|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
Pablo Saratxaga Site Admin
Date d' arivêye: 2005-07-01 Messaedjes: 1158 Eplaeçmint: Oûpêye
|
Date: lon 17 djl, 2006 0:31:23 Sudjet: Nos estans tertos des Palestinîs |
|
|
|
|
Rivni al copete |
|
|
lucyin
Date d' arivêye: 2005-07-07 Messaedjes: 3681 Eplaeçmint: Sidi Smayil, Marok
|
Date: lon 24 djl, 2006 22:42:18 Sudjet: Rexhowe: |
|
|
1. aplicåcion del 242 do Consey di såvrité (Israyel si rsaetche des teres avayeyes e 1967).
2. creyåcion d' èn estat federå ås troes rlidjons, come å Liban.
Tot çou ki fwait tårdjî cisse rexhowe la ni sieve a rén. Udonbén, pé: i raprotche li djoû la k' les Amerikins vont esse kibatous tos costés, et n' pus saveur sotni les Israyelîs, ki disparexhront dizo des waches d' aviyixheus arabes u moslimîs nén arabes ki s' vôront rvindjî di tot çou k' on lezî a fwait edurer. |
|
Rivni al copete |
|
|
Marc Dessy
Date d' arivêye: 2006-11-03 Messaedjes: 7
|
Date: vén 03 nôv, 2006 14:19:45 Sudjet: Palèstinyins tot seûs |
|
|
Vos-èstoz d' abôrd conte Israèl? _________________ Djustice èt Vèrité |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1158 Eplaeçmint: Oûpêye
|
Date: vén 03 nôv, 2006 21:17:13 Sudjet: Re: Palèstinyins tot seûs |
|
|
Marc Dessy scrijha: |
Vos-èstoz d' abôrd conte Israèl? |
Si Israyel esteut on payis civilizé ça pôreut esse diferin; mins il ont-st avou bén rade 60 ans po s' kidure a môde di djin et i n' ont måy rén fwait d' ôte ki d' ataker leus vijhéns, di touwer des efants, di distrure des måjhones et des tchamps, d' eployî des åres disfindowes, di n' nén respecter l' lwè eternåcionåle, d' eployî l' torture et d' fé des crimes di guere et siconte l' umanité...
Oyi, dj' a-st arivé a pinser ki l' mî ça sereut ki cist Estat la, fachisse et raecisse, soeye distrût, et k' on poye basti so cisse tere la on payis wice ki les djins pôrént viker eshonne.
L' Estat nazi almand a stî distrût, et l' Almagne d' asteure est tot l' minme bén mî.
L' Estat raecisse di l' Apartheid a stî distrût, et l' Nonne-Afrike d' asteur est tot l' minme mî.
Dj' inmreut bén ki l' Estat siyonisse soeye distrût, et k' on poye aveur on payis ki soeye bén mî, po totes les djins ki î vikèt, k' i soeyexhe djwifs, moslimîs ou co crustins. |
|
Rivni al copete |
|
|
Psychedelik Barakî
Date d' arivêye: 2005-11-22 Messaedjes: 63 Eplaeçmint: Nameur (Bomel)
|
Date: lon 06 nôv, 2006 12:58:47 Sudjet: |
|
|
Adon on pout dire k' on n' est nén si tant conte Israyel ké conte es politike.
Fåt wêr si l' mî n' sareut nén d' fé-st on grand stat eu çk' efectivmint on poreut lîbmint yesse del confession k' on vout, et pinser come on vout. Fåreut k' ça rchone mwins' a 'ne dictature... _________________ Dvizans Walon inte frés do payis
Des beas mots po l' ni nén rovyî |
|
Rivni al copete |
|
|
Marc Dessy
Date d' arivêye: 2006-11-03 Messaedjes: 7
|
Date: dim 21 dja, 2007 4:05:47 Sudjet: Israèl, payis d' mârtîrs... |
|
|
Gn-a pèrson.ne qui pout comprinde li mârtîr dès djwifs à paurt zèls.
I n' faut nin rovyî çoci:
A Berchtesgaden, gn-a on cente su l' deûzin.me guêre mondiâle.
On-z-î vèt one foto avou Hitler èt dès ... chèfs arâbes.
Li grand mufti d' Palèstine v'lêuve l' èstèrminâcion dès Djwifs come Adolf Hitler.
> > Yasser Arafat a stî l' nèveû do grand mufti...
L' Iran (avou l' Hezbollah èt l' Hamas) vout l' distrûjadje d' Israèl ... èt d' sès-abitants.
