiktionary.org/wiki/sonk#Walon_(sistinme_Feller)

I dmeure a fé l' pådje di "sénk" avou des egzimpes di cognes avou -k.
_________________
Li ci ki n' a k' on toû n' vike k' on djoû.