Berdelaedjes

[Reptilien]

Tot lijhant les "Propôzucions d' noûmots e matematikes eyet indjenireye" da Thedarkfly, dji m' abaiti ki dvins l' DTW i gn a pont d' -s- dins : dimostrer (~ dismostrer) mins k' i nd a onk dvins : disfôrmer (~ difôrmer).

Po ces deus mots la, i gn a pont d' -s- e latén, mins on-z a des disfondowes avou -s-.

C' est l' minme po : dismete (~ dimete) ; disfé (~ difé); disbarasser (~ dibarasser), et vos nd åroz co et co...

Li tchuze si fwait comint ?

[Pablo Saratxaga]

dji n' sai nén s' i gn a ene tchuze "oficire", mins mi dj' eploye voltî dis- cwand c' rest po fé on mot k' est pår li contråve (come "fé" <-> "disfé").

C' est motoit paski c' est insi e castiyan (eg: hacer <-> deshacer).

Cwand li sinse del betchete c' est on rafoircixhaedje, i m' shonne k' on rifond todi avou "d(i)-" et måy "dis-"

Avou "dimoster", c' est nén l' contråve di "mostrer", mins purade "bén mostrer"; do côp "d(i)mostrer" va mî k' "dismostrer" por mi

I m' shonne eto ki cwand i gn a ene cope e-/dis- on rfond todi avou dis-, la k' il ont des sinses contråves (eg: ebarasser/disbarasser)