Ni nin rovyîz qui l' Coran vèt èvi lès Djwifs... _________________ Djustice èt Vèrité |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1158 Eplaeçmint: Oûpêye
|
Date: dim 21 dja, 2007 15:43:27 Sudjet: Re: Israèl, payis d' mârtîrs... |
|
|
Marc Dessy scrijha: |
Gn-a pèrson.ne qui pout comprinde li mârtîr dès djwifs à paurt zèls. |
Des djins k' ont viké tins des anêyes 1930-40 end a todi moens;
et nolu n' pout viker so les fwaits di ses parints, c' est so çou k' on fwait si minme k' on est djudjî, nén so çou k' ses parints on fwait.
Dji l' va dire platezak, et tant pire si ça vos choke: dji m' foute di saveur çou k' s' a passé i gn a 60 ans e l' Urope; c' est nén di çoula k' i s' adjixhe; mi dji voe çou ki s' passe asteure el Palestene, et dji voe ki l' govienmint d' Israyel est on govienmint fachisse et raecisse, co pé ki l' Apartheid del Nonne-Afrike.
Cwè dirîz vs si on djoû ene sakî arive dins vosse måjhone, vos scroter vos meubes et vos çanses, broûler vosse vweteure, et touwer onk di vos efants; et poy ki vosse vijhén vos vegne dire k' i n' fåt nén esse mwais, paski l' "grand-pere do voleur et moudreu il a bråmint sofrou, lu, savoz; vos n' poloz nén comprinde"...
Citåcion: |
L' Iran (avou l' Hezbollah èt l' Hamas) vout l' distrûjadje d' Israèl ... èt d' sès-abitants. |
Et l' govienmint d' Israyel fwait tot po lzî dner råjhon.
I gn a did ça sacwantès anêyes, dj' esteut po l' egzistance di deus estats, po k' Israyel continowe; mins pus asteure, asteure dji so do minme avis ki l' Hezbollah et l' Hamas, Israyel doet esse distrût; il ont-st avou vormint do tins po divni on payis a môde di djin, on payis civilizé, el plaece di çoula, Israyel a divnou tchaeke côp pé, tchaeke côp pus terorisse, tchaeke côp pus rovieus des lwès eternåcionåles.
On finixh todi pa payî ses fåtes.
Citåcion: |
Ni nin rovyîz qui l' Coran vèt èvi lès Djwifs... |
Vos l' avoz ddja léjhou?
Mins minme si c' esteut l' veur; mi dji m' è foute.
Èn assazin n' est nén moens assazin paski les cis k' i touwe li voeyèt evi. |
|
Rivni al copete |
|
|
lucyin
Date d' arivêye: 2005-07-07 Messaedjes: 3681 Eplaeçmint: Sidi Smayil, Marok
|
Date: dju 25 dec, 2008 14:06:53 Sudjet: |
|
|
Messe di Noyé a Betleyem
L' eveke catolike di Betleyem, Michel Sabah, a dit messe e meynute al båzleke del nexhance da Djezu-Cri, a Betleyem. Come d' alaedje, li ceremoneye esteut revoyeye so l' tchinne di tévé palestinyinne, li PBC (''Palestine Broadcasting Company'').
Dins les prumirès tcheyires, a hintche, les gros colés del Palestene, k' ont vnou rinde bon dvwer, mågré k' c' est des muzulmans : Mahmoud Abbas, li prezidint, Salam Fayad, li prumî minisse, eyet minme li minisse des rlåcions avou les payis d' ådfoû des Emirats arabes Unis. On djonne here, prince di s' mestî, avou si blanke cote et si rafûlaedje del tiesse avou on ceke pol tini. Mins, åresse, c' est l' minme mousseure ki les mayeurs palestinîs, k' estént djusse padrî.
Divant messe, les peres franciskins del Palestene ont léjhou on messaedje e shijh langues. Avou ene clignete sol crijhe economike d' ouy. Ça pind å nez a bråmint des capitalisses, derît i, di ridivni des pôves, asteure. Ça n' les candjrè nén, ca il estént dedja des pôves dins leu-z åme, dispu bele ådje, veyanmint ki tote leu-z ehowe est metowe po wangnî todi dpus d' cwårs.
L' eveke di Beteleyem a fwait s' pronne aprume en arabe, adonpwis e francès. I djha ki les djins end avént gros sol petote, avou l' meur ki rind leu veye todi pus målåjheye. Avou les canons et les mitrayetes ki cabouxhèt tofer. Les veves ki tchoûlèt et les efants ki crevnut d' fwin dins l' Binde di Gaza, a cåze di l' essermint des Israyelîs.
