Vey sudjet di dvant :: Vey sudjet shuvant |
Oteur |
Messaedje |
Reptilien
Date d' arivêye: 2017-07-01 Messaedjes: 263
|
Date: vén 12 dja, 2024 23:41:19 Sudjet: finmint <> fenmint => finmint |
|
|
Sol DTW : finmint (rifondaedje nén seur).
Acertiné divins E1 : fènemint.
So l' femrinne cogne, come divins : araedjî / araedjeye > araedjeymint ; binamé / binamêye > binamêymint ; ou bén so l' omrinne cogne, come divins : djinti > djintimint (divins E1 on trove djintèyemint metou come vî) ? |
|
Rivni al copete |
|
![](templates/actionpoint/images/spacer.gif) |
Pablo Saratxaga Site Admin
![](images/avatars/17303731815d13a3403b71c.gif)
Date d' arivêye: 2005-07-01 Messaedjes: 1156 Eplaeçmint: Oûpêye
|
Date: sem 13 dja, 2024 17:58:48 Sudjet: |
|
|
"fenmint" va bén avou l' rîle ki l' cawete -mint des aviebes si mete sol cogne femrinne des addjectifs: fén, fene => fenmint;
et i gn a ene disfondowe ki l' mostere.
Po "djinteymint" i gn a ossu ene disfondowe "djintîymint [C8]"; |
|
Rivni al copete |
|
![](templates/actionpoint/images/spacer.gif) |
Reptilien
Date d' arivêye: 2017-07-01 Messaedjes: 263
|
Date: sem 13 dja, 2024 22:12:10 Sudjet: |
|
|
Divins E170 i shonne ki gn a-st ene diferince etur djintimint (fé avou del djintiyesse) et djintèyemint (abeyemint). Por mi c' est piron-parey.
On trouve eto djintèyemint divins l' BSLLW l° 60, 1926 : Auguste Brixko, Mi feume lét (sicrît e 1920).
Po poleymint dji n' trouve rén, ça shonne esse èn epront do francès. |
|
Rivni al copete |
|
![](templates/actionpoint/images/spacer.gif) |
Pablo Saratxaga Site Admin
![](images/avatars/17303731815d13a3403b71c.gif)
Date d' arivêye: 2005-07-01 Messaedjes: 1156 Eplaeçmint: Oûpêye
|
Date: dim 14 dja, 2024 13:57:54 Sudjet: |
|
|
Reptilien scrijha: |
Divins E170 i shonne ki gn a-st ene diferince etur djintimint (fé avou del djintiyesse) et djintèyemint (abeyemint). |
dj' åreu eployî djinteymint et djintimint å rviè
I gn a-st ene diferince pask' i gn a-st ene diferince etur les addjectifs:
* djinti, -eye = k' overe felmint, k' overe a môde di djin
* djinti, -eye = binamé
li 2inme shonne esse on calcaedje do francès.
Dji n' croe nén kelzès fåt mete eshonne, la k' a pårt l' adviebe, li restant del parintêye n' est nén comone.
Citåcion: |
Po poleymint dji n' trouve rén, ça shonne esse èn epront do francès. |
Dji n' a måy oyou (e walon) li femrin di "poli" nerén;
mins i gn a "polèiemin [E203]"
Do côp:
* djinti, -eye => djinteymint (felmint)
* djinti, -eye => djinteymint (binamêymint)
* poli, -eye => poleymint (avou politesse)
i gn a des disfondowes k' aspalèt l' betchfessî -ey- dins les troes cas;
et ça ndè fwait des derivés avou -mint erîlés (fwaits sol cogne femrinne) |
|
Rivni al copete |
|
![](templates/actionpoint/images/spacer.gif) |
lucyin
Date d' arivêye: 2005-07-07 Messaedjes: 3664 Eplaeçmint: Sidi Smayil, Marok
|
Date: vén 19 dja, 2024 12:53:51 Sudjet: |
|
|
Pol parintêye des mots, i fåt todi tuzer a deus sacwès:
1. li bodje si fwait sol FEMRINNE cogne. djinti => djinteye => djinteymint (djintimint, c' est l' assaetchance do francès). tårdou => tårdowe => tårdowmint. Pacô, i fåt aler rnaxhî dins les pus vîs des motîs po rtrover ces cognes la (djinteymint dins Forir).
2. li voyale do bodje candje erîlêymint cwand ele si rtrouve dins li dvant-dierinne sillabe.
Po finté & finmint, c' est l' minme rîle ki po "copene" MINS "copinreye" (decidé diviè l' an 2000). On aveut tchicté on moumint po les cloyowès sillabes (copinreye / copenreye; bodje A: dji copenrè u dji copinrè). C' est l' candjmint d' voyale k' a stî decidé. C' EST ENE RÎLE dedja aplikêye dins 36.000 mots.
=> finmint, finté ki s' prononçnut SINS naziåle (fin'mint, fin'té)
https://wa.wiktionary.org/wiki/fint%C3%A9
MINS po -å, on n' l' a nén apliké dins les clôsès sillabes.
sociå, kiminå => sociåle, kiminåle => sociålmint / kiminålté
Mins candjmint d' voyale dins les drovowès sillabes : socialisse. _________________ Li ci ki n' a k' on toû n' vike k' on djoû. |
|
Rivni al copete |
|
![](templates/actionpoint/images/spacer.gif) |
|