 |
Berdelaedjes
Forom di berdelaedjes e walon, so tot l' minme ké sudjet
|
| Vey sudjet di dvant :: Vey sudjet shuvant |
| Oteur |
Messaedje |
lucyin
Date d' arivêye: 2005-07-07
Messaedjes: 3664
Eplaeçmint: Sidi Smayil, Marok
|
 Date: mie 17 dja, 2024 12:34:18 Sudjet: Eplaidaedje: djustifiaedje / riscôpaedje des mots |
 |
|
A Djoslene Mostene
vosse programe di riscôpaedje esclate "Moxhon" come ça: "Mox-hon", çou ki n’ va nén e walon. On a l’ minme rujhe do costé walon (on n’ POUT NéN côper les « xh », « jh » « tch » « dj » … inte x/j et h, t et ch… çou k’ les programes do francès fijhèt voltî
| Citåcion: |
Djoslene
C’èst l’ prèmî côp qui djol fiéve, po vos fè plaîji, pace qui dji sé bin qui vos n’in.mez nin lès scrîjadjes qui n’ sont nin « justifiés ». Èt portant ! I-gn-a tant à dîre… À Vresse, dji causève avou Dominique Billon, l’auteûr qu’a scrî « Mémoire de Semois », on lîve MAGNIFIQUE où rin n’èst « justifié ». I m’ dijéve : « Po on roman, ça va co, maîs autrumint, ça n’ si faît quausu pus. Èt dins on lîve parèy, sûremint nin ». Dj’aî one miète lî su l’ sudjet èt vos troverez l’ rèsultat en PDF.
Waîtez bin, su internet, rin n’èst « justifié » non pus. Èt, par ègzimpe, dins one gazète ou l’ôte, s’il ont « justifié » èt qu’i n’ont nin côpè lès mots, c’èst dès vûdes tèribes inte zèls, qui c’èst vormint fwârt laîd !!!
Po l’ côpadje, en francès, c’èst jusse li min.me : on n’ pout côpè come on vout, èt seûlemint s’i-gn-a 3 lètes à l’ fin dol frase.
|
Li riscôpaedje e francès, c' est inte deus cossounes, et måy divant y (envoyer). Les programes ki nos avans rotèt tertos avou avou les rîles do francès. Dj' el voe bén cwand dji riscôpe les mots pol Rantoele (dji rpasse tchaeke årtike !!).
E walon, on pout riscôper divant Y (evo-yaedje) ca c' est ene novele sillabe.Lacobén k' mes programes Scribus aprindèt tchaeke mot avou xh, jh, sch, tch... cwand i passe on côp. Mins les noveas mots, i les fåt eredjstrer dins l' båze di dnêyes do programe riscôpeu.
Li djustifiaedje, come vos djhoz, po on roman, c' est mî. Po les 3 colones del Rantoele, dji croe k' on åreut co des pus laids vudes sins djustifiaedje. Et come dj' a prins l' pli di ri-"hyphanate" (c' est come ça ki l' programe li lome) tchaeke boket, les laids vudes sont råles [rares].
_________________
Li ci ki n' a k' on toû n' vike k' on djoû. |
|
| Rivni al copete |
|
 |
Pablo Saratxaga
Site Admin
Date d' arivêye: 2005-07-01
Messaedjes: 1156
Eplaeçmint: Oûpêye
|
| Date: dju 18 dja, 2024 23:33:51 Sudjet: Re: Eplaidaedje: djustifiaedje / riscôpaedje des mots |
|
|
| Djoslene scrijha: |
par ègzimpe, dins one gazète ou l’ôte, s’il ont « justifié » èt qu’i n’ont nin côpè lès mots, c’èst dès vûdes tèribes inte zèls, qui c’èst vormint fwârt laîd !!!
|
C' est foirt laid cwand c' est des biesses programes ki nel savèt nén fé comifåt.
Dins l' tins c' esteut des djins ki l' fijhît (et c' esteut-st on mestî, tipografe), et c' esteut bén fwait, les djins d' mestî fijhèt çou k' i faleut po k' ça soeye be a l' ouy.
Avou les programes éndjolikes, i gn a LaTeX k' arive a fé des rzultats coreks (et i gn a moyén d' lyi mete des rîle, ou pol moens li dner l' manire di côper les mots, pol walon)
| lucyin scrijha: |
E walon, on pout riscôper divant Y (evo-yaedje) ca c' est ene novele sillabe.
|
C' est nén djusse "divant Y", mins "divant Y si shuvou d' ene voyale" (et on e moya la fén ("-e", "-es", "-et", "-ets" metans) ni doet nén esse prind come voyale dins ç' cas.
(dj' ô bén, on doet poleur prononcî åjheymint tot metant èn ahiket la k' on-z a côpé).
Po "dishåynaedje" on n' pout nén côper "dishå-ynaedje";
nerén "dishåynae-dje"
| Citåcion: |
Lacobén k' mes programes Scribus aprindèt tchaeke mot avou xh, jh, sch, tch... cwand i passe on côp. Mins les noveas mots, i les fåt eredjstrer dins l' båze di dnêyes do programe riscôpeu. |
i gn a surmint moyén d' lyi aprinde des rîles, purade ki mot pa mot.
Dji sayrè d' atôtchî l' mintneu do pacaedje hyphen-ca (ces rîles la, pol catalan) po vey s' i m' sait dire kimint ataker. |
|
| Rivni al copete |
|
|
|
|
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|
FAQ
Cweri
Djivêye des mimbes
Groupes d' uzeus
Si fé mimbe
Profil
Lére les messaedjes privés
S' elodjî