Pout on fé l' påye adon k' on mesbridje des enocins, k' on-z evoye des meyes di djins dins les prijhons israyelyinnes, sins ddja pont d' djudjmint ? C' est a schipe 300 pelrins ki Israyel a leyî rexhe foû del binde di Gaza, po-z aler a Betleyem, so les 9000 crustins ki dmornut co dins l' payis.
Pocwè, å resse, ki les gros menirs djwifs ni vnèt nén a messe, zels eto ?
So ç' tins la, gn a on gros myård di crustins ki fwaiynut fricasse, et bouxhî les tchambes totavå l' Daegne. Et nén lever li ptit doet po fé ployî les Siyonisses. Les estrinmisses muzulmans, la, twè : on-z evoye des tanks et des avions po les språtchî, ossu lon l' l' Afganistan. Mins le sestrinmisses djwif ki sont-st a leu-z ouxh, i fwaiynut handele avou zels. Et s' fote des djins come li Djôr Bush jr ki djha al fén di 2007 k' i gn åreut påye el Palestene divant l' fén 2008. Loigne veråt ! Est çki les Almands k' ocupént l' Beldjike e 1942 årént sepou fé l' påye avou les Rezistants walons ? Et årént i levé l' daxhe s' i n' årént nén stî oblidjîs pa pus foirt ki zels ?
Boune fiesse a tertos et tertotes ! Et ki les cis ki furlèt leus 1000 uros so les 8 djoûs di ribote tuzénxhe ås Palestinîs ki, so ç' tins la, crevnut d' fwin. _________________ Li ci ki n' a k' on toû n' vike k' on djoû. |
|
Rivni al copete |
|
|
lucyin
Date d' arivêye: 2005-07-07 Messaedjes: 3681 Eplaeçmint: Sidi Smayil, Marok
|
Date: vén 16 dja, 2009 22:56:35 Sudjet: |
|
|
Mwaisses d' Israyel d' ouy & tchîfs nazis di 1940-1945
Gn a-t i tant d' adire inte les mwaisses israyelîs d’ ouy et les les tchîfs nazis ki dzindjnît leus tayons el guere 1940-1945 ?
On lijheu del Rantoele dijha :
Citåcion: |
A chake sès idêyes mins dji n' mètréve nén "Les mwaisses israyelîs d’ ouy ravizèt come deus gotes d’ aiwe les tchîfs nazis di 1940-1945 :" Zèls n' ont nén dècidé d' tuwer TOS lès muslims ki, po leû pårt, volenut taper foû lès djwifs. A vos d' vîre mins i fåt tot pèzer avou l' minme rominne. |
Les Hamasse (c' est sor zels k' on tape tote li hate) ni vlèt nén taper foû les Djwifs ki viként dispu todi el Palestene. Kécfeye nén ddja les cis k' årént atchté des teres lweyålmint (di 1916 a 1948). Mins les ôtes k' ont vnou après et tchessî les djins did la foû d' leus teres et leus måjhons. _________________ Li ci ki n' a k' on toû n' vike k' on djoû. |
|
Rivni al copete |
|
|
djozewal
Date d' arivêye: 2005-07-01 Messaedjes: 307 Eplaeçmint: bagué !
|
Date: sem 17 dja, 2009 10:20:44 Sudjet: |
|
|
Citåcion: |
Pablo, ène miète pus wôt : Dji l' va dire platezak, et tant pire si ça vos choke: dji m' foute di saveur çou k' s' a passé i gn a 60 ans e l' Urope; |
C' èst pokwè, po m' pårt, i n' fåt nén rimète c'ki s' passe à l' åne dès nazis. Si, d' azâr, i faléve li fé, vos è nn' avèz, dispû 60 ans, ène "bèle" pougnîye à fé passer papadvant lès mwinrneus d' Izrayèl, ki ça fuchisse po l' nombe dès mwârts, fwârzaedjes, misbrîdjaedjes, "propes" bates, evd.
Lès mots n' font ptète nén ossi maû k' lès rokètes, bombes à brûlantes sipites, evd., mins, come l' bombe atomike, i faut î riwêtî à deus côps po nén à målvå, lès taper foû.
A, oyi, l' lîjheu ki dijha, c' èst mi, da. |
|
Rivni al copete |
|
|
djozewal
Date d' arivêye: 2005-07-01 Messaedjes: 307 Eplaeçmint: bagué !
|
Date: mår 20 dja, 2009 9:59:06 Sudjet: |
|
|
Edouard Delruelle do "Cinte po l' ègalisté dès tchances" done audjourdu dins l' Swâr s'n'idêye, l' minme ki l' mène. L' voci :
|
|
Rivni al copete |
|
|
lucyin
Date d' arivêye: 2005-07-07 Messaedjes: 3681 Eplaeçmint: Sidi Smayil, Marok
|
Date: mår 20 dja, 2009 13:21:22 Sudjet: |
|
|
Por mi, dji croe ki les wants a mete, c' est di n' nén eployî l' mot "djwif" po cåzer des Siyonisses k' ont colnijhî l' Palestene dispu 1916.
Mins ki les Siyonisses soeyénxhe des moudreus, ci n' est nén d' enute. Dedja diviè 1925, il ont zigouyî a Djeruzalem (avou l' aidance del police inglesse) on gaztî holandès k' aveut fwait on rapoirtaedje so çou k' il aprestént ladrî.
C' est les Siyonisses k' ont fwait tourné l' tiesse e 1949-1965 ås Djwifs do Marok (dji va cåzer d' zels paski c' est l' cas ki dj' kinoxhe li mia) por zels ebaguer viè Israyel. Po lzî fé del plaece, il ont tchessî les djins did la foû d' leu måjhons. Nén fok des Palestinîs muzulmans, des Palestinîs crustins eto !!! Mins ces-cial ont stî ascoyis ezès Stats Unis. Les Palistinîs muzulmans ont stî resserés dins des "camps", sins nåcionålité, sins nou abondroet, dispu asteure 60 ans. Adon, i ls ont stî tenawete sipaté come des robetes a Tchalila (1984 ?), a Djnenine (2005 ?), evnd.
Ci c' est nén on cdijhaedje a môde des Nazis, ça î ravize tolminme bén !!!
E Marok, les Djwifs k' ont stî assaetchîs inla eviè palestene viként påjhirmint avou les Arabes. C' esteut des djins k' avént divnou djwifs la des siekes et des rassiekes. I cåzént arabe dins les plaeces k' on l' cåze et amazir dins les payis berberes.
Mins les "tchîfs" siyonisses, c' est aprume des azkenådes : bråmint, c' est des Rûsses, des Canadyins, des Estazunyins ki s' ont cviersî al rilidjon djwive al fén do 18inme sieke. C' esteut des femes ki s' ont maryî avou des Djwifs retchessîs di Rûsseye, la k' les pogroms avént cmincî diviè 1870 (?). Paski c' esteut des omes comifåt et k' i mankéve di marieus.
L' avuzion des Hamasses (et di bråmint des cotuzeus dins l' monde arabe), c' est ki les Muzulmans ont viké påjhirmint avou les Djwifs di 620 a 1920, 13 siekes å long. C' est les "Bancs" "crustins" k' ont todi fwait des mizeres ås Djwifs. Dispu li dzindjnaedje des Djwifs di Worms e 1097 pal croejhåde des pôves da Pire l' Ermite.
Si ene sakî diveut rpayî po ces fåtes la, et fé èn estat djwifs po les Djwifsviker e påye ey e såvrité, c' est les Uropeyins, aprume les Almands et les Rûsses k' el divént edjîstrer so leu teritwere. L' Estat d' Israyel, si on vout l' fé come ene "réparation historique" divreut esse el Basse-Sake u dins les plinnes do Donetz.
Le Hamasses et les Iranyins sont disconte l' estat israyelî asné [basé] so ene rilidjon. I n' sont nén disconte ki les Plestinîs djwifs et crustins, et les Djwifs di Palestene, et des ôtes ki l' vôrét bén, vikénxhe e-n on estat democratike el Palestene. A môde des 18 kiminåltés rilidjeuse do Liban. C' est les Siyonisses ki rfuzèt çoula. I n' vlèt nén d' èn estat ki n' î soeyénxhe nén les grands mwaisses.
Et les pôves djins do Fatah k' estént presses a ployî l' tiesse. Gn a k' les Hamasses ki dijhnut co ki les miyons d' Palestinîs k' ont stî tchessîs evoye e 1948 et 1967 divèt rivni. Bush l' a repeté noer so blanc : gn a ene novele sitouwåcion et on n' pout nén rivni dsu = les colons blancs Siyonisses ont tchessîs les djins do payis, et nos estans bén d' acoird avou çoula. Et les Uropeyins ont todi dit "åmen" ås Amerikins.
Mi eto, dj' el di : åmen ! _________________ Li ci ki n' a k' on toû n' vike k' on djoû. |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|